قرآن میں حج کے بارے میں متعدد آیات موجود ہیں۔ ایک سورہ مائدہ کی آیت ہے جس میں خدا فرماتا ہے: جَعَلَ اللهُ الکَعبَةَ البَیتَ الحَرامَ قیامًا لِلنّاس،(مائدہ 97) خدا نے خانہ کعبہ کو معاشرے کے دوام اور استحکام کا سرچشمہ قرار دیا ہے یہ بہت اہم بات ہے؛ «قیامًا لِلنّاس» یعنی اگر حج کا وجود نہ ہو اور حج انجام نہ پائے تو امت اسلامیہ اور اسلامی معاشرے کا شیرازہ بکھر جائے گا۔
دوسری سورہ حج کی آیت ہے : وَ اَذِّن فِی النّاسِ بِالحَجِّ یَأتوکَ رِجالاً وَ عَلیٰ کُلِّ ضامِرٍ یَأتینَ مِن کُلِّ فَجٍّ عَمیقٍ * لِیَشهَدوا مَنافِعَ لَهُم، (حج آیت 27 و 28) قوم، امت اسلامیہ، عوام، دنیا کے گوشہ و کنار سے حج کے لئے آئیں، تاکہ اپنی آنکھوں سے اپنے فوائد کو دیکھیں: لِیَشهَدوا؛ مشاہدہ کریں، دیکھیں، فوائد کی آماجگاہ میں خود موجود ہوں۔
امام خامنہ ای
17 مئی 2023
امریکی عراق کے دوست نہیں ہیں۔ امریکی کسی کے دوست نہیں ہیں۔ وہ اپنے یورپی دوستوں تک کے وفادار نہیں ہیں، عراق میں ایک امریکی کی موجودگی بھی زیادہ ہے۔
امام خامنہ ای
29 اپریل 2023
ملک کی معیشت کی ریڑھ کی ہڈی پروڈکشن ہے اور پروڈکشن کی ریڑھ کی ہڈی لیبر ہے۔ ہمیں لیبر طبقے کو کمزور نہیں ہونے دینا چاہئے۔ پروڈکشن کے فروغ کا بڑا حصہ لیبروں پر منحصر ہے۔
امام خامنہ ای
29 اپریل 2023
دشمنوں نے لیبر برادری کو ایران کی حکومت کے خلاف اشتعال دلانے کی بڑی کوششیں کیں مگر ناکام رہے۔ بے شک مزدور طبقوں میں کچھ اعتراضات تھے اور وہ اعتراضات صحیح بھی تھے لیکن مزدور طبقے نے دشمن سے اپنا فاصلہ بنائے رکھا اور دشمن کو اعتراضات کا غلط فائدہ اٹھانے کا موقع نہیں دیا۔
امام خامنہ ای
29 اپریل 2023
فلسطین کے عوام کی داخلی مزاحمت اس پیشرفت کی بنیاد ہے۔ جیسے جیسے یہ مزاحمت بڑھتی جائے گی صیہونی حکومت کمزور ہوگی اور اس کے بحران طشت از بام ہوتے جائیں گے۔ آج صیہونی حکومت کی جو مفلوک الحالی نظر آتی ہے وہ فلسطینی نوجوانوں کی استقامت کا نتیجہ ہے۔
امام خامنہ ای
22 اپریل 2023
ایران کے مومن عوام نے شب قدر (بیداری اور عبادتوں میں) بسر کرنے کے بعد اگلے دن روزے کے عالم میں پورے ملک میں یوم قدس کی پرشکوہ اور عظیم ریلیاں نکالیں اور ثابت کر دیا کہ یہ سب توفیقات و الطاف الہیہ ہیں۔
امام خامنہ ای
22 اپریل 2023
دشمن کی شکست کا یقین رکھنے کے ساتھ ساتھ اس کی طرف سے غافل نہ ہونا بھی بہت اہم ہے۔ کسی بھی مرحلے پر دشمنوں کی عیاری اور سازشوں سے غافل نہیں ہونا چاہئے۔
امام خامنہ ای
16 اپریل 202
مغرب کو ایرانی خواتین سے قطعی ہمدردی نہیں بلکہ وہ کینہ رکھتے ہیں۔ کیونکہ اگر خواتین کا تعاون نہ ہوتا تو اسلامی انقلاب ہرگز کامیاب نہ ہو پاتا۔
واقعی مغرب کو عورتوں کے حقوق کی طرفداری کا دعوی زیب نہیں دیتا۔ آج بھی مغربی ملکوں میں عورتیں بڑی اہم مشکلات سے گزر رہی ہیں۔
امام خامنہ ای
5 اپریل 2023
