سات اکتوبر سے شروع ہونے والے اس واقعے (الاقصی طوفان آپریشن) میں غاصب صیہونی حکومت کو، فوجی لحاظ سے بھی اور انٹیلی جنس کے لحاظ سے بھی ایک ناقابل تلافی شکست ہوئي ہے۔
امام خامنہ ای
محترمہ مرضیہ دباغ ان افراد میں سے ایک ہیں جو اسلامی معاشرے میں عورت کے حقیقی رجحان کی عکاسی کر سکتی ہیں۔ انقلاب سے پہلے کی ان خاتون کی جدوجہد، پھر جنگ کے علاقوں میں جانا اور گوریلا جنگ کے سپاہی کی طرح کام کرنا، پھر پیرس میں امام خمینی کی خدمت میں پہنچنا۔ محترمہ دباغ اس سہ رکنی وفد میں شامل تھیں جو تہران سے امام خمینی کا پیغام ماسکو میں گورباچوف کے لیے لے کر گيا تھا۔
امام خامنہ ای
ہاں قرآن بدعنوان طاقتوں کے لیے خطرہ ہے، جیسا کہ ہم نے عرض کیا، یہ ظلم کی بھی مذمت کرتا ہے اور ظلم سہنے والے کی بھی مذمت کرتا ہے کہ اس نے کیوں ظلم سہنا گوارا کیا؟
امام خامنہ ای
قرآن بد عنوان طاقتوں کے لئے خطرہ شمار ہوتا ہے کیونکہ وہ ظلم کی بھی مذمت کرتا ہے اور ظلم سہنے والے شخص کی بھی سرزنش کرتا ہے کہ کیوں اس نے ظلم سہنا گوارا کیا۔ قرآن لوگوں کو بیدار کرنے والا ہے۔ قرآن کا دشمن انسانوں کی بیداری کا مخالف ہے، ظلم سے پیکار کا مخالف ہے۔
امام خامنہ ای
3 اکتوبر 2023
مقدس دفاع کے وقت ہمارے محاذوں کی فرنٹ لائنیں محراب عبادت بنی ہوئی تھیں۔ آدھی رات کو ایک جوان، ایک کمانڈر بیٹھ کر عبادت کرے، آنسو بہائے، گریہ کرے، ایسی روایتیں ایک دو یا دس بیس تک محدود نہیں ہیں۔ اس محاذ کے ہر حصے میں یہی عالم تھا۔
امام خامنہ ای
کہا جاتا تھا کہ صدام کو ایران پر حملے کی ترغیب دلانے والا اصلی محرک امریکہ تھا۔ پھر جنگ کے دوران انٹیلیجنس سپورٹ جو سب سے اہم ہوتا ہے امریکیوں نے ہی کیا۔ ہماری فورسز کی پوزیشن کے نقشے بنا کر صدام کو مسلسل ہوائي نقشے دیتے تھے اور اسے جنگی ٹیکٹس سے آگاہ کرتے تھے۔
امام خامنہ ای
مغربی و سامراجی طاقتیں زوال پذیر ہیں۔ دنیا میں امریکہ کی طاقت کے انڈیکیٹرز تنزل کا شکار ہیں۔ امریکہ کی طاقت کا ایک اہم انڈیکٹر اس کا طاقتور اقتصاد تھا اور اب وہ خود کہتے ہیں کہ زوال کا شکار ہو گیا ہے۔
دنیا میں بڑی تبدیلی کا آغاز ہو گیا ہے۔ اس تبدیلی کے بنیادی خطوط دنیا کی استکباری طاقتوں جیسے امریکہ کا کمزور ہونا اور نئی علاقائی و عالمی طاقتوں کا ابھرنا ہے۔
امام خامنہ ای
11 ستمبر 2023
اربعین کے موقع پر گراں قدر مہمان نوازی کے لئے میں عراقی بہنوں اور بھائیوں کا تہ دل سے شکر گزار ہوں۔ انہوں نے اپنا سب کچھ پیش کر دیا اور دو کروڑ بیس لاکھ سے زائد زائرین امام حسین کی میزبانی کی۔
امام خامنہ ای
11 ستمبر 2023
