اے پالنے والے! تجھے محمد و آل محمد کے حق کا واسطہ! اپنا لطف و کرم اور رحمت اور آج ہمارے ان بھائيوں کو ان کی حاجات عطا کر دے۔ ان عزیزوں کو اور اس حقیر کو اس مبارک مہینے میں بالخصوص شبہائے قدر میں روز افزوں لطافت و پاکیزگی کی توفیق عطا کر۔
امام خامنہ ای
قرآن کی تلاوت سننا ضروری امر ہے، وقت گزاری کا ذریعہ نہیں۔ قرآن کی تلاوت سننے سے رحمت پروردگار کے نزول کا راستہ ہموار ہوتا ہے اور یہ انسان کو رحمت خداوندی سے آشنا کرانے والے سب سے اہم ذرائع میں سے ایک ہے۔
امام خامنہ ای
23 مارچ 2023
اے پروردگار! محمد و آل محمد کے صدقے میں ہمیں اسلامی انقلاب کا قدرداں بنا۔ اے پروردگار! محمد و آل محمد کے صدقے میں ہمیں اس نظام کی تقویت کے لیے بہنے والے شہیدوں کے خون کا قدرداں بنا۔
اگر ہم مسلسل خود کی نگرانی نہیں کر سکتے اور اپنی ذات کی تعمیر نہیں کر سکتے تو کم از کم رمضان کے مہینے کو غنیمت سمجھیں۔ ماہ رمضان میں حالات سازگار ہوتے ہیں۔ ان میں سے ایک سب سے بڑی چیز یہی روزہ ہے جو آپ رکھتے ہیں۔ یہ اللہ کی سب سے بڑی توفیقات میں سے ایک ہے۔
امام خامنہ ای
23/02/1993
اے پروردگار! محمد و آل محمد کا واسطہ قرآن سے ہمارے رابطے، ہمارے قلبی رابطے اور روزمرہ کے رابطے میں روز بروز اضافہ کر۔ ہمیں قرآن کی برکتوں سے، قرآن کی نعمتوں سے اور قرآن کے رزق سے بہرہ مند کر۔
بحمدللہ ملت ایران ان برسوں کے دوران انقلاب کی کامیابی سے آج تک ایک راہ مستقیم پر آگے بڑھی ہے اور یہ راہ مستقیم، اسلامی اصول اور بنیادوں پر ثابت قدم رہنے کا راستہ ہے، ملت ایران کوئی جمود کی شکار قوم بھی نہیں ہے، عصری تقاضوں کو سمجھتی ہے، صاحب علم ، صاحب تحقیق، صاحب فکر اور صاحب فہم ہے، ہماری ملت اس طرح کی ہے، ہر دور اور ہر زمانے کے اپنے تقاضے ہوتے ہیں اور ہماری ملت نے ان تقاضوں کے مطابق عمل کیا ہے، ملت نے بحمداللہ اپنی پیش قدمی کو جاری رکھا ہے یہ راہ کمال کی راہ اور ارتقا کی راہ ہے۔ ہم اس بات کے دعویدار نہیں ہیں کہ اس انقلاب کے اعلی مقاصد یعنی حقیقی اسلامی معارف تک پہنچ چکے ہیں؛ نہیں! لیکن اس راہ میں آگے بڑھ رہے ہیں، آگے کی طرف گامزن ہیں۔
امام خامنہ ای
19/ ستمبر/۲۰۰۸
رمضان کا مہینہ ایک غیر معمولی موقع ہے۔ یہ معمولی بات نہیں ہے کہ رسول اکرم صلی اللہ علیہ و آلہ و سلم اس مہینے کو خدا کی ضیافت کا مہینہ قرار دیں۔ کیا یہ بات ممکن ہے کہ انسان کسی کریم کے دسترخوان پر پہنچے اور وہاں سے محروم اور خالی ہاتھ لوٹ آئے؟