یوکرین کی جنگ کی آگ امریکہ نے بھڑکائی۔ اس جنگ کے نتیجے میں امریکہ کے یورپ اتحادی بتدریج اس سے دور ہو رہے ہیں اور فاصلہ بڑھتا جا رہا ہے۔ کیونکہ یورپی ممالک تو اس جنگ کا خمیازہ بھگت رہے ہیں اور امریکہ اس سے منافع کما رہا ہے۔
امام خامنہ ای
4 اپریل 2023
امریکہ کمزور ہوتا جا رہا ہے۔ امریکہ، لاطینی امریکہ کو اپنا بیک یارڈ تصور کرتا تھا۔ آج لاطینی امریکہ کے متعدد ممالک میں امریکہ مخالف حکومتیں اقتدار میں ہیں۔
امام خامنہ ای
4 اپریل 2023
قرآن کی تلاوت سننا ضروری امر ہے، وقت گزاری کا ذریعہ نہیں۔ قرآن کی تلاوت سننے سے رحمت پروردگار کے نزول کا راستہ ہموار ہوتا ہے اور یہ انسان کو رحمت خداوندی سے آشنا کرانے والے سب سے اہم ذرائع میں سے ایک ہے۔
امام خامنہ ای
23 مارچ 2023
بعض ملکوں نے ڈالر پر انحصار کرنا چھوڑ دیا تو ان کی حالت بہتر ہو گئی۔ جو ممالک مغرب کی پابندیوں کا نشانہ بنے ان کا رابطہ سوئیفٹ سے کٹ گیا جو ایک مغربی نیٹ ورک ہے۔ انہوں نے ڈالر کو کنارے رکھا اور مقامی کرنسی میں کاروبار شروع کیا، ان کے حالات بہتر ہو گئے، یہ ہمیں بھی کرنا چاہئے۔
امام خامنہ ای
21 مارچ 2023
آپ کون سے ایسے ملک اور انقلاب کو جانتے ہیں جو دنیا کے ملکوں کے شدید حملوں کے سامنے برسوں ثابت قدمی سے ڈٹا رہا؟ ملت ایران دشمن کی سازشوں جیسے بغاوت، پابندیوں اور تشہیراتی حملوں کے طویل سلسلے کے سامنے مضبوطی سے کھڑی ہے۔
امام خامنہ ای
21 مارچ 2023
جو ممالک امریکہ کی پابندیوں کا نشانہ بنے ہیں وہ باہمی تعاون سے اور ایک مشترکہ بلاک تشکیل دے کر پابندیوں کے اس حربے کو مٹا دیں اور ایسا کرنا ممکن بھی ہے۔
امام خامنہ ای
13 مارچ 2023
کتنا اچھا ہے کہ ہم اور آپ ہسپانوی زبان بولنے والوں اور تمام عدل و انصاف پسندوں کے درمیان پہلے سے زیادہ آشنائی ہو اور باہمی تعاون فروغ پائے۔ اللہ سے آپ کی خوش بختی کی دعا کرتا ہوں۔
امام خامنہ ای
۱۰ مارچ ۲۰۲۳
درخت کاری اور ماحولیات کی حفاظت کا مسئلہ بے حد اہم مسئلہ ہے جو صرف ہمارے ملک کا مسئلہ نہیں ہے۔ ان شاء اللہ عوام کے حوصلے اور اداروں کی مدد سے ہر سال 'ہر ایرانی تین پودے' کا نعرہ جامہ عمل پہنے گا اور آئندہ چار سال میں ایک ارب درخت لگانے کا کام پورا ہوگا۔
امام خامنہ ای
6 مارچ 2023
لبرل ڈیموکریسی کے عمائدین نے دنیا کو اپنے کنٹرول میں کرنے کا منصوبہ بنایا ہے۔ لبرلزم اور ڈیموکریسی کے پرچم کے پیچھے وہ دنیا کے وسائل لوٹنے اور ملکوں و اقوام پر مسلط ہونے کا ارادہ رکھتے ہیں۔ ظاہر ہے دین اسلام اس کے خلاف ہے۔
امام خامنہ ای
23 فروری 2023
شام اور ترکیہ میں جو تباہ کن زلزلہ آیا، یہ بڑا تلخ حادثہ ہے۔ اس کا تعلق سارے مسلمانوں سے ہے۔ یعنی سب کو چاہئے کہ اس درد کو محسوس کریں، ایسی چیزوں کی تکلیف کا احساس کریں۔
امام خامنہ ای
18 فروری 2023
اس سال 11 فروری کو اسلامی انقلاب کی سالگرہ پر ان شاء اللہ یہ واضح پیغام دشمنوں تک پہنچے کہ قومی اتحاد کو ختم کرنے کی کوششیں لا حاصل رہیں، عوام کو ایک دوسرے سے اور انھیں حکومت سے الگ کرنا ممکن نہیں۔
