آج ہماری مشکل تفرقہ آرائی ہے جبکہ قرآن نے تفرقہ آرائی سے منع کیا ہے، (اے صاحبان ایمان!) ان لوگوں کی طرح نہ ہو جانا جنھوں نے تفرقہ پھیلایا اور اختلاف کیا۔ (سورۂ آل عمران، آیت 105) اس کے باوجود، ملت اسلامیہ اور امت اسلامی تفرقہ کا شکار ہے، ٹھیک ہے مختلف عقائد پائے جاتے ہیں اور مختلف مذاہب کا وجود ہے، ذوق اور پسندیں مختلف ہیں، اچھا تو ہوا کریں ... یہ ذوق اور پسند کا اختلاف اس بات کا باعث نہ بنے کہ ہم امت اسلامیہ کے اتحاد کی عظیم نعمت سے محروم ہوجائیں۔ آج اگر امت اسلامیہ ، جس کی آبادی تقریبا دو ارب ہے، با ہم متحد و متفق ہوتی تو اسلامی ملکوں کو کہیں زیادہ خیر و فلاح کی نعمتیں ہاتھ آسکتی تھیں۔ امام خامنہ ای 22 اپریل 2023

وہ قوانین جو آنکھوں کے سامنے ہیں، سب کی سمجھ میں آتے ہیں لیکن ایسے بھی قوانین ہیں کہ سب ان کو سمجھنے کی توانائی نہیں رکھتے۔ حقیقت یہ ہے کہ پورے کا پورا قرآن ان قوانین کے بیان سے بھرا پڑا ہے۔ یقیناً اللہ پرہیزگاروں کے ساتھ ہے۔ (سورۂ بقرہ، آیت 194) اور جو کوئی جہاد کرتا ہے تو وہ اپنے ہی لیے جہاد کرتا ہے۔ (سورہ عنکبوت، آیت 6) اور اسی طرح کی دوسری آیات۔ یہ سب بھی قانون ہیں۔ اور اللہ سے بڑھ کر کون بات کا سچا ہے؟ (سورۂ نساء، آیت 122) کون ہے جو سب زیادہ سچا ہے؟ خدا کہتا ہے یہ قانون ہے۔ امام خامنہ ای 28 جون 2022

آج مغربی تہذیب زوال سے دوچار ہے یعنی واقعی طور پر تنزل کی طرف گامزن ہے: جہنم کی آگ کے دہانے پر کھڑی ہے۔ (سورۂ توبہ، آیت 10) دلدل کے دہانے پر ہے۔ البتہ معاشروں کے تغیرات آہستہ آہستہ رونما ہوتے ہیں اور جلدی محسوس نہیں ہوتے، حتیٰ خود مغربی دانشورں نے اسے محسوس کر لیا ہے اور زبان سے بھی کہنے لگے ہیں۔ یہ سب ہماری امید کے اسباب میں سے ایک ہے، مغربی تہذیب، مادی تہذیب، ہمارے مقابلے میں ہے اور زوال و انحطاط سے روبرو ہے۔ یہ بھی امید افزا تغیرات میں سے ہے اور یہ بھی اللہ کے اٹل وعدوں میں سے ایک ہے۔ امام خامنہ ای  22 مئی 2019