رہبر معظم کے فتوے کے مطابق نئے سال میں فطرے کی مقدار اور رقم کا اعلان
شرعی احکام کے مطابق ہر مکلّف انسان کو (جس پر دینی فرائض واجب ہوں) اپنے اور ان سبھی افراد کے لیے، جو اس کے نان خور ہیں، فی کس ایک صاع (تقریباً تین کلو) گیہوں، جو، کھجور، کشمش، چاول یا مکئي وغیرہ فطرے کے طور پر کسی مستحق کو دینا چاہیے اور اگر وہ ان میں سے کسی ایک کی نقد قیمت بھی فطرے کے طور پر دے تو کافی ہے۔
اسی بنیاد پر رہبر انقلاب اسلامی کی جانب سے اعلان کیا گيا ہے کہ رواں سال (1404 ہجری شمسی) کے لیے ایران میں رہنے والوں کے لیے گیہوں کے حساب سے فی کس فطرے کی رقم پچھتر ہزار تومان ہے۔