امام خامنہ ای
8 فروری 2023
آپ پیاری بچیوں کو یہ سفارش کرنا چاہتا ہوں کہ اسی بچپن کے دور سے خدائے مہربان کی دوست بن جائیے۔ اللہ سے کیسے دوستی کی جاتی ہے؟ اللہ سے دوستی کا ایک راستہ یہی ہے کہ آپ نماز میں توجہ رکھئے کہ آپ اللہ سے بات کر رہی ہیں۔
امام خامنہ ای
3 فروری 2023
نماز سے ایک خوش قسمت معاشرے کے اندر کلیدی رشتے مستحکم ہوتے ہیں۔ نماز جماعت کی صفیں سماجی سرگرمیوں کی آپس میں ایک دوسرے سے وابستہ صفوں کی تشکیل کرتی ہیں۔ مساجد کا پرجوش و پر تپاک ماحول سماجی سطح پر تعاون کے مراکز میں رونق پیدا کر دیتا ہے۔
امام خامنہ ای
26/01/2023
دشمن سمجھ رہے تھے کہ امریکہ کے کسی پٹھو کے پیٹرو ڈالرز سے اسلامی جمہوریہ کے ارادے پر اثر انداز ہو جائیں گے۔ یہ ان کی بھول تھی۔ اسلامی جمہوریہ کی قوت ارادی دشمن کی قوت کے تمام عناصر سے زیادہ مستحکم ثابت ہوئی۔
امام خامنہ ای
12 جنوری 2023
جب ہمارے پاس مقدس دفاع کے دور جیسے نوجوان ہوں تو نتیجہ یقینی پیشرفت کی صورت میں نکلتا ہے۔ یعنی دنیا کی ساری طاقتیں لام بند ہو گئیں کہ ایران کے حصے بخرے کر دینا ہے، مگر ملک کی ایک بالشت زمین بھی لے نہ سکیں، یہ معمولی چیز ہے؟ یہ چھوٹی کامیابی ہے؟
امام خامنہ ای
9 جنوری 2023
شاہ چراغ علیہ السلام کے روضے کا دہشت گردانہ حملہ دلوں کو داغدار کر گیا۔ لیکن ایران کی تاریخ میں امر ہو گیا۔ اس خبیثانہ کارروائی کے پس پردہ کارفرما عناصر یعنی داعش کی تشکیل کرنے والے امریکیوں کو بے نقاب کیا جانا چاہئے۔
امام خامنہ ای
20 دسمبر 2022
'ہمارے بس کی بات نہیں' کا کلچر اسلامی انقلاب سے قبل معاشرے کی فضا میں رائج غلط کلچر تھا۔ انقلاب نے اس ذہنیت کو بدلا جس کے نتیجے میں ڈیموں، بجلی گھروں، ہائی ویز، تیل اور گیس کی صنعتوں کی مشینوں اور انفراسٹرکچر کی تعمیر کے بہت سارے کام مقامی نوجوان ماہرین کے ہاتھوں انجام پائے۔
امام خامنہ ای
6 دسمبر 2022
#عراق کی پیشرفت اور اس کا اپنی حقیقی پوزیشن تک ارتقاء اسلامی جمہوریہ کے مفاد میں ہے اور آپ جناب سودانی صاحب وہ شخص ہیں جن کے پاس عراق کے امور اور روابط کو آگے لے جانے اور اس ملک کو خود مختار پوزیشن اور اس کے تمدن و تاریخ کے شایان شان مقام تک پہنچانے کی صلاحیت ہے۔
امام خامنہ ای
29 نومبر 2022
بحریہ میں جنگی توانائیوں اور دفاعی ساز و سامان میں ہر پہلو سے ارتقاء اور دور دراز کے بین الاقوامی پانیوں تک گشت لگانے جیسے اقدامات کا سلسلہ جاری رکھنا ضروری ہے۔
امام خامنہ ای
28 نومبر 2022
انھیں گزشتہ ہفتوں میں جب بلوے ہو رہے تھے، ایرانی سائنسدانوں اور ماہرین نے کئی بڑے اور امید افزا کارنامے انجام دئے:
1. بلڈ کینسر کے نئے طریقہ علاج کی دریافت
2. دنیا کے سب سے بڑے ٹیلی اسکوپس میں سے ایک کی رونمائی
3. جدید ہائیپر سونک میزائل کی رونمائی
