اگرچہ پیغمبر اکرم صلی اللہ علیہ و آلہ و سلم کی فطری اور الہی ہیبت تھی اور ان کی موجودگي میں لوگوں پر ان کا رعب طاری رہتا تھا لیکن وہ لوگوں کے ساتھ مہر و عطوفت اور خوش اخلاقی سے پیش آتے تھے۔ جب وہ لوگوں کے درمیان بیٹھے ہوتے تھے تو پہچانے نہیں جاتے تھے کہ وہ ان لوگوں کے پیغمبر، کمانڈر اور سردار ہیں۔ امام خامنہ ای 27 ستمبر 1991

رسول خدا صلی اللہ علیہ و آلہ و سلم کی عظیم شخصیت، تمام انبیاء و اولیائے الہی میں سب پر مقدم ہے اور ہم مسلمانوں کو آنحضرت کی پیروی کا حکم دیا گيا ہے؛ کہا گيا ہے: "و لکم فی رسول اللہ اسوۃ حسنۃ" (اور تم لوگوں کے لیے اللہ کے رسول کی ذات بہترین نمونہ تھی۔ سورۂ احزاب آيت 21) ہمیں پیغمبر کی اقتدا اور ان کی پیروی کرنی چاہیے۔ محض چند رکعت نمازوں کی ادائیگی میں نہیں بلکہ اپنے کردار میں، اپنی گفتار میں، اپنے رہن سہن میں، اپنے لین دین میں بھی ہمیں انہی کی پیروی کرنی چاہیے۔ اس لیے ہمیں ان کی شناخت حاصل کرنی چاہیے۔ 12  مئي 2000

اس مقصد کے لئے کہ انسان جب ماہ رمضان میں وارد ہو تو کھلی آنکھوں کے ساتھ وارد ہو، غافل نہ رہے، بلکہ ہمارے اور ‏آپ کے اندر اس کی آمادگی پیدا ہو جائے، رجب اور شعبان کے ان مہینوں کا انتظام کیا گیا ہے۔ رجب زیادہ سے زیادہ نمازوں ‏کا مہینہ ہے، شعبان زیادہ سے زیادہ دعاؤں اور روزے کا مہینہ ہے۔ ‏ امام خامنہ ای ‏ ‏4 اکتوبر 2004‏

دعا کی صرف یہ تاثیر نہیں کہ انسان اپنا دل اللہ کے قریب کر لیتا ہے، یہ تو حاصل ‏ہوتا ہی ہے اس کے ساتھ ہی اسے علم حاصل ہوتا ہے۔ دعا میں تعلیم بھی ہے اور تزکیہ بھی۔ ‏ امام خامنہ ای 19 جون 2006