"المراۃ ریحانہ و لیست بقھرمانۃ" (عورت پھول ہے، نوکر نہیں) پیغمبر اکرم نے اپنے اس قول کے ذریعے اس سوچ کو، جس کے تحت سوچا جاتا تھا کہ عورت پر گھر کے اندر کے کام کرنا لازمی ہے، غلط بتا دیا ہے۔ عورت ایک پھول کی طرح ہے جس کی دیکھ بھال کرنا چاہئے۔ امام خامنہ ای 20 ستمبر 2000

گھرانہ معاشرے کا بنیادی ستون ہے، معاشرے کی ریڑھ کی ہڈی ہے۔ اسلامی معاشرہ ایک صحیح و سالم اور بانشاط خاندانی ڈھانچے سے بہرہ مند ہوئے بغیر ہرگز ترقی نہیں کر سکتا، خاص طور پر ثقافتی میدانوں میں۔ البتہ غیر ثقافتی میدانوں میں بھی اچھے گھرانوں کے بغیر ترقی ممکن نہیں ہے۔ امام خامنہ ای 4 جنوری 2012

ہم اپنے ملک میں دیکھ رہے ہیں کہ عورتوں کے سلسلے میں کام کرنے والی بعض خواتین اور بعض مردوں کی یہ کوشش ہے کہ عورتوں سے متعلق عالمی کنوینشنوں کے ساتھ ہم آہنگی کی خاطر اسلامی احکام سے عبور کرنے کا کھیل کھیلیں اور ان میں کمی بیشی کریں، یہ غلط ہے۔ امام خامنہ ای 4 جولائی 2007

اسلام نے گھرانے کو اندر سے کچھ یوں مرتب کیا ہے کہ اندرونی اختلافات اپنے آپ حل ہو جائیں۔ اسلام نے مرد کو حکم دیا ہے کہ وہ بیوی کا پاس و لحاظ رکھے اور عورت کو حکم دیا ہے کہ وہ شوہر کا پاس و لحاظ رکھے۔ یہ پاس و لحاظ اگر تمام پہلوؤں سے انجام پائے تو کوئی بھی گھرانہ بکھر نہیں سکتا اور نہ ہی تباہ ہو سکے گا۔ امام خامنہ ای 11 جون 2013

اپنے بچوں کے ساتھ گھل مل کر رہیے۔ شریک زندگي سے مہربانی سے پیش آئیے اور اس سے تعاون کیجیے۔ یہ جو وہ گھریلو امور انجام دیتی ہیں، بچوں کی دیکھ بھال کرتی ہیں اور گھر کے ماحول کو صاف ستھرا بنائے رکھتی ہیں، یہ آپ کی کامیابی کے سب سے بڑے اسباب میں سے ہے۔ امام خامنہ ای 11 جون 2013

اگر اسلامی معاشرے میں خواتین کی اسلامی معیارات پر تربیت کی جا سکے، یعنی نسوانی عظمت کی حامل عظیم خواتین کے فاطمی معیار اور زینبی معیار پر خواتین کی تربیت جو دنیا اور تاریخ کو متاثر کر سکتی ہیں، تو عورت اپنے معیاری مقام پر فائز ہو جائے گي۔ امام خامنہ ای 22 اکتوبر 1997

مرد کو قدر داں ہونا چاہئے۔ بعض گھریلو خواتین کام کاج کے لئے باہر جا سکتی تھیں، بعض اعلیٰ تعلیمات کے لیے باہر جا سکتی تھیں، بعض اعلی تعلیمات سے آراستہ بھی تھیں لیکن انھوں نے کہا کہ ہم اس بچے کی اچھی پرورش کرنا چاہتے ہیں اور اسی لیے ہم نے کام کے لئے باہر نہیں جانا چاہا۔ اس طرح کی خواتین کی قدر دانی ہونی چاہئے۔ امام خامنہ ای 4 جنوری 2012

شوہر و زوجہ گھر کے اندر نشاط و توانائي بحال کر سکتے ہیں اور زندگی کی راہیں طے کرنے کے لئے عزم و حوصلہ پیدا کر سکتے ہیں۔ انسانی جسم ہر وقت مضر اور خطرناک اسباب و وسائل سے برسر پیکار رہتا ہے اور اس مقابلے کے لئے بعض اوقات آرام و سکون لازم ہے۔ یہ ایک سفر اور ایک تحرک کام ہے اور آرام و سکون کا یہ نقطہ گھر کے اندر ہی میسر آتا ہے۔ امام خامنہ ای 28 مئی 2008

ایک خاتون کو اگر گھریلو ماحول میں محترم سمجھا جانے لگے تو معاشرے کی مشکلات کا ایک بڑا اہم حصہ حل ہو جائے گا۔ ایسی عادت بنالیں کہ بچے ماں کے ہاتھوں کا بوسہ ضرور لیا کریں، اسلام یہی چاہتا ہے۔ یہ احترام ہونا چاہیے۔ امام خامنہ ای 11 جون 2013

گھرانہ، جوش و جذبے اور برکت سے معمور ایک ایسا مرکز ہے جس پر انسانی تربیت کے محکم ترین ستون قائم ہوئے ہیں۔ اس طرح کے ماحول میں محور و مرکز کون ہے؟ ماں ! اصل کون ہے؟ ماں! دائرے کا مرکز کون ہے؟ ماں! ماں ہی گھر اور خاندان کا مرکز ہے۔ امام خامنہ ای 03 فروری 2021