حقیقی محروم وہ ہے جو رمضان کے مہینے میں اللہ کی مغفرت حاصل نہ کر پائے۔
امام خامنہ ای
27/04/1990
اے پروردگار! ہم تجھے مہدئ موعود کی اور اس ذات کی جس کی برکت سے مخلوقات کو روزی دی جاتی ہے اور جس کے وجود کی وجہ سے زمین اور آسمان قائم ہیں، قسم دیتے ہیں کہ ملک کے تمام نوجوانوں کو، ایران کی پوری عظیم قوم کو اپنے لطف و کرم کے سائے میں محفوظ رکھ۔
امام خامنہ ای
رمضان کا مہینہ، ایک مبارک مہینہ ہے۔ رمضان کی برکتیں، اس مہینے میں اللہ کی دعوت میں شرکت کا ارادہ رکھنے والے مسلمان افراد سے شروع ہوتی ہیں، دلوں سے شروع ہوتی ہیں۔ اس مہینے کی برکتوں سے بہرہ مند ہونے والی سب سے پہلی حقیقت، اس مقدس مہینے میں داخل ہونے والے دل و جان، مومنین اور روزہ دار ہیں۔
امام خامنہ ای
24/12/1997
برسوں سے دشمن محاذ گلا پھاڑ رہا ہے کہ ہم اسلامی جمہوریہ کو گھٹنوں پر لانا چاہتے ہیں، اس کے مقابلے میں انقلاب کی قیادت کہتی ہے کہ تم کچھ بگاڑ نہیں سکتے، یہ گھسی پٹی بات نہیں ہے، یہ استقامت ہے۔
پہلی رمضان المبارک سنہ 1444 ہجری قمری کو 'قرآن سے انس' کے عنوان سے روحانی نشست کا 23 مارچ 2023 کو انعقاد ہوا جس میں قاریان قرآن اور قرآن کے میدان میں مختلف پہلوؤں سے کام کرنے والے افراد نے شرکت کی۔ اس موقع پر رہبر انقلاب اسلامی نے اپنے خطاب میں قرآن اور تلاوت قرآن سے متعلق اہم نکات بیان کئے۔ (1)
خطاب حسب ذیل ہے؛
رہبر انقلاب اسلامی آيت اللہ العظمی سید علی خامنہ ای نے جمعرات کی شام ماہ مبارک رمضان کے پہلے دن اور قرآن مجید سے انس کی نورانی محفل میں جو ملک کے کچھ ممتاز قاریوں، قرآن کے اساتذہ اور قرآن کے سلسلے میں کام کرنے والے افراد کی شرکت سے منعقد ہوئي، قرآنی مفاہیم و مضامین کو سامعین تک منتقل کرنے اور ان پر اثر ڈالنے کے لیے قرآن کی تلاوت کی محفلوں میں آيتوں کے ترجمے اور تفسیر کو پیش کیے جانے پر زور دیا اور قرآن کے ماہرین اور قرآن کے سلسلے میں کام کرنے والوں کو اس اہم مسئلے کی مختلف راہیں تلاش کرنے کے لیے کوشش کرنے کی سفارش کی۔
بعض ملکوں نے ڈالر پر انحصار کرنا چھوڑ دیا تو ان کی حالت بہتر ہو گئی۔ جو ممالک مغرب کی پابندیوں کا نشانہ بنے ان کا رابطہ سوئیفٹ سے کٹ گیا جو ایک مغربی نیٹ ورک ہے۔ انہوں نے ڈالر کو کنارے رکھا اور مقامی کرنسی میں کاروبار شروع کیا، ان کے حالات بہتر ہو گئے، یہ ہمیں بھی کرنا چاہئے۔
امام خامنہ ای
21 مارچ 2023
سالہائے گزشتہ کی طرح اس سال بھی ماہ مبارک رمضان کے پہلے دن رہبر انقلاب اسلامی کی موجودگي میں قرآن مجید سے انس کی محفل منعقد ہوگي۔
