رہبر انقلاب اسلامی آیت اللہ العظمی امام خامنہ ای نے اتوار 5 فروری 2017 کو فقہ کے درس خارج کے آغاز میں اخلاق کے موضوع پر ایک حدیث معصوم نقل کی اور فرمایا کہ علما اور طلاب کے لئے مہنگی گاڑیوں کا استعمال حرام ہے۔ آپ نے فرمایا کہ مجھے ایک مکتوب ملا ہے جس میں لکھا ہے کہ اس درس میں موجود بعض افراد دو سو ملین تومان (تقریبا انچاس ہزار ڈالر) تک کی گاڑیوں میں چلتے ہیں۔

رہبر انقلاب اسلامی کا کہنا تھا کہ اسراف ہر کسی کے لئے حرام ہے۔ کوئی حد درجہ مالدار ہو یا مڈل کلاس سے تعلق رکھتا ہو یا غریب ہو، ہر کسی کے فضول خرچی کا امکان ہے اور فضول خرچی حرام ہے۔ ان گراں قیمت گاڑیوں کا استعمال حرام ہے۔

بعض اوقات سیکورٹی کے مسائل کا ذکر کرکے مہنگی گاڑیوں کے استعمال کی توجیہ کی جاتی ہے تو رہبر انقلاب اسلامی نے اس تعلق سے فرمایا کہ عمل، ورع، جدوجہد، زہد، دنیا کے تجملات اور ظاہری آرائش سے بے رغبتی و بے اعتنائی ہمارا بنیادی فرض ہے۔