اگر انھوں نے ہماری قوم کی سلامتی پر حملہ کیا تو بلاشبہ ہم بھی ان کی سلامتی پر حملہ کریں گے۔ یہ روش، قرآن سے ماخوذ ہے اور اسلام کا حکم ہے۔

فضائيہ اور فوج کے ائير ڈیفنس شعبے کے بعض کمانڈروں نے جمعہ 7 فروری 2025 کی صبح حسینیۂ امام خمینی میں رہبر انقلاب اسلامی آيت اللہ العظمیٰ سید علی خامنہ ای سے ملاقات کی۔

اے میرے معبود! مجھے اپنے دیدار سے سرور عطا فرما اس دن جب تو اپنے بندوں کے درمیان فیصلے کرے گا۔ (مناجات شعبانیہ کا ایک فقرہ)

تمام ائمہ اور نبی اکرم کے یوم ولادت اور اس یوم ولادت کے درمیان ایک بنیادی فرق ہے۔ اُن میں ساری توجہ، ماضی کی طرف ہے جبکہ اس میں نظر مستقبل پر ہے۔ اس کا کیا مطلب کی نظر مستقبل پر ہے؟ یعنی اس نظر میں دو چیزیں ایک ساتھ ہیں: ایک امید اور دوسری جدوجہد۔ جب نظر مستقبل پر ہوتی ہے تو اسے پہلی چیز جو حاصل ہوتی ہے وہ امید ہے اور دوسری چیز کوشش اور جدوجہد ہے۔ امام خامنہ ای 2/6/2015

اے میرے معبود تو نے مجھ پر احسان کیا کہ دنیا میں اپنے کسی بھی نیک بندے پر میرے گناہ ظاہر نہیں کیے، تو مجھے روز قیامت لوگوں کے سامنے رسوا نہ فرمانا۔ (مناجات شعبانیہ کا ایک فقرہ)

"نماز" حقیقی معنیٰ میں دین کا عمود یعنی ستون ہے۔ عمود اور ستون کا مطلب یہ ہے کہ اگر یہ نہ ہو چھت ڈھے جائے گي، عمارت، عمارت نہیں رہے گي، نماز یہ ہے۔ لہٰذا دین کا پورا ڈھانچہ نماز پر ٹکا ہوا ہے۔ کون سی نماز اس ڈھانچے کی حفاظت کرسکتی ہے؟ وہ نماز جو مطلوبہ خصوصیات کی حامل ہو۔ اگر یہ (کام) ہو گیا تو نمازوں کا معیار بہتر ہو جائے گا۔ حقیقت امر یہ ہے کہ ہماری نمازیں یا تو زیادہ تر معیار سے عاری ہوتی ہیں یا ان میں ضروری معیار نہیں ہوتا۔ ہمیں نماز کے اذکار کی گہرائیوں تک پہنچنا چاہیے۔ امام خامنہ ای 21 اگست 2016

میرے معبود! میں مرنے کے بعد تیرے حُسنِ توجہ سے کیسے مایوس ہوں گا جبکہ ایام حیات میں تو نے سوائے نیکی کے، میری سرپرستی نہیں فرمائی۔ (مناجات شعبانیہ کا ایک فقرہ)

​اے میرے معبود! گویا میں اپنا تمام تر وجود لے کر تیرے سامنے آ کھڑا ہوا ہوں جبکہ تیری ذات پر توکل کا سایہ مجھ پر چھایا ہوا ہے، تو نے وہی کیا جس کا تو ہی اہل ہے اور مجھے دامن عفو میں پناہ دی۔ (مناجات شعبانیہ کا ایک فقرہ)

ہمیں پورے وجود کے ساتھ اسلام کی راہ میں قدم بڑھاتے جانا چاہیے، ہم کو اپنا یہ ہدف نہیں بھولنا چاہیے کیونکہ استقامت کا مطلب ہے گمراہ نہ ہونا، اپنی راہ فراموش نہ کرنا اور سیدھے راستے کو گم نہ کرنا۔ یہ بات اس قدر حساس اور اہم ہے کہ خداوند متعال اپنے پیغمبر کو ان کی تمام تر عظمت کے ساتھ یہی نصیحت کرتا ہے: "فَاسْتَقِمْ كَمَآ اُمِرْتَ وَمَنْ تَابَ مَعَكَ" (تو اے رسول! جس طرح آپ کو حکم دیا گیا ہے، آپ خود بھی اور وہ لوگ بھی جنھوں نے (کفر و عصیان سے) توبہ کر لی ہے اور آپ کے ساتھ ہیں (راہِ راست پر) ثابت قدم رہیں۔ سورۂ ہود، آیت 112) پوری توجہ کے ساتھ راہ پر ڈٹے رہیں، راستہ گم نہ کریں اور غلط فہمی کا شکار نہ ہوں۔ امام خامنہ ای 5 دسمبر 1990

خدایا! اگر تو مجھے محروم کردے تو کون ہے جو مجھے رزق دے گا؟ اگر تو نے مجھے اکیلا چھوڑ دیا تو کون ہے جو میری مدد کرے گا؟ (مناجات شعبانیہ کا ایک فقرہ)