ایران کے یکتا پرست مومن عوام نے ماہ رمضان کی عبادات، روزہ داری اور خود سازی کے بعد شکرانے کے طور پر پورے ملک میں عید الفطر کی نماز قائم کی اور سجدہ شکر ادا کیا۔ ملت ایران نے عید سعید فطر کی پرشکوہ نماز میں بارگاہ رب العزت سے ملی رستگاری اور سعادت دنیا و عقبی کے تسلسل کی دعا کی۔ اس باعظمت تقریب کا نقطہ کمال مصلائے تہران میں رہبر معظم انقلاب کی امامت میں پڑھی جانے والی نماز عید تھی۔

قائد انقلاب اسلامی آیت اللہ العظمی خامنہ ای نے ملک بھر کے یونیورسٹی اساتذہ اور اکیڈمک بورڈ کے ارکان سے خطاب میں محنتی، صاحب ایمان اور بلندیوں کی جانب گامزن نسل کی تعلیم و تربیت میں اساتذہ کے کردار کو بے بدل قرار دیا اور علمی مراکز میں فروعی اور غیر ضروری بحثوں سے اجتناب پر زور دیتے ہوئے فرمایا کہ ملک کی علمی ترقی کی رفتار کسی بھی وجہ سے، کم نہیں ہونی چاہئے۔

قائد انقلاب اسلامی آیت اللہ العظمی خامنہ ای نے فرمایا کہ ایران اور ایرانی قوم شہدا اور ان کے خاندانوں کے مقروض ہیں۔ سات تیر مطابق 28 جون 1981 کے دہشت گردانہ حملے کے شہدا کے اہل خانہ نیز صوبہ تہران کے ان خاندانوں سے ملاقات میں جنھوں نے ایک سے زیادہ شہیدوں کی قربانی دی ہے، قائد انقلاب اسلامی نے ہر دور کے لئے شہیدوں کے امید آفریں، عزم راسخ و روحانی نشاط سے سرشار اور حقائق کو سامنے لانے والے پیغام کا ذکر کیا اور زور دیکر کہا: آج ملک کو پختہ عزم، دشمن کی شناخت، نرم جنگ کے میدانوں میں، بشمول ثقافتی و سیاسی میدانوں کے ہر جگہ دشمن سے مقابلے کے لئے آمادگی کی ضرورت ہے اور جو لوگ دشمن کے کریہ المنظر چہرے پر 'ابلاغیاتی ملمع' چڑھانے کی کوشش کر رہے ہیں وہ قوم کے مفادات کے خلاف کام انجام دے رہے ہیں۔

پہلی رمضان المبارک کو حسینیہ امام خمینی رحمۃ اللہ علیہ میں محفل' انس با قرآن' کا انعقاد کیا گیا۔ یہ محفل تین گھنٹے تک چلی۔ محفل میں قائد انقلاب اسلامی آیت اللہ العظمی خامنہ ای نے بھی شرکت کی۔

قائد انقلاب اسلامی آيت اللہ العظمی خامنہ ای نے فرمایا کہ ملک کی اقتصادی مشکلات اور ایٹمی مسئلے کی راہ حل داخلی توانائیوں پر اعتماد کرنا اور مستحکم مزاحمتی معیشت پر ایقان و اطمینان ہے۔

قائد انقلاب اسلامی آيت اللہ العظمی خامنہ ای نے فرمایا کہ فوجی مراکز کے معائنے اور ایرانی سائنسدانوں سے سوال و جواب کی ہرگز اجازت نہیں دی جائے گی۔

قائد انقلاب اسلامی آیت اللہ العظمی خامنہ ای نے ہفتہ استاد کے موقع پر وزیر تعلیم و تربیت (1) اور ملک بھر سے تشریف لانے والے اساتذہ کی کثیر تعداد سے اپنی ملاقات میں تعلیم و تربیت کے شعبے کی عدیم المثال قدر و منزلت، اسی طرح صاحب ایمان، دانا، روشن فکر، خود اعتمادی کے جذبے سے سرشار، امید و نشاط سے معمور نسل کی تربیت میں استاد کے انتہائی اہم اور موثر کردار پر روشنی ڈالتے ہوئے کہا کہ ان اعلی اہداف کے حصول کا انحصار تعلیم و تربیت کے شعبے میں 'بنیادی اصلاحات کی دستاویز' کے مکمل اور منظم نفاذ پر ہے۔

قائد انقلاب اسلامی نے 'پیشمرگان مسلمان کرد فورس' کے شہیدوں کی یاد میں کانفرنس کی منتظمہ کمیٹی سے خطاب میں اس فورس کی خدمات کو یاد کیا۔

قائد انقلاب اسلامی آيت اللہ العظمی خامنہ ای نے پولیس فورس کی کانفرنس میں شرکت کرنے والے اس محکمے کے افسران، عہدیداران اور محکمہ پولیس میں سیاسی و مذہبی امور کے ذمہ داران سے ملاقات میں محکمہ پولیس کو اسلامی جمہوریہ ایران کی سیکورٹی اور قوت و اقتدار کا مظہر قرار دیا۔

قائد انقلاب اسلامی آيت اللہ العظمی خامنہ ای نے یوم ولادت حضرت فاطمہ زہرا سلام اللہ علیہا کی مناسبت سے خواتین، شعرا اور ذاکرین اہل بیت علیہم السلام سے ملاقات میں بنت رسول کے یوم ولادت کی مبارکباد پیش کی اور ایٹمی مذاکرات اور یمن کے واقعات کے سلسلے میں انتہائی کلیدی نکات بیان کئے۔

