سپریم لیڈر کے پیغام کا متن، جو اسلامی جمہوریہ ایران کی فوج کے کمانڈر جنرل بریگيڈیر موسوی کو بھیجا گيا، مندرجہ ذیل ہے:

بسمہ تعالی

بحر اطلس کی دریانوردی کے اہم مشن سے بحریہ کے 75ویں اسکواڈرن کی مقتدرانہ اور افتخار آمیز واپسی پر، جو ملک کی دریانوردی کی تاریخ میں پہلی بار انجام پایا، مبارکباد پیش کرتا ہوں۔

آج بحمد اللہ اسلامی جمہوریہ ایران کی فوج اپنے بابصیرت، غیور اور کبھی نہ تھکنے والے کارکنوں کے ساتھ میدان میں موجود ہے اور پرشکوہ اسلامی انقلاب کے اعلی اہداف کی راہ میں مجاہدت کے لیے تیار ہے۔ ان توانائيوں کی حفاظت کیجیے اور انھیں پروان چڑھائيے۔ اس اسکواڈرن کے کمانڈر اور ایک ایک عزیز کارکن نیز تمام متعلقہ افراد تک میری جانب سے شکریہ اور قدردانی پہنچائیے۔