صراط مستقیم سے ورغلانے والے شیطانی وسوسے آج ہر دور سے زیادہ ہیں۔ اگر ان وسوسوں کے سامنے آپ نے مزاحمت کی تو فتح کی چوٹی پر آپ پہنچ جائیں گے۔ دین خدا کی حکمرانی، حق کی حاکمیت، عدل کی حاکمیت کی چوٹی اور انسان کی خلقت و تکامل کے مقصد کی بلندی۔
امام خامنہ ای
6 ستمبر 2023
جس طرح اربعین کی عظیم 'پیادہ روی' میں مضبوطی کے ساتھ کربلا کی جانب آپ گئے، ان شاء اللہ تمام امور میں روحانیت و حقیقت اور توحید کی بالادستی کی راہ کو اسی استحکام کے ساتھ طے کریں گے۔
امام خامنہ ای
6 ستمبر 2023
دو اہم بین الاقوامی تنظیموں (بریکس اور شنگھائی تعاون تنظیم) میں بہت کم مدت میں رکنیت ملنا بہت بڑی کامیابی تھی اور اس سے ظاہر ہوتا ہے کہ ملک ایسی پوزیشن میں ہے کہ ان عالمی تنظیموں کے بانیان مایل بلکہ کبھی تو مصر ہوتے ہیں کہ ہمارا ملک ان میں شامل ہو۔
امام خامنہ ای
30 اگست 2023
پڑوسیوں سے اختلافات کو نمٹانے اور ملکوں اور بر اعظموں منجملہ جنوبی امریکہ، مشرقی ایشیا اور افریقا سے کئی طرح کے تعلقات قائم کرنے کی اسلامی جمہوریہ کی موجودہ حکومت کی پالیسی بہت اچھی اور درست پالیسی ہے۔
امام خامنہ ای
30 اگست 2023
رہبر انقلاب اسلامی آيت اللہ العظمی سید علی خامنہ ای نے ایک پیغام جاری کر کے گریکو رومن اور فری اسٹائل کشتی کے عالمی مقابلوں میں چیمپین کا ٹائٹل حاصل کرنے پر ایرانی پہلوانوں کی انڈر-20 اور انڈر-17 ٹیموں کا شکریہ ادا کیا ہے۔
رہبر انقلاب اسلامی کا پیغام حسب ذیل ہے:
ہمیں بہت محتاط رہنا چاہئے، دشمن کی شناخت میں غلطی نہ ہو۔ امام خمینی نے اپنی نگاہ بصیرت کی روشنی میں کہا تھا کہ جتنا غصہ نکالنا ہے امریکہ پر نکالیے۔
امام خامنہ ای
17 اگست 2023
پاکستان کے مسائل، کسی بھی طرح سے مسلمانوں کے عمومی مسائل اور ہمارے اہداف و اسلامی مسائل سے الگ نہیں ہیں۔ ہمیشہ ہی ایران اور پاکستان کے درمیان ایک خاص تعلق رہا ہے، ان شاء اللہ یہ رشتہ روز بروز زیادہ مستحکم ہوتا جائے گا۔ پاکستانی قوم اور وہاں کے مخلصین، انقلاب کے مسائل میں ہماری قوم کے لیے ایک سہارا اور تکیہ گاہ رہے ہیں۔ انقلاب کے آغاز سے ایسا ہی رہا ہے، اب بھی ایسا ہی ہے اور ان شاء اللہ آگے بھی ایسا ہی رہے گا۔
امام خامنہ ای
5 جنوری 1992
350 افراد کی ایک ٹیم 65 ہزار کلومیٹر کا فاصلہ طے کرکے دنیا کا چکر لگائے، آٹھ مہینہ پانی پر رہے، یہ بڑے کارنامے ہیں، جن کی نظیر دنیا میں بہت کم ہے۔ آپ نے تین بحر اعظموں کو عبور کیا اور سربلندی کے ساتھ وطن لوٹے۔
امام خامنہ ای
6 اگست 2023