4. آف شور ریفائنری کا آغاز
امام خامنہ ای
19 نومبر 2022
قم میں ترانہ پیش کرنے والی ٹیم کے تمام افراد کی شہادت ایران کے خلاف آٹھ سالہ جنگ کے انتہائی اہم واقعات میں سے ایک تھی۔ کمسن بچے ترانہ پیش کر رہے تھے، اچانک صدام حکومت کے طیارے (اس حکومت کو امریکہ کی حمایت حاصل تھی۔) آکر بمباری کر دیتے ہیں اور تقریبا سارے افراد شہید ہو جاتے ہیں۔
امام خامنہ ای
17 نومبر 2022
امریکی اپنے پروپیگنڈے میں جاسوسی کے مرکز (امریکی سفارت خانے) پر قبضہ ہو جانے کے واقعے کو ملت ایران اور امریکہ کے ما بین دشمنی کی شروعات ظاہر کرتے ہیں۔ یہ ان کا جھوٹ ہے۔ ملت ایران اور امریکہ کے درمیان 19 اگست 1953 کی بغاوت سے مشکلات شروع ہوئیں، عوام کی منتخب حکومت آپ نے کیوں گرائی؟
امام خامنہ ای
2 نومبر 2022
بسم اللہ الرحمن الرحیم
حضرت احمد ابن موسی علیہما السلام کے روضہ اطہر میں انجام پانے والی بے رحمانہ کارروائی نے جس کے نتیجے میں درجنوں بے گناہ مرد، عورتیں اور بچے شہید اور زخمی ہو گئے، دلوں کو سوگوار کر دیا۔
امام خامنہ ای
27 اکتوبر 2022
ممتاز علمی لیاقت رکھنے والے افراد ملک کا سب سے اہم سرمایہ ہیں۔ جب ہم ان افراد کو عظیم سرمایہ مانیں گے تو انھیں پیدا کرنے کے لئے محنت کریں گے اور انہیں گنوانے کو نقصان سجمھیں گے اور حتی المقدور ہماری کوشش ہوگی کہ انھیں ہاتھ سے جانے نہ دیں۔
امام خامنہ ای
19 اکتوبر 2022
آپ کا یوم ولادت بڑی عظمتوں والا دن ہے۔ آنحضرت کے یوم ولادت پر عید منانے کا مطلب صرف یہ نہیں کہ جشن منا لیا جائے اور یاد کر لیا جائے بلکہ سبق لینے اور پیغمبر اکرم کو اپنا نمونہ عمل قرار دینے کا دن ہے۔
امام خامنہ ای
12 اکتوبر 2022
ایران کے حالیہ ہنگاموں میں دشمنوں کے ملوث ہونے کی تصدیق اب سبھی کر رہے ہیں۔ یہاں تک کہ غیر جانبدار غیر ایرانی اہل نظر بھی واشگاف لفظوں میں یہ بات کہہ رہے ہیں۔
امام خامنہ ای
12 اکتوبر 2022
یہ چیز اس مادی دنیا میں بڑی اہم اور حیرت انگیز ہے: ایک مسلمان خاتون کھلاڑی غیر مرد کے سامنے چیمپیئن کے پوڈیم پر کھڑی ہوتی ہے اور وہ مصافحے کے لئے ہاتھ بڑھاتا ہے تو مصافحہ نہیں کرتی یا وہ دسیوں لاکھ لوگوں کی نگاہوں کے سامنے حجاب کے ساتھ کھڑی ہوتی ہے۔
امام خامنہ ای
11 ستمبر 2022
ایک نوجوان لڑکی کی موت بڑا تلخ واقعہ تھا۔ ہمیں دلی تکلیف ہوئی۔ لیکن اس واقعے پر مناسب رد عمل یہ نہیں کہ کچھ لوگ عوام کا امن و امان چھین لیں، قرآن، مسجد، امام بارگاہ، بینک اور گاڑیوں کو آگ لگائیں، پردہ دار خاتون کے سر سے چادر چھینیں، یہ حرکتیں عام نہیں منصوبے کے ساتھ تھیں۔
امام خامنہ ای
3 اکتوبر 2022
1980 سے 1988 تک مقدس دفاع سے ملت ایران کے لئے ایک حقیقت پایہ ثبوت کو پہنچ گئی اور وہ یہ کہ دشمن کی دست درازی سے ملک کی حفاظت اور دفاعی قوت، مزاحمت و استقامت سے حاصل ہوتی ہے ، ہتھیار ڈال دینے سے نہیں۔
امام خامنہ ای
21/09/2022
