والدین کی نگہداشت کے اخراجات کی ذمہ داری کس پر ہے؟ بیٹوں پر یا بیٹیوں پر؟ اگر والدین کے پاس اپنی آمدنی ہو تب ان کی دیکھ بھال کس کے ذمے ہے؟ جواب: اگر ماں یا باپ کے پاس ضرورت بھر آمدنی ہو تو ان کے اخراجات کسی اور کے ذمے نہیں ہیں۔ دوسری صورت میں بیٹے اور بیٹی دونوں پر یہ ذمہ داری عائد ہوتی ہے۔ اس سلسلے میں اولاد کے درمیان کوئی فرق نہیں ہے۔ یہ کام اس انداز سے انجام دیا جانا چاہئے کہ والدین کو کوئی تکلیف اور کسر شان محسوس نہ ہو۔
