طواف کا درس، توحید کے مرکز کے گرد چکر لگانا ہے۔ زندگی کے تمام معاملات کا محور توحید ہونا چاہیے۔

صفا و مروہ کے درمیان سعی ایک عبادت ہے لیکن اس کا ایک علامتی پیغام بھی ہے: زندگی کی مشکلات کے پہاڑوں کے درمیان مسلسل جدوجہد کیجیے، حرکت کیجیے۔

یہ تمام عبادتی کام جو حج میں ہیں، ان میں سے ہر ایک کا ایک علامتی پہلو ہے۔ ہر عمل کسی نہ کسی انسانی پہلو کی طرف اشارہ کرتا ہے۔  جیسے رمی جمرات (یعنی)  شیطان کو مارو، جہاں بھی ہو، جیسے بھی ہو، جہاں کہیں بھی شیطان نظر آئے، شیطان کو کچل دو۔

لوگوں سے گرمجوشی سے ملیے۔ عوام کے درمیان جائیے۔ ان کے اجتماعات میں شرکت کیجیے، ان کی باتیں سنیے، کبھی وہ تلخ باتیں کرتے ہیں، تحمل رکھیے۔ اس کے لیے مشق کی ضرورت ہے۔

احرام خدائے متعال کے سامنے عاجزی کا اظہار ہے، زندگی کے مختلف لباسوں، زیوروں اور آرائشوں کو ایک سادہ کپڑے میں بدل دینا۔ یہ کام حج میں موجود دنیا کا سب سے امیر شخص بھی کرے گا اور سب سے غریب فرد بھی، ان میں کوئی فرق نہیں۔ قانون یہی ہے: خدا کے سامنے تمام انسانوں کو یکساں کر دینا۔

امریکی صدر عرب ممالک کو ایک ماڈل پیش کرتے ہیں۔ یقیناً یہ ماڈل ناکام ہو چکا ہے۔ خطے کے عوام کی کوششوں سے امریکا کو اس علاقے سے نکلنا ہوگا، اور وہ نکلے گا بھی۔

امریکی فریق جو ان بالواسطہ مذاکرات میں گفتگو کرتے ہیں، بات کرتے ہیں، کوشش کریں کہ فضول باتیں نہ کریں۔ یہ کہ وہ کہیں کہ ہم ایران کو یورینیم کی افزودگي کی اجازت نہیں دیں گے، اوقات سے بڑھ کر بات کرنا ہے۔

صدر بننے کے بعد شہید رئیسی نے جو پہلا انٹرویو دیا تھا اس میں رپورٹر نے ان سے پوچھا کہ کیا آپ امریکا سے مذاکرات کریں گے؟ انھوں نے صاف کہا کہ نہیں۔ انھوں نے کہا: "نہیں" بغیر کسی ابہام کے، اور انھوں نے مذاکرات نہیں کیے۔

خطے کی اقوام کے عزم سے امریکا کو اس علاقے سے جانا ہی ہوگا اور وہ جائے گا اور صیہونی حکومت کو، جو اس علاقے کے لئے خطرناک کینسر اور مہلک ناسور ہے، یقینی طور پر اکھاڑ پھینکنا چاہیے اور ایسا ہو کر رہے گا۔

فلسطین کے مسئلے کو فراموش کرانے کی کوششیں کی جا رہی ہیں۔ ذہنوں کو فلسطین کے مسئلے سے ہٹنے نہیں دینا چاہیے۔