میرے عزیزو! قرآن مجید سے زیادہ سے زیادہ انس و آشنائي پیدا کیجیے۔ اگر ہمیں ذکر الہی اور تقوی حاصل ہو جائے تو پھر قرآنی ہدایت بھی ہمارے لیے زیادہ آسان ہو جائے گي۔  کیونکہ ''ھدی للمتقین" جب تقوی ہوگا تو ہدایت یقینی ہے۔ہدایت، متقین کے لیے ہے۔ تقوی جتنا بڑھتا جائے گا، ہدایت اتنی ہی واضح اور اعلی ہوگی، ہمیں اس پر کام کرنا چاہیے۔ امام خامنہ ای، ۱۵ اپریل ۲۰۱۹

نفس کا محاسبہ، بہت اچھی چیز ہے۔ انسان کو اپنا محاسبہ کرنا چاہیے، پھر ایک ایک کرکے گناہوں کو کم کرنا چاہیے۔  ہمیں بعض گناہوں کی عادت پڑ گئي ہے، کبھی کبھی انسان کو پانچ، چھے، دس گناہوں کی عادت ہو جاتی ہے تو ہمیں ایک ایک کرکے انھیں چھوڑنے کے لیے کمر کس لینی چاہیے، ان کمزور پہلوؤں کو بتدریج کم کرنا چاہیے۔ امام خامنہ ای، ۱۲ اپریل ۲۰۱۱

اس کا راستہ یہ ہے کہ ہمارے بچے قرآن کی وادی میں اتریں۔ بچے میدان میں اتر پڑے تو مشن ممکن ہو جائے گا۔ اس کا طریقہ یہ ہے کہ یہ کام مسجدوں میں انجام پائے۔ ہر مسجد قرآنی مرکز میں تبدیل ہو جائے۔ امام خامنہ ای، ۳ اپریل ۲۰۲۲

شروع سے آخر تک۔ مسلسل اور پے در پے۔ قرآن پیغمبر کا معجزہ ہے۔ پیغمبر کا دین #ابدی ہے تو آپ کا معجزہ بھی ابدی ہونا چاہئے۔ یعنی تاریخ کے ہر دور میں انسان زندگی کے لئے ضروری تعلیمات قرآن سے حاصل کر سکتا ہے۔ امام خامنہ ای، ۳ اپریل ۲۰۲۲  

البتہ اس کی ایک شرط بھی ہے دل کی پاکیزگی اور یہ آپ نوجوانوں کے لئے اس حقیر جیسے افراد کے مقابلے میں آسان ہے۔ امام خامنہ ای، ۳ اپریل ۲۰۲۲

رمضان کا ماحول شادابی، معنویت، صدق اور اخلاص کا ماحول ہے۔ ہمیں اس ماحول سے بھرپور فائدہ اٹھانے کی کوشش کرنی چاہیے۔ اسی طرح خداوند عالم سے ہمارا جو قلبی رابطہ ہے، روحانی رشتہ ہے، ذاتی رابطہ ہے، اسے بھی رمضان کے ان دنوں میں زیادہ مضبوط بنانا چاہیے کہ ہر انسان کے لیے سب سے بڑا اور سب سے برتر فائدہ اور نفع، اس رابطے کی تقویت ہے۔     امام خامنہ ای، ۰۲ جولائی ۲۰۱۴

اگر آپ سب بہترین انداز میں اس مہمانی میں شریک ہوئے تو اللہ آپ کو کیا دے گا؟ اللہ کی مہمان نوازی ہے تقرب پروردگار کا موقع فراہم کرنا اور اس سے بڑی کوئی چیز نہیں۔  امام خامنہ ای، ۰۳ اپریل ۲۰۲۲

   یعنی واقعی معیشت اگر مساوات کے ہمراہ ہو جائے تو ملک حقیقی معنی میں پیشرفت حاصل کرے گا۔ دوسرے یہ کہ گزشتہ دس سال میں ہمیں اقتصادی چیلنجز کے انبار کا سامنا رہا جنہیں کسی طرح حل ہونا چاہئے۔ امام خامنہ ای 21 مارچ 2022

آپ افغانستان کے واقعات اور امریکیوں کے باہر نکلنے کے طریقے پر نظر ڈالئے۔ پہلے تو بیس سال تک افغانستان میں رہے، اس مظلوم مسلم ملک میں کیا کچھ کیا؟! پھر کس طرح باہر نکلے؟ عوام کے لئے مشکلات کھڑی کر دیں اور اب ملت افغانستان کا پیسہ اسے لوٹانے پر آمادہ نہیں ہیں۔ امام خامنہ ای 21 مارچ 2022

