ان چند ہفتوں کے واقعات محض بلوے نہیں تھے۔ دشمن نے ایک ہائیبرڈ جنگ شروع کر دی۔ امریکہ، اسرائیل اور بعض موذی اور خبیث یورپی حکومتوں اور بعض گروہوں نے اپنے تمام تر وسائل میدان میں اتار دئے۔
امام خامنہ ای
2 نومبر 2022
ہم شہید سلیمانی کی شہادت کو ہرگز بھولیں گے نہیں۔ اسے وہ یاد رکھیں! اس سلسلے میں ہم نے ایک بات کہی ہے اور اس پر قائم ہیں۔ مناسب وقت پر، مناسب جگہ ان شاء اللہ اس پر عمل کیا جائے گا۔
امام خامنہ ای
2 نومبر 2022
چند سال قبل تک پیشرفتہ میزائل اور ڈرون کی تصاویر جب شائع ہوتی تھیں، یہ لوگ کہتے تھے کہ فوٹوشاپ سے بنائی گئی جعلی تصویریں ہیں۔ آج کہہ رہے ہیں کہ ایرانی ڈرون بڑے خطرناک ہیں۔ یہ ایرانی ماہرین کا کارنامہ ہے۔
امام خامنہ ای
19 اکتوبر 2022
ہمارے سائنسداں اور دانشور جس میدان میں بھی اترے، اس میں انھوں نے ایسا کام کیا کہ دنیا کے علمی و سائنسی حلقوں نے ان کی تعریف کی ... یہ میں اس لیے کہہ رہا ہوں کہ آپ لوگ جو غیر معمولی صلاحیت کے حامل ہیں، اپنی قدر سمجھیں، جو لوگ باہر بیٹھے ہوئے ہیں، وہ آپ کی قدر سمجھیں، میں تو آپ کی بہت بڑا قدردان ہوں۔
امام خامنہ ای
19 اکتوبر 2022
یہ ہنگامے منصوبے کے ساتھ کروائے گئے۔ بیرونی حکومتوں کو یہ محسوس ہو رہا ہے، یہ نظر آ رہا ہے کہ ملک ہمہ جہتی استحکام کی سمت پیش قدمی کر رہا ہے اور یہ ان سے برداشت نہیں ہو رہا ہے۔ وہ نہیں چاہتیں کہ ایسا ہو۔ اس پیش قدمی کو روکنے کے لئے انھوں نے یہ سازش رچی تھی۔
امام خامنہ ای
3 اکتوبر 2022
کبھی یہ دنیا دو بڑی طاقتوں کی مٹھی میں تھی۔ ایک طاقت امریکہ اور دوسری طاقت سابق سوویت یونین۔ ایک مسئلے پر یہ دونوں پوری طرح متفق تھیں اور وہ مسئلہ تھا اسلامی جمہوریہ کی دشمنی۔ امام خمینی ان کے مقابلے میں ڈٹ کر کھڑے ہو گئے۔ جھکنا گوارا نہیں کیا۔ واشگاف الفاظ میں کہا: "نہ مشرق نہ مغرب" دشمن سمجھ رہے تھے کہ یہ ہدف پورا نہیں ہوگا۔ سوچ رہے تھے کہ اس پودے کو اکھاڑ پھینکنے گے۔ مگر پودا آج تناور درخت بن گیا ہے۔ اسے اکھاڑ پھینکے کی بات سوچنا ان کی حماقت ہی ہوگی!
