قائد انقلاب اسلامي آيت اللہ العظمي سيد علي خامنہ اي نے جديد عالمي نظام کے ڈھانچے ميں اسلامي جمہوريہ ايران کي پوزيشن کے ارتقاء ميں ملک اکيڈمکس اور دانشور حضرات کے کردار کو کليدي اہميت کا حامل قرار دياـ
قائد انقلاب اسلامي نے اتوار کي شام يونيورسٹيوں کے سيکڑوں اساتذہ اور محققين سے خطاب کرتے ہوئے فرمايا کہ اس وقت دنيا ايک عبوري دور سے گزرتے ہوئے نئے سياسي، اقتصادي و سماجي ڈھانچے کي جانب گامزن ہےـ آپ نے اس عظيم تاريخي تبديلي ميں ملت ايران کي خاص اہميت کا ذکر کرتے ہوئے فرمايا کہ ملک کا دانشور طبقہ اس حساس تاريخي موڑ پر اپنے فرائض کي انجام دہي کے ساتھ جديد عالمي نظام ميں ايران کي پوزيشن کے ارتقاء ميں مددگار ثابت ہو سکتا ہےـ قائد انقلاب اسلامي نے گہرے عالمي تغيرات کے آثار و شواہد کي تشريح ميں اسلامي بيداري کي لہر کا ذکر کيا اور فرمايا کہ مختلف اسلامي اقوام ميں اسلامي تشخص کے احساس کي بيداري بڑي عظيم علامت ہے جو عالمي نظام اور ڈھانچے ميں پيدا ہونے والي تبديلي کي گہرائي کو واضح کرتي ہےـ قائد انقلاب اسلامي نے امريکا کي قيادت ميں مغرب کي جانب سے مغربي ايشيا کے علاقے پر اجارہ داري قائم کرنے کي کوششوں کي ناکامي کا حوالہ ديا اور اسے موجودہ تبديلي کے دور کا ايک اور ثبوت قرار ديتے ہوئے فرمايا کہ اس انتہائي اہم اور حساس علاقے پر قبضے ميں امريکا کي ناکامي جو عراق اور افغانستان پر غاصبانہ قبضے کے دوران آشکارا ہو گئي دنيا مين رونما ہونے والے گہرے تغيرات کي دوسري اہم علامت ہےـ قائد انقلاب اسلامي نے يورپ کے موجودہ بحران اور اس براعظم کے ممالک کے غير واضح مستقبل کا ذکر کرتے ہوئے فرمايا کہ اس علاقے کا بحران اسٹريٹيجي کي بھول کا نتيجہ نہيں بلکہ آئيڈيالوجي کي سطح پر بنيادي غلطي کا شاخسانہ ہےـ قائد انقلاب اسلامي نے دنيا ميں مسخ ہوچکي امريکي ساکھ کو بھي نئے عالمي نظام کي جانب دنيا کي پيش قدمي کي علامت قرار دياـ آپ نے فرمايا کہ امريکا دولت و سرمائے اور فوجي و غير فوجي ٹکنالوجي کے اعتبار سے پہلے نمبر کے ملک کي حيثيت سے کئي عشروں تک عالمي رائے عامہ ميں بڑي اچھي ساکھ کا مالک رہا ليکن آج اس ملک کي نہ صرف يہ کہ کوئي ساکھ نہيں رہ گئي ہے بلکہ عالمي رائےعامہ ميں اسے استبداد، زيادتي، ديگر اقوام کے امور ميں مداخلت اور جنگ پسندي کا مظہر سمجھا جاتا ہےـ قائد انقلاب اسلامي نے ان تغيرات ميں ملک کے دانشور طبقے کے انتہائي کليدي کردار کا حوالہ ديتے ہوئے فرمايا کہ محاذ حق کے لئے سعي و جفاکشي کے جذبے کي ترويج در حقيقت نرم جنگ کي قيادت کے مترادف ہے جس کي ذمہ داري دانشور برادري پر عائد ہوتي ہےـ قائد انقلاب اسلامي نے ديني جمہوريت، روحانيت پر استوار تمدن اور سماجي، سياسي و اقتصادي شعبوں ميں دين و زندگي کي آميزش کو دنيا کي اقوام کے لئے ملت ايران اور اسلامي نظام کا جديد پيغام قرار ديا اور فرمايا کہ مغرب کي دھمکيوں، جنگ پسندي، ٹارگٹ کلنگ، قتل عام اور تفرقہ انگيزي کي پاليسيوں کے جواب ميں ايران کے دانشور طبقے اور اعلي حکام استقامت کر رہے ہيں جس کي وجہ سے اس ملک کو خاص اہميت حاصل ہو گئي ہےـــــــ