اوباما کا امریکہ بش کے امریکہ کی نسبت کمزور تھا۔ ٹرمپ کا امریکہ اوباما کے امریکہ سے زیادہ کمزور تھا۔ بائيڈن کا امریکہ ٹرمپ کے امریکہ سے بھی زیادہ کمزور ہے۔   امام خامنہ ای 4 اپریل 2023

جیسے ہی حضرت خدیجہ نے اپنی پاکیزہ فطرت کے ساتھ پیغمبر اکرم صلی اللہ علیہ و آلہ و سلم کو دیکھا کہ وہ اس حال میں حرا سے لوٹے تھے، تو وہ فورا ہی معاملے کی حقانیت کو سمجھ گئيں اور ان کا پاکیزہ اور مبارک دل مجذوب ہو گيا اور وہ ایمان لے آئيں۔ پھر وہ پورے وجود سے اس ایمان پر ڈٹی رہیں۔ امام خامنہ ای 9 مئي 2016

اگر ہم مسلسل خود کی نگرانی نہیں کر سکتے اور اپنی ذات کی تعمیر نہیں کر سکتے تو کم از کم رمضان کے مہینے کو غنیمت سمجھیں۔ ماہ رمضان میں حالات سازگار ہوتے ہیں۔ ان میں سے ایک سب سے بڑی چیز یہی روزہ ہے جو آپ رکھتے ہیں۔ یہ اللہ کی سب سے بڑی توفیقات میں سے ایک ہے۔  امام خامنہ ای  23/02/1993 

رمضان کا مہینہ، ایک مبارک مہینہ ہے۔ رمضان کی برکتیں، اس مہینے میں اللہ کی دعوت میں شرکت کا ارادہ رکھنے والے مسلمان افراد سے شروع ہوتی ہیں، دلوں سے شروع ہوتی ہیں۔ اس مہینے کی برکتوں سے بہرہ مند ہونے والی سب سے پہلی حقیقت، اس مقدس مہینے میں داخل ہونے والے دل و جان، مومنین اور روزہ دار ہیں۔  امام خامنہ ای  24/12/1997

حضرت ولی عصر ارواحنا فداہ کے ظہور اور ان کے وجود کا عقیدہ رکھنے والے ہرگز مایوسی اور ناامیدی کا شکار نہیں ہوتے۔ وہ جانتے ہیں کہ یقینی طور پر یہ سورج طلوع ہوگا اور اِن تاریکیوں اور اندھیروں کو ختم کر دے گا۔ امام خامنہ ای 12/5/2017

جب بھی امام حسین علیہ السلام پیغمبر اکرم صلی اللہ علیہ و آلہ و سلم کی زیارت کے مشتاق ہوتے تھے تو حضرت علی اکبر علیہ السلام کو دیکھتے تھے۔ امام خامنہ ای 7 مئي 1998

ہم ماہ شعبان میں، عبادت کے مہینے، توسل کے مہینے، مناجات کے مہینے میں وارد ہو چکے ہیں۔ "اور جب میں تجھ سے ‏دعا کروں تو میری دعا سن لے، جب میں تجھے پکاروں تو میری ندا پر توجہ فرما۔"(مناجات شعبانیہ) اللہ تعالی سے مناجات کا ‏موسم، ان پاکیزہ دلوں کو معدن عظمت سے، معدن نور سے متصل کر دینے کا موسم۔ اس کی قدر کرنا چاہئے۔ ‏ امام خامنہ ای ‏ 12 جون 2013‏

نبی اعظم کی بعثت بشریت کو عطا کیا جانے والا اللہ کا سب سے عظیم تحفہ ہے۔ وجہ یہ ہے کہ بعثت میں بشریت کے لئے لا متناہی خزانے ہیں جو آخرت سے قبل تک انسان کی تمام دنیوی زندگی کی سعادت کی ضمانت بن سکتے ہیں۔  امام خامنہ ای 18 فروری 2023

بعثت کا دن یقینا تاریخ بشر کا سب سے عظیم دن ہے۔ کیونکہ وہ ہستی جس سے اللہ نے خطاب فرمایا اور جس کے دوش پر عظیم ذمہ داری رکھی، تاریخ کی عظیم ترین ہستی اور عالم وجود کی عظیم ترین مخلوق ہے، اسی طرح وہ ذمہ داری بھی جو اس عظیم انسان کے دوش پر رکھی گئی، یعنی انسانوں کو وادی نور کی سمت لے جانے کی ذمہ داری وہ بھی بہت عظیم ذمہ داری تھی۔  امام خامنہ ای  17 نومبر 1998

ملت ایران کا اللہ و اکبر کا نعرہ اپنا خاص آھنگ رکھتا ہے۔ کیونکہ یہ پیغمبر کا نعرہ اللہ اکبر ہے، یہ بت شکن نعرہ اللہ اکبر ہے، یہ زور و زر کے بتوں کو حقیر و بے وقعت ثابت کرنے والا نعرہ ہے، یہ عالمی استکبار کے مد مقابل ایک قوم کی شجاعت و دلیری کا آئینہ ہے۔  امام خامنہ ای 28 اگست 1985

مشکلات کے حل کی کنجی دعا، خدا کی یاد اور دلوں کی اصلاح ہے اور رجب کا مہینہ ان لوگوں کی عید ہے جو اپنے دلوں کی اصلاح کا ارادہ رکھتے ہیں۔ امام خامنہ ای 9 اپریل 2018