امام خامنہ ای
14 اکتوبر 2022
جس تشیع کا مرکز و پناہ گاہ لندن ہے اسے ہم نہیں مانتے۔ جس تشیع کا وجود تفرقہ پھیلانے اور اسلام کے دشمنوں کی پیش قدمی کے لئے راستہ صاف کرنے پر استوار ہے، وہ تشیع نہیں ہے، یہ کھلی ہوئی گمراہی ہے۔
امام خامنہ ای
17 اگست 2015
امریکہ طاقتور ایران کا مخالف ہے، خود مختار ایران کا مخالف ہے۔ وہ اسلامی جمہوریہ سے بڑی گہری دشمنی رکھتے ہیں، اس میں کوئی شک ہی نہیں، لیکن اسلامی جمہوریہ کے علاوہ وہ خود طاقتور ایران کے بھی مخالف ہیں۔ اس ایران کے مخالف ہیں جو خود مختار ہو۔ انھیں پہلوی حکومت کے دور کا ایران پسند ہے، جو دودھ دینے والی گائے ہو، ان کے احکامات کا تابع ہو۔ ملک کا بادشاہ ہر فیصلے کے لئے برطانیہ اور امریکہ کے سفیر کی رضامندی لینے کا پابند ہو۔
امام خامنہ ای
3 اکتوبر 2022
حالیہ ہنگامہ آرائی خود بخود اندر سے شروع ہونے والی چیز نہیں ہے۔ تشہیراتی بمباری، افکار کو متاثر کرنے کی کوششیں، پیٹرول بم بنانے کی ٹریننگ دینے جیسی ہیجان پیدا کرنے کی کوششیں، یہ سارے کام دشمن بالکل کھل کر انجام دے رہا ہے۔
امام خامنہ ای
12 اکتوبر 2022
حضرت امام صادق علیہ السلام کے زمانے میں، وقت نے انھیں ایک موقع دیا اور حضرت ایک ایسا کام کرنے میں کامیاب رہے کہ معاشرے میں صحیح اسلامی معرفت کی بنیادیں اتنی مضبوط ہو جائيں کہ پھر تحریفوں کے ذریعے ان بنیادوں کو نہ ہلایا جا سکے۔ یہ #حضرت_امام_جعفر_صادق علیہ السلام کا کارنامہ ہے۔
امام خامنہ ای
8 نومبر 2005
آج جب دشمن گوناگوں طریقوں سے دنیا کے کھلے اذہان سے پیغمبر کی شخصیت کی تصویر ہٹانے کے در پے ہے، بڑی تعداد میں ایسے افراد ہیں جو پیغمبر اسلام سے اگر اس مقدار میں آشنا ہو جائیں جس مقدار میں مسلمان آشنائی رکھتے ہیں، بلکہ اس سے کم آشنائی بھی مل جائے تو اسلام اور اسلامی روحانیت کے سلسلے میں ان کا رجحان اور عقیدہ یقینی ہے۔
امام خامنہ ای
14 اکتوبر 1989
مدینے میں اسلام کی حکمرانی کا دور اسلامی نظام کا نچوڑ پیش کرنے اور انسانی تاریخ کے ہر دور اور ہر جگہ کے لئے اسلام کی حکمرانی کا نمونہ اور نظیر تیار کرنے کا زمانہ ہے۔ پیغمبر اکرم کا ہدف صرف مکہ کے مشرکوں سے جہاد کرنا نہیں تھا، یہ معاملہ ایک عالمی مشن کا معاملہ تھا۔ مقصد یہ تھا کہ انسان کی آزادی، بیداری اور خوش بختی کا پیغام ہر دل میں اتر جائے۔ یہ مقصد ایک مثالی اور آئیڈیل نظام کی تشکیل کے بغیر پورا نہیں ہو سکتا تھا۔
امام خامنہ ای
18 مئی 2001
اسپورٹس کے میدان میں ملنے والی جیت اور دیگر کامیابیوں میں ایک بنیادی فرق ہے۔ فتح ایک لمحے میں ملتی ہے اور فورا سب کی اطلاع میں آ جاتی ہے۔ جس لمحہ آپ جیت حاصل کرتے ہیں دسیوں لاکھ اور بسا اوقات تو کروڑوں لوگ اس فتح کو اپنی آنکھ سے دیکھتے ہیں۔ ظاہر ہے کہ یہ بہت اہم کامیابی ہے۔ بہت اہم ہے اور دیگر کامیابیوں کے برخلاف اسے چھپانا ناممکن ہے۔
امام خامنہ ای
11 ستمبر 2022
