یاد رہے کہ 8 فروری 2024 کو میٹا کمپنی نے آيت اللہ خامنہ ای کے فارسی انسٹاگرام اور اسی طرح انگریزی انسٹاگرام اور فیس بک پیجز کو بند کر دیا۔ ان پیجز کے پچاس لاکھ سے زیادہ فالوورز تھے۔ ویب سائٹ KHAMENEI.IR نے اسی مناسبت سے ایران میں بولیویا کی سفیر محترمہ رومینا پیرز سے ایک انٹرویو میں میٹا کمپنی کے اس اقدام کی وجوہات کا جائزہ لیا ہے۔
اسلامی جمہوریہ ایران میں بولیویا کی سفیر محترمہ رومینا گوادلوپے پیرز راموس نے کہا ہے کہ میٹا کی جانب سے امام خامنہ ای کے انسٹاگرام اور فیس بک پیجیز بند کیے جانے کی اصل وجہ حقائق پر مبنی باتیں پوسٹ کرنا اور فلسطین کے مظلوم عوام کی اخلاقی حمایت ہے۔
