بنت رسول حضرت فاطمہ زہرا سلام اللہ علیہا کے یوم شہادت کی مناسبت سے چوتھی شب بھی پورے شکوہ کے ساتھ عزاداری کی گئی۔ تہران میں حسینیہ امام خمینی میں مجلس و ماتم کا سلسلہ رہا جس میں قائد انقلاب اسلامی آيت اللہ العظمی خامنہ ای نے بھی شرکت کی۔ عزاداری کے لئے عوامی طبقات اور اعلی حکام بھی حسینیہ امام خمینی پہنچے۔ چوتھی شب کی مجلس حجت الاسلام و المسلمین کاظم صدیقی نے پڑھی۔ انہوں نے اللہ پر حقیقی عقیدہ و ایمان رکھنے سے متعلق دین اسلام کی ہدایات کا ذکر کرتے ہوئے کہا کہ اگر بندگی کے جادے پر مسلمان ثابت قدمی کا مظاہرہ کریں تو عنایت پروردگار ان کے شامل حال ہوگی اور ایمان کی حلاوت کا انہیں حقیقی معنی میں احساس ہوگا۔