یہ تین امام یعنی امام محمد تقی الجواد، امام علی نقی الہادی اور امام حسن عسکری علیہم السلام مدینہ سے عراق لائے گئے، تینوں عراق میں ہی رہے اور عراق میں ہی شہید اور دفن کر دئے گئے، تینوں کو ایام جوانی میں قتل کیا گيا، اس کی وجہ یہی تھی کہ ان تینوں اماموں کے زمانے میں شیعوں کا نیٹ ورک طاقت کے اوج پر پہنچ گیا تھا۔
امام خامنہ ای
کتاب ہمرزمان حسین علیہ السلام صفحہ 349
ہم نے روایتوں میں دیکھا اور پڑھا ہے کہ ائمہ معصومین علیہم السلام کی زندگی راہ خدا میں جہاد کی تصویر ہے۔ #امام_سجاد علیہ السلام سے لیکر گیارہویں امام، #امام_حسن_عسکری علیہ السلام تک جہاد کا انداز ایک ہے، یہ ایک سلسلہ ہے جو شروع سے آخر تک سعی مسلسل، پیکار اور جدوجہد کا سلسلہ ہے۔ یہ حکومت وقت کے خلاف اور حکومت وقت سے وابستہ عناصر کے خلاف محاذ آرائی و پیکار ہے۔
امام خامنہ ای
کتاب ھمرزمان حسین علیہ السلام صفحہ 349
امام رضا علیہ السلام نے ولی عہد کا عہدہ قبول فرما کر ایسا اقدام کیا جو سنہ چالیس ہجری میں اہل بیت علیہم السلام کی خلافت کا دور ختم ہونے کے بعد سے لیکر پوری تاریخ خلافت میں بے نظیر ہے وہ اقدام تھا پورے عالم اسلام کی سطح پر شیعہ عقیدہ امامت کو برملا کرنا، تقیہ کے پردے کو چاک کرکے تشیع کا پیغام سارے مسلمانوں کے کانوں تک پہنچانا۔
امام خامنہ ای
9 اگست 1984
ہم سب کو امام رضا علیہ السلام سے یہ سبق ملا ہے کہ اے مسلمانو! جہاد سے ہرگز نہ تھکو، کبھی غافل نہ ہو کیونکہ دشمن جاگ رہا ہے اور الگ الگ شکلوں اور الگ الگ بھیس میں، الگ الگ وضع قطع میں سامنے آتا ہے۔ نگاہ تیز بیں ہو، دشمن کو پہچانو اور دشمن سے لڑنے کا طریقہ سیکھو!
امام خامنہ ای
24 نومبر 1984
پیغمبر کا جہاد اور جدوجہد صرف شمشیر کی لڑائی تک محدود نہیں ہے۔ بلکہ یہ ایک عام لڑائی اور مقابلہ آرائی ہے۔ اس میں فکری لڑائی بھی ہے، سیاسی لڑائی بھی ہے، تشہیراتی لڑائی بھی ہے اور عسکری لڑائی بھی ہے۔ بے شک ہجرت سے پہلے مکے میں پیغمبر اکرم نے جو جہاد انجام دیا وہ بدر و احد، خیبر و خندق اور دیگر لڑائیوں میں در پیش خطرات سے کم پر خطر نہیں تھا۔
امام خامنہ ای
1 نومبر 1986
پیغمبر کی نظر میں بشر کو نجات دلانے کا طریقہ یہ نہیں تھا کہ آپ ایک ایک انسان کی تعمیر کریں۔ نہیں، روز اول سے ہی پیغمبر اکرم کا طرز عمل یہ رہا کہ ایسا سماج بنایا جائے جس میں لوگ متحد رہیں اور اس کی اسلامی قدروں کے مطابق پروان چڑھیں اور اسلام کے مد نظر بلندی تک پہنچیں۔
امام خامنہ ای
1 نومبر 1986
پیغمبر نے تمام تر سختیاں برداشت کیں، امیر المومنین کو بڑے رنج و الم کا سامنا رہا، دیگر ائمہ بھی ظلم و ستم کا سامنا کرتے رہے لیکن امام حسن جیسی کیفیت کسی کی نہ تھی۔ یہیں سے امام حسن علیہ السلام کی عظمت کا پتہ چلتا ہے۔ کیونکہ دیگر ائمہ کو دشمنوں نے تکلیفیں اور ایذائیں پہنچائیں اور دوستوں نے زخموں پر مرہم رکھا، مگر امام حسن علیہ السلام کے ساتھ یہ کیفیت نہ تھی۔ آپ کے بالکل قریبی فرد نے کہا آپ کو مخاطب کرکے کہا کہ اے مومنین کے لئے رسوائی!