ماہ رجب کا ہر دن، اللہ کی ایک نعمت ہے۔ ایک عقلمند، ہوشیار و با شعور شخص اس کے لمحات میں سے ہر لمحے میں ایسی ‏چیز حاصل کر سکتا ہے کہ جس کے سامنے دنیا کی ساری نعمتیں بے وقعت ہیں۔ یعنی اللہ کی رضا، لطف و عنایت اور توجّہ ‏حاصل کر سکتا ہے۔ امام خامنہ ای  8 ‎فروری 1991‏

حال ہی میں ایک دستاویز شائع ہوئی جو مجھے بھیجی گئی۔ یہ دستاویز کہتی ہے کہ کارٹر نے دسمبر 1979 میں سی آئی اے کو حکم دیا کہ اسلامی جمہوریہ ایران کا تختہ الٹ دو۔ یعنی انقلاب کے اوائل میں ہی ان کا یہ منصوبہ تھا۔ دلچسپ بات یہ ہے کہ کیسے تختہ الٹ دو؟ کہا گیا ہے کہ  پروپیگنڈے کے ذریعے۔  امام خامنہ ای 9 جنوری 2023

'امریکہ دنیا پر حاوی طاقت تھی مگر آج نہیں ہے۔ 'علاقے میں امریکہ شکست کھا چکا ہے۔ تمام تر کوششوں کے باوجود، تمام تر حربے بروئے کار لانے کے باوجود شیطان اکبر اس علاقے میں اپنا مقصد حاصل نہ سکا۔'  'اس کام کے چیمپیئن سلیمانی تھے۔'  امام خامنہ ای

روایتوں میں نظر آتا ہے کہ حضرت زہرا سلام اللہ علیہا کے پاس بس نبوت و امامت کی ذمہ داری نہیں تھی ورنہ روحانی مدارج کے اعتبار سے ان میں اور پیغمبر و امیر المومنین علیہم السلام میں کوئی فرق نہ تھا۔ اس سے عورت کے بارے میں اسلام کے نقطہ نگاہ کا اندازہ ہوتا ہے۔ ایک عورت اس مقام پر پہنچ سکتی ہے وہ بھی اس نوجوانی کی عمر میں۔  امام خامنہ ای 29 نومبر 1993

عورت اسلامی ماحول میں پیشرفت حاصل کرتی ہے اور اس کا عورت ہونے کا تشخص بھی قائم رہتا ہے۔ ‏عورت ہونا، عورت کے لیے ایک بڑا امتیاز اور فخر ہے۔ یہ عورت کے لیے افتخار کی بات نہیں ہے کہ ہم اسے زنانہ ماحول، ‏نسوانی خصوصیات اور زنانہ اخلاق سے دور کر دیں۔ گھرداری کو، بچوں کی پرورش کو، شوہر کا خیال رکھنے کو اس کے ‏لیے شرم کی بات سمجھیں۔ امام خامنہ ای 12 ستمبر 2018‏

پہلے دوسروں پر توجہ دو اس کے بعد اپنی فکر کرو! امام حسن علیہ السلام فرماتے ہیں: شب جمعہ تھی، میری والدہ مصلائے عبادت پر کھڑی ہوئیں اور صبح تک عبادت میں مصروف رہیں۔ «حتی انفجرت عمود الصبح». یہاں تک کہ فجر طلوع ہو گئی۔ والدہ آغاز شب سے صبح تک عبادت، دعا اور تضرع میں مصروف رہیں۔ روایت کے مطابق امام حسن علیہ السلام فرماتے ہیں: میں نے سنا کہ آپ مسلسل مومنین و مومنات کے لئے دعا کرتی رہیں، عوام الناس کے لئے دعا کرتی رہیں۔ دنیائے اسلام کے عمومی مسائل کے لئے دعا کرتی رہیں۔ صبح ہوئی تو میں نے کہا: «یا اُمّاه!» مادر گرامی! «لم لا تدعین لنفسک کما تدعین لغیرک» آپ نے ایک دعا بھی اپنے لئے نہیں مانگی۔ آغاز شب سے صبح تک ساری دعائیں دوسروں کے لئے؟! انھوں نے جواب دیا: «یا بنىّ، الجّار ثم الدّار» پہلے پڑوسی اس کے بعد اپنی فکر کرو! یہ عظیم جذبہ ہے۔   امام خامنہ ای 16 دسمبر 1992

میں امید کرتا ہوں کہ ہمارے معاشرے کی بچیاں اور خواتین حضرت زینب کبری کی شخصیت میں موجود آئیڈیل پر غور کریں اور اپنی شخصیت کے لئے اسی کو پیمانہ بنائیں۔ باقی چیزیں تو فروعی ہیں۔ امام خامنہ ای 16 جون 2005

شہید اور شہادت ان چیزوں میں ہے جو قومی تشخص کو نمایاں مقام پر لے جاتی ہیں اور قومی تشخص کو بلندی عطا کرتی ہیں۔ اپنے جذبہ شہادت کی وجہ سے ملت ایران دیگر اقوام کی نگاہوں میں خاص عظمت کی مالک بنی۔ امام خامنہ ای 17 نومبر 2022