ہفتۂ وحدت کے آغاز اور عید میلاد النبی کی مناسبت سے ایران کے اہلسنت علماء، ائمۂ جمعہ اور دینی مدارس کے اساتذہ نے پیر 16 ستمبر کی صبح رہبر انقلاب اسلامی آيت اللہ خامنہ ای سے ملاقات کی۔
پیغمبر اکرم حضرت محمد مصطفی صلی اللہ علیہ و آلہ و سلم اور حضرت امام جعفر صادق علیہ السلام کے یوم ولادت با سعادت کے موقع پر رہبر انقلاب اسلامی آيت اللہ العظمی سید علی خامنہ ای نے منگل کے روز ملک کے عہدیداران، ایران میں متعین اسلامی ملکوں کے سفیروں، وحدت اسلامی کانفرنس کے شرکاء اور مختلف عوامی طبقوں سے تعلق رکھنے والے لوگوں سے ملاقات کی۔
اسلامی جمہوریہ میں اس ہفتے کو، یعنی بارہ سے سترہ ربیع الاول تک کے ایام کو ہم نے 'اتحاد کے ہفتے' سے موسوم کیا ہے۔ یہ صرف نام کے لئے نہیں ہے اور نہ ہی کوئی سیاسی عمل اور داؤں ہے۔ یہ قلبی اعتقاد و ایمان ہے۔