امام خامنہ ای
28 جولائی 1980
برطانوی شیعہ اور امریکی سنی میں کوئی فرق نہیں۔ دونوں ہی قینچی کے دو پھل ہیں۔ استکبار چاہتا ہے کہ دنیائے اسلام میں اختلافات کی لکیروں کو زیادہ گہرا کرے شیعہ سنی جنگ کے ذریعے، عرب و عجم کی جنگ کے ذریعے، کبھی شیعہ شیعہ جنگ اور کبھی سنی سنی جنگ کے ذریعے۔ جبکہ اصلی اور کلیدی فاصلہ ایک ہی ہے اور وہ دنیائے اسلام اور دنیائے کفر و استکبار کے درمیان پایا جانے والا فاصلہ ہے۔ بقیہ تمام اختلافات کم کرنے کی ضرورت ہے۔
امام خامنہ ای
3 ستمبر 2022 اور 17 دسمبر 2016
آپ کے پاسبان حرم شہدا کی قربانی جو اس دور میں ملک سے باہر جاکر شہید ہوئے، در حقیقت ان افراد کی قربانی جیسی ہے جنہوں نے اپنی جانیں دیکر امام حسین کی قبر کی حفاظت کی۔ جاکر قربانیاں دینے کا یہی عمل تھا کہ جو اربعین کے دو کروڑ پیدل زائرین کے نتیجے تک پہنچا۔ اگر اس وقت ان افراد نے قربانیاں نہ دی ہوتیں تو آج امام حسین علیہ السلام کا عشق اس انداز سے دنیا پر محیط نہ ہوتا۔ آپ دیکھتے ہیں کہ اربعین کے مارچ میں مختلف ملکوں سے، فارس، ترک، اردو زبان بولنے والے، یورپی ممالک یہاں تک کہ امریکہ سے لوگ اس میں شرکت کرتے ہیں۔ یہ کارنامہ کس نے انجام دیا؟ اس کا پہلا سنگ بنیاد اور بنیادی کام انھیں افراد نے کیا کہ جنہوں نے در حقیقت امام حسین علیہ السلام کی زیارت کے لئے اپنی جان کی بھی قربانی دی۔
امام خامنہ ای
12/10/2018
اربعین کا عظیم الشان پروگرام ایک غیر معمولی واقعہ ہے۔ ہم اپنے دل و دماغ میں سیدالشہدا کی یاد تازہ کرتے ہیں۔ پر خلوص و عقیدتمندانہ سلام و درود ہم اس عظیم ہستی اور شہیدوں کی پاکیزہ خاک کو ہدیہ کرتے ہیں اور عرض کرتے ہیں:
ای صبا ای پیک دور افتادگان
اشک ما بر خاک پاکشان رسان
(اے باد صبا، اے دور افتادہ لوگوں کی قاصد، ہمارے آنسوؤں کو ان ہستیوں کی پاکیزہ خاک تک پہنچا دے۔)
امام خامنہ ای
4 اکتوبر 2018
ہر سال اربعین کا یہ مارچ جو بنیادی طور پر نجف و کربلا کے درمیان انجام پاتا ہے بین الاقوامی حیثیت حاصل کر چکا ہے۔ دنیا کے انسانوں کی نگاہیں اس مارچ پر لگی رہتی ہیں۔ اس عظیم بین الاقوامی عوامی عمل کی برکت سے حسینی معرفت آفاقی و بین الاقوامی بن گئی۔
امام lخامنہ ای
18 ستمبر 2019
