خدا کے ساتھ انسان کے رابطے کے لئے نماز سے مستحکم اور جاوداں کوئی اور وسیلہ نہیں ہے۔ سب سے معمولی انسانوں کا اپنے خدا کے ساتھ رابطہ نماز کے ذریعے ہی شروع ہوتا ہے۔ اور ممتاز ترین اولیائے خدا بھی اپنے نماز میں ہی اپنے محبوب کے ساتھ بہشت خلوت تلاش کرتے ہیں۔ ذکر و راز کا یہ بے بہا خرانہ کبھی ختم ہونے والا نہیں ہے۔ امام خامنہ ای 8 اکتوبر 1991

امام حسین (علیہ السلام) تمام انسانیت کے ہیں؛ ہم شیعہ فخر کرتے ہیں کہ ہم امام حسین کے پیروکار ہیں، لیکن امام حسین صرف ہمارے نہیں ہیں؛ اسلامی مکاتب فکر، شیعہ ہوں یا سنی، سبھی امام حسین کے زیر پرچم ہیں۔ اس عظیم (اربعین) مارچ میں یہاں تک کہ وہ لوگ بھی جو اسلام پر عمل نہیں کرتے، شرکت کرتے ہیں اور یہ سلسلہ جاری رہے گا ان شاء اللہ؛  یہ ایک عظیم نشانی ہے جو اللہ دکھا رہا ہے۔  امام خامنہ ای  18 ستمبر 2019

رسول اکرم صلی اللہ علیہ و آلہ و سلم کے اہلبیت علیہم السلام پوری تاریخ میں ایسے آفتاب فروزاں رہے ہیں جنھوں نے کرۂ ارض کی انسانیت کو عالم غیب اور عرش الہی سے متصل کیا۔ انہی میں سے ایک خورشید فروزاں اللہ کے فضل و کرم اور اس کے ارادے سے آج ہمارے زمانے میں بقیۃ اللہ فی ارضہ کے نام سے، حجۃ اللہ علی عبادہ کی حیثیت سے، صاحب الزمان اور اللہ کے مطلق ولی کی حیثیت سے روئے زمین پر موجود ہے۔ ان کے وجود کی برکتیں اور ان کے وجود سے نکلنے والے انوار، آج بھی انسان تک پہنچ رہے ہیں۔ امام خامنہ ای 24/11/1999

"اور مومن مرد اور مومن عورتیں یہ سب باہم یکرنگ و ہم آہنگ ہیں وہ بھلائی کا حکم دیتے ہیں اور برائی سے روکتے ہیں۔" (سورۂ توبہ، آیت 71) آيت بتاتی ہے کہ خداوند متعال کے نزدیک معنوی عروج کے مدارج میں عورت اور مرد یکساں ہیں۔ یعنی مطلق طور پر نہ یہ اس پر ترجیح رکھتا ہے اور نہ وہ اس پر ترجیح رکھتی ہے۔ امام خامنہ ای 27 دسمبر 2023

مرد کو قدر داں ہونا چاہئے۔ بعض گھریلو خواتین کام کاج کے لئے باہر جا سکتی تھیں، بعض اعلیٰ تعلیمات کے لیے باہر جا سکتی تھیں، بعض اعلی تعلیمات سے آراستہ بھی تھیں لیکن انھوں نے کہا کہ ہم اس بچے کی اچھی پرورش کرنا چاہتے ہیں اور اسی لیے ہم نے کام کے لئے باہر نہیں جانا چاہا۔ اس طرح کی خواتین کی قدر دانی ہونی چاہئے۔ امام خامنہ ای 4 جنوری 2012

سیاسی کاموں میں اور سیاسی گروہ بندیوں میں، جہاں آپس میں اختلاف نظر پایا جاتا ہے، ہر گروہ کا طریقہ کار الگ ہوتا ہے اور اس میں کوئی حرج بھی نہیں ہے (لیکن) تقوے کا خیال رکھنا لازم ہے، ہر شخص کو شرعی محرمات سے پرہیز کا پاس و لحاظ پوری سنجیدگی کے ساتھ کرنا چاہئے۔ اگر ایسا ہوا تو انشاء اللہ کام کا نتیجہ بھی خاطر خواہ ہوگا۔ امام خامنہ ای 07 مارچ 2024

اگر امریکا کی مدد نہ ہوتی تو کیا صیہونی حکومت میں اتنی طاقت اور جراَت تھی کہ غزہ کے محدود علاقے میں مسلمان عوام، عورتوں، مردوں اور بچوں کے ساتھ اس طرح وحشیانہ سلوک کرتی؟

شیعوں کا خصوصی امتیاز یہ ہے کہ وہ تمام الہی مذاہب کی جانب سے قطعی طور پر تسلیم شدہ اس موعود الہی کو اس کے نام، صفات، خصوصیات اور تاریخ ولادت کے ساتھ پہچانتے ہیں۔ ہماری بہت سی اہم شخصیات نے اسی غیبت کے زمانے میں اس عزیز، عاشقوں اور مشتاقوں کے دلوں کے محبوب کی قریب سے زیارت کی ہے۔ بہت سے لوگوں نے قریب سے ان سے بیعت کی ہے۔ ‏امام خامنہ ای 24/11/1999

اور جو کوئی خدا سے ڈرتا ہے، اللہ اس کے لئے (مشکل سے نجات کا) راستہ پیدا کر دیتا ہے، اور اسے وہاں سے رزق دیتا ہے جہاں سے اسے سان و گمان بھی نہیں ہوتا ہے۔ سورۂ طلاق، آيت 2 اور 3) تقویٰ اس بات کا سبب بنتا ہے کہ سبھی بند راستوں، خاص طور پر مسدود سماجی راستوں پر آپ کو نجات حاصل ہو جائے۔

شوہر و زوجہ گھر کے اندر نشاط و توانائي بحال کر سکتے ہیں اور زندگی کی راہیں طے کرنے کے لئے عزم و حوصلہ پیدا کر سکتے ہیں۔ انسانی جسم ہر وقت مضر اور خطرناک اسباب و وسائل سے برسر پیکار رہتا ہے اور اس مقابلے کے لئے بعض اوقات آرام و سکون لازم ہے۔ یہ ایک سفر اور ایک تحرک کام ہے اور آرام و سکون کا یہ نقطہ گھر کے اندر ہی میسر آتا ہے۔ امام خامنہ ای 28 مئی 2008