یہ پروگرام، جو 23 مارچ کو ایران کے وقت کے مطابق ساڑھے تین بجے شام کو ملک کے بعض ممتاز قاریوں اور قرآن کے سلسلے میں کام کرنے والے افراد کی شرکت سے ہوگا۔
پروگرام امام خمینی امام بارگاہ میں منعقد ہوگا جسے ویب سائٹ KHAMENEI.IR اور اسلامی جمہوریہ ایران کے ریڈیو اور ٹی وی کے چینلوں سے براہ راست نشر کیا جائے گا۔
آپ کون سے ایسے ملک اور انقلاب کو جانتے ہیں جو دنیا کے ملکوں کے شدید حملوں کے سامنے برسوں ثابت قدمی سے ڈٹا رہا؟ ملت ایران دشمن کی سازشوں جیسے بغاوت، پابندیوں اور تشہیراتی حملوں کے طویل سلسلے کے سامنے مضبوطی سے کھڑی ہے۔
امام خامنہ ای
21 مارچ 2023
رہبر انقلاب اسلامی آيت اللہ العظمی سید علی خامنہ ای نے نئے ہجری شمسی سال کے پہلے دن مشہد مقدس میں امام رضا علیہ السلام کے روضۂ اقدس میں زائرین اور مقامی لوگوں کے ایک بڑے اجتماع سے خطاب کرتے ہوئے مضبوط پہلوؤں کی تقویت اور کمزور پہلوؤں اور خامیوں کے خاتمے جیسی تبدیلی کو ملک کی بنیادی ضرورت بتایا۔
رہبر انقلاب اسلامی آیت اللہ العظمی خامنہ ای نے 21 مارچ 2023 کو مشہد مقدس میں فرزند رسول حضرت امام رضا علیہ السلام کے روضہ اقدس میں اپنے خطاب میں، تبدیلی کے موضوع پر گفتگو کی کہ دشمن کیا تبدیلی چاہتا ہے اور رہبر انقلاب کے مد نظر کون سی تبدیلی ہے، آپ نے اپنے خطاب میں اسلامی جمہوریہ کی مختلف میدانوں میں حاصل ہونے والی پیشرفت کا جائزہ لیا اور سال نو کے نعرے اور نام کے تناظر میں اہم سفارشات کیں۔(1)
خطاب حسب ذیل ہے:
امیرالمومنین کی سیاسی روش کی ایک خصوصیت یہ تھی کہ وہ لوگوں سے تکلفاً نہیں بلکہ سنجیدگی سے کہتے تھے کہ کوئی ان سے خوشامدانہ لہجے میں بات نہ کرے، چاپلوسی نہ کرے، دکھاوا نہ کرے ... ان کا یہ جملہ بہت مشہور ہے: "فلا تکلمونی بما تکلم بہ الجبابرۃ" جس طرح تم بادشاہوں اور جابروں سے بات کرتے ہو، اس طرح مجھ سے بات نہ کرو۔ "ولا تتحفظوا منی بما یتحفظ بہ عند اھل البادرۃ" یہ جو تم خیال رکھتے ہو کہ فلاں بادشاہ کو کہیں یہ بات بری نہ لگ جائے، ناگوار نہ گزرے اور اسی خیال سے کچھ باتیں نہیں کہتے ہو اور کچھ باتوں کا خیال رکھتے ہو، میرے سامنے اس طرح کا کام نہ کرو۔ "ولاتخالطونی بالمصانعۃ و لا تظنوا بی استثقالا فی حق قیل لی" تم یہ نہ سوچو کہ اگر تم نے سچ بات کہہ دی تو علی کو وہ بات بری لگ سکتی ہے، ایسا نہیں ہے۔ یہ بھی امیرالمومنین علیہ السلام کی سیاسی روش کی ایک خصوصیت ہے۔
امام خامنہ ای