کتنے خوش نصیب ہیں وہ لوگ جو اربعین مارچ میں شامل ہیں اور زیارت اربعین سے مشرف ہوں گے اور اربعین کے دن گراں قدر مضمون کی حامل یہ زیارت حضرت کو خطاب کرکے پڑھیں گے۔ ہم یہاں شوق و حسرت سے ان قدموں کو دیکھ رہے ہیں۔
هزاران گام در راه است و دل مشتاق و من حیران
که چون ره میتوانم یافتن سوی درون من هم
(ہزاروں قدم رواں دواں ہیں، دل اشتیاق میں ڈوبا ہے اور میں حیران ہوں کہ اس بارگاہ میں کیسے جگہ پاؤں۔)
6 نومبر 2017
جو لوگ یہ سفر طے کر رہے ہیں اور یہ عاشقانہ و مومنانہ عمل انجام دے رہے ہیں واقعی وہ 'حسنہ' انجام دے رہے ہیں۔ یہ یقینا شعائر اللہ کا جز ہے۔ ہم جیسے افراد جو اس عمل سے محروم ہیں مناسب ہے کہ یہ جملہ کہیں: یا لیتنا کنّا معکم فنفوز فوزاً عظیماً»
30 دسمبر 2015
ملت ایران اپنے پورے وجود سے آپ عزیز عراقی بھائیوں کی شکرگزار ہے، خاص طور پر اربعین موکبوں کے ذمہ داران کی۔ ہم تہہ دل سے آپ کا شکریہ ادا کرتے ہیں۔ ہمیں متنبی کا یہ مصرعہ یاد آتا ہے: «اذا انت اکرمت الکریم مَلَکْته». (اگر کریم و معزز انسان کا اکرام و احترام کیا تو اس کے مالک بن جاؤ گے۔)
امام خامنہ ای
18 ستمبر 2019
امام حسین علیہ السلام ساری انسانیت کے لئے ہیں۔ ہم شیعوں کو فخر ہے کہ ہم امام حسین کے پیروکار ہیں لیکن امام حسین صرف ہمارے نہیں ہیں، مختلف اسلامی مسلک، شیعہ سنی سب امام حسن کے پرچم تلے جمع ہیں۔ اربعین کے اس عظیم مارچ میں وہ لوگ بھی شامل ہوتے ہیں جو مسلمان نہیں ہیں۔ یہ سلسلہ ان شاء اللہ جاری رہے گا۔ یہ ایک عظیم نشانی ہے جو اللہ دکھا رہا ہے۔
امام خامنہ ای
18 ستمبر 2019
آج کی اس پیچیدہ اور تشہیراتی ہنگامے سے بھری دنیا میں اربعین کا پروگرام ایک عدیم المثال میڈیا اور دور دور تک پہنچنے والی آواز ہے۔ دنیا میں اس کی کوئی نظیر نہیں ہے: یہ کہ دسیوں لاکھ افراد چل پڑتے ہیں۔ مختلف ملکوں سے، مختلف اسلامی فرقوں یہاں تک کہ دیگر ادیان سے تعلق رکھنے والے لوگ بھی۔ یہ حسینی اتحاد ہے۔ یہ بات بالکل درست ہے «الحسین یجمعنا» (ہمیں ایک دھاگے میں پرو دینے والے حسین ہیں)۔
امام خامنہ ای
13 اکتوبر 2019
استکبار اور تسلط پسند طاقتوں کی طرف سے اسلامی جمہوریہ ایران کے مشن کی مخالفت فطری اور لازمی ہے کیونکہ ہم نے عدل و روحانیت کا پرچم بلند کیا ہے۔
امام خامنہ ای
3 ستمبر 2022
تمام واقعات میں #انقلاب کے اصلی ہیرو عوام ہیں۔ یہ حقیقت سبق آموز اور عبرت آموز ہے جو #عہدیداران کو یہ یاد دلاتی ہے کہ اس قوم کی کس انداز سے خدمت کریں۔