قائد انقلاب اسلامی آيت اللہ العظمی سید علی خامنہ ای نے فرمایا کہ اسلام کامل کا نفاذ مرضی پروردگار اور اسلامی جمہوری نظام کا نصب العین ہے۔ ماہرین کی کونسل (مجلس خبرگان) کے ارکان نے اپنے سترہویں اجلاس (1) کے بعد 21 اسفند 1393 ہجری شمسی مطابق 12 مارچ 2015 عیسوی جمعرات کی صبح قائد انقلاب اسلامی سے ملاقات کی۔

قائد انقلاب اسلامی نے مقدس دفاع میں علمی شخصیات کی بھرپور شرکت اور تعاون کو راہ خدا میں قربانی دینے اور جام شہادت نوش کرنے کا جذبہ تمام طبقات میں عام ہو جانے کا ثبوت قرار دیا۔

قائد انقلاب اسلامی آیت اللہ العظمی سید علی خامنہ ای نے اتوار کی صبح فضائیہ کے کمانڈروں اور اہلکاروں سے ملاقات میں ملت ایران کے سلسلے میں امریکی حکومت کی چھتیس سال سے مسلسل جاری دشمنی کے اصلی اہداف اور ایرانی قوم کو پسپا کر دینے کے سلسلے میں اس حکومت کے غلط اندازوں کی وجوہات کو بیان کیا۔

پارلیمنٹ مجلس شورائے اسلامی میں مذہبی اقلیتوں کے نمائندوں سے ملاقات میں قائد انقلاب اسلامی آيت اللہ العظمی خامنہ ای نے اسلامی ریاست میں غیر مسلم شہریوں کے ساتھ سلوک کے تعلق سے اسلام کی تعلیمات کا ذکر کیا۔

قائد انقلاب اسلامی آيت اللہ العظمی خامنہ ای نے بدھ کی صبح اینچوان ایشیئن گیمز اور ایشیئن پیرا گیمز میں نمایاں کارکردگی کا مظاہرہ کرنے والے کھلاڑیوں سے ملاقات میں کھلاڑیوں‎ کی فتح سے عوام کے اندر قومی افتخار کے جذبے کی بیداری، کھلاڑیوں اور چیمپینس کی دنیا کے کروڑوں تماشائیوں کی نگاہ کے سامنے دینی اقدار و شعائر کی پاسداری اور ترویج کو انتہائی اہم قرار دیا اور زور دیکر کہا کہ عالمی میدانوں میں یہ روحانی استقامت ملت ایران کی مستحکم پائيداری کی علامت ہے۔

قائد انقلاب اسلامی آیت اللہ العظمی سید علی خامنہ ای نے بدھ کی صبح مقدس شہر قم سے آنے والے ہزاروں افراد سے خطاب کرتے ہوئے اسلامی انقلاب کے حقائق میں تحریف کرنے اور انیس دی 1356 ہجری شمسی مطابق 9 جنوری 1978 اور 9 دی 1388 ہجری شمسی مطابق 30 دسمبر 2009 کو رونما ہونے والے واقعات کو بھلا دئے جانے کی اغیار کی کوششوں کا حوالہ دیا اور فرمایا: ملت ایران سے عالمی استکبار کی دشمنی کبھی ختم ہونے والی نہیں ہے، لہذا حکام کو چاہئے کہ داخلی توانائیوں کو بروئے کار لاتے ہوئے ناقابل بھروسہ دشمن کے ہاتھ سے پابندیوں کا حربہ چھین لیں اورحقیقی معنی میں روشن وسائل سے امیدیں وابستہ کرکے اسلامی انقلاب اور قوم کی درخشاں امنگوں کی تکمیل کے راستے میں اپنے فرائض کو عملی جامہ پہنائیں۔

تکفیریت کے خطرات کا جائزہ لینے کے لئے قم میں منعقد ہونے والی دو روزہ بین الاقوامی کانفرنس میں شرکت کرنے والے دنیا کے اسی سے زائد ملکوں کے شیعہ اور سنی اسکالروں دانشوروں اور علمائے کرام نے منگل کو تہران میں قائد انقلاب اسلامی آيت اللہ العظمی سید علی خامنہ ای سے ملاقات کی۔

قائد انقلاب اسلامی آیت اللہ العظمی خامنہ ای نے یونیورسٹیوں کے جینیئس اور با صلاحیت طلبہ و طالبات، قومی اور بین الاقوامی اولمپیاڈوں اور سیمیناروں کے منتخب نوجوانوں سے ملاقات میں یونیورسٹیوں اور سائنسی تحقیقاتی مراکز کے درمیان ایجادات اور علمی کاموں کا ایک عظیم اور جامع چینل قائم کئے جانے کی ضرورت پر زور دیتے ہوئے فرمایا کہ روئے زمین پر موجود ذخائر اور سرمائے یعنی ملک کے جینیئس نوجوانوں اور ممتاز صلاحیت کے مالک افراد کی استعداد و صلاحیت کی مدد سے ایران کا انتظام و انصرام چلایا جانا چاہئے، زیر زمین وسائل اور تیل کے ذخائر کی نشیب و فراز سے دوچار رہنے والی آمدنی کے ذریعے نہیں۔

قائد انقلاب اسلامی آيت اللہ العظمی خامنہ ای نے پروسٹیٹ کے آپریشن کے بعد ایک ہفتہ اسپتال میں گزارا اور پوری طرح صحتیاب ہوکر آج پیر کی صبح اسپتال سے ڈسچارج ہوئے۔