فلوٹیلا 86 کے پورے عملے کے ہر فرد کا تہہ دل سے شکریہ ادا کرتا ہوں جس نے بڑا عظیم مشن پورا کیا اور کرہ ارض کا چکر لگایا۔ اسی طرح آپ کے اہل خانہ کا بھی شکر گزار ہوں۔ جو کام آپ نے کیا وہ بہت بڑا افتخار ہے۔ ایسا کارنامہ ملک کی بحریہ کی پوری تاریخ میں پہلے کبھی نہیں انجام پایا۔
امام خامنہ ای
6 اگست 2023
سویڈن کی حکومت کو جان لینا چاہیے کہ اس نے مجرم کی پشت پناہی کر کے عالم اسلام کے خلاف جنگ کا محاذ کھول دیا ہے اور مسلم اقوام اور ان کی بہت سی حکومتوں کی نفرت اور دشمنی مول لے لی ہے۔
سید علی خامنہ ای
22 جولائي 2023
آج ہزاروں افراد سامعین کو متاثر کرنے والے گوناگوں طریقوں کو بروئے کار لاتے ہوئے نوحہ و مرثیہ خوانی میں مصروف ہیں۔ یہ معمولی چیز نہیں ہے۔ آپ طاغوت، ظالم، استکبار اور فساد و بدعنوانی کے خلاف پیکار کا جذبہ ملک میں عام کر سکتے ہیں۔
امام خامنہ ای
12 جنوری 2023
سویڈن میں قرآن مجید کی بے حرمتی، ایک تلخ، سازش آمیز اور خطرناک واقعہ ہے۔ اس جرم کا ارتکاب کرنے والے کو شدید ترین سزا دیے جانے پر تمام علمائے اسلام کا اتفاق ہے۔
امام خامنہ ای
22 جولائی 2023
اسلام کی تعلیمات کو اپنا نمونہ عمل قرار دیتے ہوئے اسلامی جمہوری نظام مختلف قوموں کا استحصال کئے جانے اور ان کے گوناگوں مفادات میں رکاوٹ ڈالے جانے کا مخالف ہے۔
امام خامنہ ای
12 جولائی 2023
یوکرین کی جنگ کی وجہ امریکی کمپنیوں کے مفادات
لبرل ڈیموکریسی کے جھوٹے دعویداروں کو یہ گوارا ہے کہ یوکرین جیسی ایک مجبور و بے سہارا قوم کو آگے کر دیں کہ امریکہ کی اسلحہ ساز کمپنیوں کی جیبیں بھری جا سکیں، وہ جنگ کرے، اس کے افراد قتل ہوں تاکہ ان کے ہتھیار فروخت ہوں اور اسلحہ ساز کمپنیوں کی جیبیں بھریں۔
امام خامنہ ای
12 جولائی 2023
فرانسیسیوں کا لبرلزم
فرانسیسیوں نے الجزائر میں سو سال سے زیادہ عرصے تک جرائم کئے اور انسانوں کو موت کے گھاٹ اتارا۔ چند سال کے اندر شاید دسیوں ہزار لوگ قتل کئے گئے۔ یہ لبرلزم ہے؟
امام خامنہ ای
12 جولائی 2023
یہ لبرلزم ہے؟
آپ اگر واقعی لبرل اور حریت پسند ہیں تو ہندوستان جیسی کئی ملین کی آبادی والی ریاست کو سو سال سے زائد عرصے تک آپ نے اپنی نوآبادی کیسے بنائے رکھا اور اس کی دولت لوٹ کر اسے ایک غریب قوم میں بدل دیا۔ یہ لبرلزم ہے؟
امام خامنہ ای
12 جولائی 2023
عید غدیر کے دن اسلامی ولایت یعنی لوگوں کے درمیان اللہ کی ولایت کی جھلک نظر آئی۔ اس طرح دین کامل ہوا۔ اس موضوع کی تشریح کے بغیر دین ناقص رہ جاتا اور یہی وجہ ہے کہ لوگوں پر اسلام کی نعمت تمام ہوئی۔
امام خامنہ ای
11 جولائی 1990
دین سے عاری اخلاقیات کی فسوں گری کا انجام، مغرب کا اخلاقی تنزل ہے