امام خامنہ ای
30 اگست 2022
شہید کے خون کو زندہ رکھنے کی زحمت و مشقت بسا اوقات خود شہادت پیش کرنے سے کم نہیں ہے۔ امام سجاد علیہ السلام کا تیس سالہ جہاد اور حضرت زینب کبری سلام اللہ علیہا کی کئی سال پر محیط مجاہدت اس کی مثال ہے۔ اس خون کو زندہ رکھنے کے لئے مشقتیں اٹھائیں۔
امام خامنہ ای
7 مئی 1997
فلسطین بھی عنقریب صیہونیوں کے چنگل سے آزاد ہوگا جس طرح جنوبی لبنان 22 سال بعد واپس ملا، اسی طرح فلسطین کے مقبوضہ حصے بھی واپس ملیں گے اور پورا مقبوضہ فلسطین فلسطینی قوم کے پاس لوٹے گا۔
امام خامنہ ای
3 جون 2000
غاصب دشمن رو بہ زوال ہے اور فلسطین کی مزاحمت کی قوت بڑھ رہی ہے۔ 'و لا حول و لا قوة الا بالله'۔ ہم بدستور آپ کے ساتھ ہیں۔ آپ پر سلام ہو اور عہد و پیمان اپنی جگہ قائم ہیں۔
امام خامنہ ای
11 اگست 2022
تحریک جہاد اسلامی نے غزہ کی مزاحمت کو غرب اردن تک پھیلا کر اور دیگر مزاحمتی تنظیموں نے تحریک جہاد اسلامی کی پشتپناہی کرکے ملت فلسطین کے متحدہ جہاد کی تصویر خبیث و عیار دشمن کے سامنے پیش کر دی۔
امام خامنہ ای
11 اگست 2022
شیعہ فرقے کے پیکر میں روز عاشورہ کی تپش نمایاں ہے۔ ہم دیکھ رہے ہیں کہ ہر جگہ شیعوں میں نظر آنے والی یہ حرارت ان شعلوں سے نکلی ہے جس کی لپٹیں اس مقدس روح اور گراں قدر تربت سے اٹھ رہی ہیں، یہ لوگوں کی روحوں میں سما جاتی ہیں اور انسانوں کو شعلہ ور گولیوں میں تبدیل کرکے دشمن کے قلب میں پیوست کر رہی ہیں۔
امام خامنہ ای
17 مارچ 1974
اگر وہ 72 لوگ بھی امام حسین علیہ السلام کے ہمراہ نہ ہوتے تب بھی امام حسین کا قیام رکنے والا نہیں تھا۔ یہ ایک سبق ہے۔ امام حسین سے ہمیں یہ سبق لینا چاہئے کہ اللہ کی راہ میں جہاد کو سختیوں اور بے کسی کے سبب چھوڑنا نہیں چاہئے۔ اس فریضے اور اس واجب کو تنہا پڑ جانے، کم تعداد، غریب الوطنی، ساتھیوں کی کمی اور دشمن سامنے موجود ہونے کے سبب چھوڑنا نہیں چاہئے۔
امام خامنہ ای
13 اگست 1988
مغربی طاقتیں ایک مافیا ہیں۔ ان طاقتوں کی حقیقت ایک مافیا کی حقیقت ہے۔ اس کی قیادت بڑے صیہونی تاجروں اور ان کے فرماں بردار سیاستدانوں کے ہاتھ میں ہے۔ ان کا 'شوکیس' امریکہ ہے اور یہ ہر جگہ پھیلے ہوئے ہیں۔
امام خامنہ ای
27 جولائی 2022