 ہمیں اپنی اصلاح کرنا چاہئے، ہمیں ‏ان چیزوں پر عمل پیرا ‏ہونا چاہئے جو امام کو مسرور کریں۔ جب ہم اس انداز سے عمل کریں گے اور اپنی ذات میں اصلاح ‏کریں گے تو یقینا انفرادی ‏سرگرمیوں پر اکتفا نہیں کریں گے، بلکہ سماج کی سطح پر، ملک کی سطح پر، عالمی سطح پر بھی ‏ہمیں کچھ فرائض پورے ‏کرنے ہوں گے۔ ‏ امام خامنہ ای ‏ ‏10 مئی 2017‏

بہت ‏سے انسان کبھی کبھی جب مظالم کے گھٹاٹوپ بادلوں کو دیکھتے ہیں تو مایوس ہونے لگتے ‏ہیں۔ امام زمانہ علیہ ‏السلام کی یاد اس بات کی علامت ہے کہ خورشید یقینا طلوع ہوگا اور اجالا پھیل جائے گا۔ ‏ امام خامنہ ای ‏ ‏10 مئی 2017‏

ماہ شعبان کی ایک عظیم خصوصیت اس مہینے کا محور عالم امکان حضرت بقیۃ اللہ العظمی امام مہدی عجل اللہ تعالی ‏فرجہ ‏الشریف کے یوم ولادت با سعادت سے مزین ہونا ہے۔ ‏

دنیا میں ان دنوں رونما ہونے والے سیاسی و فوجی واقعات در حقیقت اسی #تاریخی_موڑ کی تشکیل ‏کر رہے ہیں جس کی امید تھی۔ دانشوروں کا کوتاہ مدتی فریضہ صف آرائیوں کی شناخت اور صحیح ‏موقف کا انتخاب اور میانہ مدتی فریضہ محاذ حق کی مدد کرنے والے تغیرات میں رول ادا کرنا ہے۔

قومی_توانائی ہر ملک کے لئے کلیدی حیثیت رکھتی ہے اور اگر کوئی قوم خود مختاری و سربلندی چاہتی ہے اور اغیار کے بے جا مطالبات کا مقابلہ کرنے کا ارادہ رکھتی ہے تو اسے چاہئے کہ خود کو طاقتور بنائے ورنہ کمزور، خوار اور خائف ہونے کی صورت میں اغیار کی حرص و طمع کی زد پر رہے گی۔

 ہم چاہتے ہیں کہ وہاں جنگ ختم ہو جائے تاہم کسی بھی بحران کا حل تبھی ممکن ہے جب اس کی جڑوں کو پہچان لیا جائے۔ یوکرین کے بحران کی جڑ امریکہ کی بحران ساز پالیسیاں ہیں اور یوکرین ان پالیسیوں کی بھینٹ چڑھ گیا۔

ہمارے عظیم الشان پیغمبر کی ولادت سے لے کر ان کی بعثت کے زمانے تک، ان کے امتحان کے میدان تھے پاکیزگي، امانت، جوانمردی اور صداقت۔ اس زمانے میں دوست اور دشمن سبھی اس بات کا اعتراف کرتے تھے اور گواہی دیتے تھے کہ یہ عظیم اور نجیب انسان، پاکیزگي، دیانت داری، صداقت اور جوانمردی کا مظہر ہے۔ 20 مارچ 2008

رسول خدا صلی اللہ علیہ و آلہ و سلم کی عظیم شخصیت، تمام انبیاء و اولیائے الہی میں سب پر مقدم ہے اور ہم مسلمانوں کو آنحضرت کی پیروی کا حکم دیا گيا ہے؛ کہا گيا ہے: "و لکم فی رسول اللہ اسوۃ حسنۃ" (اور تم لوگوں کے لیے اللہ کے رسول کی ذات بہترین نمونہ تھی۔ سورۂ احزاب آيت 21) ہمیں پیغمبر کی اقتدا اور ان کی پیروی کرنی چاہیے۔ محض چند رکعت نمازوں کی ادائیگی میں نہیں بلکہ اپنے کردار میں، اپنی گفتار میں، اپنے رہن سہن میں، اپنے لین دین میں بھی ہمیں انہی کی پیروی کرنی چاہیے۔ اس لیے ہمیں ان کی شناخت حاصل کرنی چاہیے۔ 12  مئي 2000

مشکلات کے حل کی کنجی دعا، ذکر خدا اور دلوں کی اصلاح ہے۔ ماہ رجب ان لوگوں کی عید ہے جو اپنے قلوب کی اصلاح ‏کا ارادہ رکھتے ہیں۔ ‏ امام خامنہ ای ‏ ‏9 اپریل 2018‏