بلا شبہہ قم کو قم بنانے اور اس تاریخی مذہبی شہر کو خاص عظمت عطا کرنے میں ‏حضرت معصومہ سلام اللہ علیہا کا کردار نمایاں ہے۔ اس میں کسی طرح کا کوئي شک و ‏شبہہ نہیں۔ یہ باعظمت ہستی اور اہلبیت علیہم السلام کے دامن کی تربیت یافتہ یہ نوجوان ‏خاتون، ائمہ علیہم السلام کے عقیدتمندوں، اصحاب اور چاہنے والوں کے درمیان اپنی ‏سرگرمیوں کے ذریعے، مختلف شہروں سے عبور کر کے، پورے راستے میں لوگوں کے ‏درمیان معرفت و ولایت کی خوشبو بکھیر کر اور پھر اس علاقے میں پہنچ کر اور قم میں ‏قیام فرما کر، اس بات کا موجب بنیں کہ یہ شہر، ظالم حکومت کے اس تاریک دور میں ‏اہلبیت علیہم السلام کے معارف کے اہم مرکز کی حیثیت سے جگمگا اٹھے اور ایک ایسا ‏مرکز بن جائے جو اہلبیت علیہم السلام کے علم کی روشنی اور ان کے معارف کا نور ‏پورے عالم اسلام اور شرق و غرب عالم تک پہنچا دے۔ امام خامنہ ای ‎21/10/2010‎

میرے عزیز نوجوانو! میرے پیارے بچو! بہت سارے خرمشہر آپ کے سامنے ہیں۔ عسکری جنگ کے میدان میں نہیں بلکہ ‏ایسے میدان میں جو عسکری جنگ کےمیدان سے زیادہ دشوار ہے۔ امام خامنہ ای 23 مئی 2016

فلسطین پر غاصبانہ قبضے کے پورے ستر سال کے عرصے میں صیہونیوں نے ایک بالشت زمین بھی مذاکرات کے نتیجے میں نہیں چھوڑی ہے۔ مذاکرات کی کیا حیثیت ہے؟ صیہونیوں کی پسپائی فلسطینیوں کی مزاحمت کے نتیجے میں ہوئی۔ پہلا واقعہ جنوبی لبنان سے پسپائی اور فرار کا تھا۔ ملت فلسطین کو یاد رکھنا چاہئے، فلسطینی جہاد میں شامل تنظیمیں یاد رکھیں! ہرگز اس جھانسے میں نہ آئیں کہ غزہ کی آزادی مذاکرات کے نتیجے میں ہوئی ہے۔ بالکل نہیں! مذاکرات سے غزہ کو آزادی نہیں ملی۔ مذاکرات سے کوئی اور علاقہ بھی آزاد نہیں ہوا اور تا ابد اس سے کوئی علاقہ آزاد ہونے والا نہیں ہے۔ غزہ کو جس چیز نے آزادی دلائی وہ ملت فلسطین کی مزاحمت تھی۔ وہ (صیہونی پسپائی پر) مجبور ہو گئے۔ امام خامنہ ای 19 اگست 2006