یہ ضو فشاں چراغ، یہ شمع فروزاں شیعہ معاشروں میں تمام ادوار میں موجود رہی ہے۔ ان شاء اللہ منتظروں کے انتظار کی گھڑیاں ختم ہوں  گي۔

جو لوگ ظالمانہ طاقت کے نشے میں چور ہیں ان سے نصیحت کی زبان میں بات نہیں ہو سکتی، ان سے طاقت کی زبان میں بات کرنا چاہیے۔

ایک انتظار، آخری فرج کا انتظار ہے، وہ عدل وانصاف کی حکومت کے قیام سے عبارت ہے اور وہ (نجات دہندہ) آئے گا۔

ماسلام میں مہدویت کا مسئلہ، مسلّمات کا حصہ ہے۔ یعنی یہ صرف شیعوں سے مختص نہیں ہے

ہماری دعا ہے کہ ہماری عزیز قوم امام زمانہ سے سے عقیدت، انس و اشتیاق اور ان کے ظہور کے انتظار میں آگے بڑھتی رہے۔

اس انتظار کا مطلب یہ ہے کہ ہمیں خود کو امام زمانہ کا لشکری بننے کے لیے تیار کرنا چاہیے۔ امام زمانہ کا فوجی ہونا کوئی آسان کام نہیں ہے۔

جنھیں یقین کامل ہے کہ اس طرح کا مستقبل آنے والا ہے تو انھیں چاہیے کہ خود کو آمادہ کریں، منتظر رہیں اور کوشش کرتے رہیں۔

آج بحمداللہ ہماری قوم، مہدویت اور امام مہدی سلام اللہ علیہ کے وجود اقدس کی طرف ہمیشہ سے زیادہ متوجہ ہے۔ روزبروز ہر انسان محسوس کرسکتا ہے جوانوں کے دل میں، ملت کی ایک ایک فرد کے یہاں، حضرت حجت علیہ السلام کے وجود اقدس کے سلسلے میں عشق و ارادت، اشتیاق اور ذکر و یاد میں اضافہ ہوتا جا رہا ہے۔ یہ بھی خود ان ہی بزرگوار کی برکتوں میں سے ہے۔ ہماری اس ملت پر ان کی نگاہ لطف و رحمت کا نتیجہ ہے جس نے ان کے قلوب، اس روشن و تابناک حقیقت کی طرف جھکا دیے ہیں۔ خود یہ چیز امام علیہ السلام کی خصوصی توجہ کی نشانی ہے اور اس کی قدر کرنی چاہیے۔ امام خامنہ ای 17 اگست 2008

انتظار فرج کا مطلب یہ نہیں ہے کہ انسان ہاتھ پہ ہاتھ دھرے بیٹھا رہے اور کوئی کام انجام نہ دے، کسی طرح کی اصلاح کا اقدام نہ کرے، صرف اس بات پر خوش رہے کہ ہم امام زمانہ علیہ ، السلام کے منتظر ہیں۔ یہ تو انتظار نہ ہوا۔ انتظار کس کا ہے؟ ایک قوی و مقتدر الہی اور ملکوتی ہاتھ کا انتظار ہے کہ وہ آئے اور ان ہی انسانوں کی مدد سے دنیائے ظلم و ستم کا خاتمہ کردے، حق کو غلبہ عطا کرے اور لوگوں کی زندگي میں عدل و انصاف کو حکمراں کردے، توحید کا پرچم لہرا کر انسانوں کو خدا کا حقیقی بندہ بنادے، اس کام کی آمادگي ہونی چاہیے۔ انتظار فرج یعنی کمرکس لینا، تیار ہوجانا، خود کو ہر رخ سے اس ہدف کے لیے، جس کے لیے امام زمانہ انقلاب برپا کریں گے، تیار کرنا۔ امام خامنہ ای 17 اگست 2008

آج ہم کو فرج یعنی گرہ گشائی کا انتظار ہے یعنی ہم سب عدل و انصاف کو عام کرنے والے ایک قوی و توانا دست قدرت کے منتظر ہیں کہ وہ آئے اور ظلم و جور کے اس تسلط کو توڑ دے جس نے پوری بشریت کو مقہور بنا رکھا ہے۔ ظلم و ستم کے اس ماحول کو بدل دے اور انسانوں کی زندگي کو ایک بار پھر نسیم عدل کے جھونکوں سے تازہ کر دے تا کہ تمام انسانوں کو عدل و انصاف کا احساس ہو۔ یہ ایک آگاہ و باخبر زندہ و بیدار انسان کی دائمی ضرورت ہے۔ انتظار کا یہی مطلب ہے۔ امام خامنہ ای 17  اگست 2008