ہماری امیدیں نوجوانوں سے وابستہ ہیں۔ مطلب یہ نہیں کہ اس راہ میں نوجوانوں کے علاوہ دوسروں کی کوئی ذمہ داری نہیں ہے۔ کیوں نہیں، نوجوانوں کے علاوہ دوسروں کی بھی ذمہ داریاں ہیں۔ آپ نے دیکھا ہے کہ ہمارے بزرگوار امام (خمینی) عالم پیری میں بھی نوجوانوں کی طرح کام کرتے تھے۔ نوجوانوں کی طرح گفتگو کرتے تھے۔ نوجوانوں کی طرح سوچتے تھے۔ بات یہ ہے کہ ہر معاشرے کو آگے بڑھانے والا 'انجن' در حقیقت یہی نوجوان ہیں۔