قائد انقلاب اسلامی آیت اللہ العظمی سید علی خامنہ ای نے آج وزارت محنت و سماجی امور کے ممتاز عہدہ داروں اور محنت کشوں کے اجتماع سے خطاب کرتے ہوئے ملک کی عزت و سربلندی میں محنت کش طبقے کے اہم کردار کی جانب اشارہ کیا اور اس طبقے کے احترام کی ضرورت پر تاکید فرمائی۔ آپ نے آٹھویں پارلیمان کے دوسرے مرحلے کے انتخابات اور اس کی خاص اہمیت کی جانب اشارہ کیا اور کہا کہ جس طرح ایرانی قوم نے پہلے مرحلے کے انتخابات میں دانشمندی کا ثبوت دیتے ہوئے دشمنوں کی تشہیراتی مہم کا جواب دیا، دوسرے مرحلے کے انتخابات میں بھی اپنی بھرپور شرکت، اور اعلی ترین صلاحیتوں کے حامل افراد کے انتخاب کے ذریعے ایک بار پھر اس حقیقت کو ثابت کر دے گی کہ اس قوم کا جوش و خروش دائمی ہے۔