مناسک حج سے روحانیت و اخلاق کا درس لینا چاہئے۔ روحانیت دینی اخلاقیات کے ارتقاء سے عبارت ہے۔ دین سے عاری اخلاقیات کی فسوں گری کا انجام، جس کی مغربی مفکرین کے ذریعے مدتوں ترویج کی جاتی رہی، مغرب کا یہی اخلاقی تنزل ہے جسے روکنا ممکن نہیں۔
امام خامنہ ای
25 جون 2023
امریکی اور صیہونی سازش کا ثابت قدمی سے مقابلہ کرنا ہے
استکباری طاقتیں مسلمانوں کے اتحاد اور نوجوان نسل کی دینداری کی مخالف ہیں اور جس طرح بھی ممکن ہو اس پر حملے کرتی ہیں۔ ہمارا اور ساری قوموں کا فریضہ اس امریکی اور صیہونی سازش کا ثابت قدمی سے مقابلہ کرنا ہے۔
امام خامنہ ای
25 جون 2023
حج کے پیغام کا ایک اصلی ستون اتحاد بین المسلمین ہے۔ یعنی سیاسی و ثقافتی شعبے کی سر برآوردہ شخصیات پہلی عالمی جنگ کے بعد مغربی حکومتوں کے ہاتھوں مغربی ایشیا کی سیاسی و جغرافیائی تقسیم بندی کے تلخ تجربے کو دوہرانے کی اجازت نہ دیں۔
امام خامنہ ای
25 جون 2023
اقتصادی کرپشن متعدی بیماری ہے۔ جب ایک حصے میں کرپشن پیدا ہو جائے تو یہ سرایت کرنے لگتا ہے اور روز بروز بڑھتا جاتا ہے۔ اگر بد عنوانی کے خلاف کارروائی نہ کی جائے تو وہ بڑھتی رہتی ہے۔
امام خامنہ ای
27 جون 2023
حج آج اور آئندہ کل انسانیت کے اخلاقی انحطاط کے استکبار اور #صیہونزم کے سارے منصوبوں پر خط تنسیخ کھینچ سکتا ہے، انھیں بے اثر بنا سکتا ہے۔
امام خامنہ ای
25 جون 2023
حج کا نظام انسانی سماج کے ارتقاء اور سارے انسانوں کی صحت و سلامتی میں مددگار بن سکتا ہے۔ حج ساری انسانیت کو معنوی رفعت اور روحانی و اخلاقی ارتقاء سے ہمکنار کر سکتا ہے اور یہ دور حاضر کے انسان کی حیاتی ضرورت ہے۔
امام خامنہ ای
25 جون 2023
حج کی ندائے ابراہیمی اور ان کی عالمی منادی عام نے ایک بار پھر تاریخ کی گہرائیوں سے سرزمین عالم کو اپنا مخاطب قرار دیا اور آمادہ و ذکر میں محو دلوں میں اشتیاق و تلاطم پیدا کر دیا۔
امام خامنہ ای
25 جون 2023
تاریخ ایران کے بڑے حساس موڑ پر شہیدوں نے تقدیر بدل دی۔ اسلامی انقلاب آ گيا کہ ملک کو جو دینی و سیاسی انحطاط کی سمت جا رہا تھا بچا لے اور اس نے بچا بھی لیا۔ پھر صدام نے حملہ کر دیا۔ تب بھی شہدا ہی تھے جنہوں نے آٹھ سال مزاحمت کی۔ امام خامنہ ای
25 جون 2023
دعا کرتا ہوں کہ نوجوان جوڑے شیریں زندگی بسر کریں۔ آپس میں میل محبت سے رہیں، پاکیزگی و صداقت کا ماحول رہے تاکہ زندگی حلاوتوں سے معمور ہو۔
امام خامنہ ای
20 جون 2023
حج میں شرکت کا ہدف کیا ہے؟ مسلم امہ کے افراد کے دلوں کو ایک دوسرے کے قریب لانا اور مسلم امہ کا اتحاد۔ کس کے مقابلے میں؟ کفر، ظلم، استکبار، انسانی و غیر انسانی بتوں کے مقابلے میں، ان تمام چیزوں کے مقابلے میں جنہیں ختم کرنے کے لئے اسلام آیا۔
امام خامنہ ای
17 مئی 2023