10/9/2009
نئے ہجری شمسی سال 1402 (21 مارچ 2023 الی 19 مارچ 2024) کے آغاز پر رہبر انقلاب اسلامی آیت اللہ العظمی خامنہ ای نے حسب معمول پیغام نوروز جاری کیا جس میں آپ نے ختم ہونے والے سال کے اہم واقعات کا سرسری جائزہ لیا اور نئے سال کے اہم اہداف اور کلیدی نعرے پر روشنی ڈالی۔
پیغام حسب ذیل ہے:
آغاز سال پر ایرانی نوروز اور اس موسم بہاراں کی عید کے تعلق سے کچھ نکات ہیں۔ ایک نکتہ اس قومی و ملّی عید کے ذکر و دعا و مناجات و روحانیت سے آمیختہ ہونا ہے۔
امام خامنہ ای
سوال: فٹبال جیسے کھیلوں میں کھلاڑیوں کا ایک دوسرے سے ٹکرانا تقریبا ناگزیر ہوتا ہے اور نہ چاہتے ہوئے بھی دوسرے کھلاڑی کے جسم کو نقصان پہنچتا ہے اور اس کے جسم کا کوئي حصہ لال یا کالا ہو جاتا ہے یا اس سے بھی بری چوٹ پہنچتی ہے۔ جب کھلاڑی اس بات کو جانتے ہوئے بھی کھیل میں حصہ لیتے ہیں تو چوٹ لگنے کی صورت میں کیا دوسرے کھلاڑی پر دیت واجب ہے؟
جواب: فطری طور پر اور رائج حد تک چوٹ لگنے کی صورت میں دیت نہیں ہے لیکن اگر جان بوجھ کر چوٹ پہنچائي گئي ہے تو دیت دینی ہوگي۔
اے اللہ حضرت علی بن موسیٰ پر درود بھیج جو صاحب رضا، پسندیدہ، امام، پارسا، پاکیزہ ہیں اور ہر اس چیز پر تیری حجت ہیں جو زمین پر اور زمین کے نیچے ہے۔
امام خامنہ ای
عشرۂ فجر میں جو چیز لازمی ہے وہ دو شکریے ہیں: پہلا، اللہ کا شکر۔ پورے خضوع کے ساتھ، مکمل تواضع کے ساتھ ہم بارگاہ الہی میں سرجھکاتے ہیں کہ اس نے ایرانی قوم کو یہ توفیق عطا کی، یہ عظیم اقدام، یہ بڑا کام، یہ تاریخ رقم کرنے والی تحریک ایرانی قوم کے ہاتھوں اور امام خمینی رحمت اللہ علیہ کی قیادت میں تشکیل پائي، ایرانی قوم کا سفر اللہ کی جانب، الہی اہداف کی جانب اور الہی اقدار کی جانب شروع ہوا۔ اس سے بڑی کوئي نعمت نہیں ہے اور اس عظیم نعمت پر اللہ کا شکر ادا کرنا، ہمیشہ ضروری ہے اور عشرۂ فجر کے ایام میں تو زیادہ ضروری ہے۔ دوسرا شکریہ، ایرانی قوم کا شکریہ ہے، لوگوں نے وفاداری دکھائي، جوانمردی کا مظاہرہ کیا، قربانیاں دیں، ایثار سے کام لیا، شجاعت کا مظاہرہ کیا، بصیرت سے کام لیا ... یہ پودا، تمام تر خطروں، تمام تر مشکلات کے باوجود روز بروز زیادہ تناور، زیادہ ثمردار اور زیادہ بالیدہ ہوتا گيا۔
امام خامنہ ای
1986/12/05
جو ممالک امریکہ کی پابندیوں کا نشانہ بنے ہیں وہ باہمی تعاون سے اور ایک مشترکہ بلاک تشکیل دے کر پابندیوں کے اس حربے کو مٹا دیں اور ایسا کرنا ممکن بھی ہے۔
امام خامنہ ای
13 مارچ 2023