اے پروردگارا! ایرانی قوم پر اپنی نصرت نازل کر۔ پالنے والے! اپنی نصرت امت اسلامیہ پر نازل کر۔ اے پروردگار! دنیائے اسلام میں فتنہ پھیلانے والوں کو ذلیل و خوار کر دے۔ امام خامنہ ای 

اے پروردگار! محمد و آل محمد کا صدقہ ان عوام کی حاجات کو، جنھوں نے دعا و مناجات کی نشسشتوں میں دعائیں مانگیں یا دل ہی دل میں دعائیں مانگیں، اپنے لطف و کرم سے روا فرما۔ امام خامنہ ای 

پالنے والے! ہمیں اپنے لطف سے، اپنی بخشش اور اپنی مغفرت سے محروم نہ کر۔ ہمارے گناہوں کو معاف کر دے۔ ہماری خلاف ورزیوں اور ہمارے اسراف و زیادہ روی کو بخش دے۔ امام خامنہ ای

اے پروردگار! ہم تجھے محمد و آل محمد کی قسم دیتے ہیں کہ ہمارے ملک میں ہمارے شہیدوں کی یاد کو روز بروز مزید زندہ کر دے۔ اے پالنے والے! ہمارے ملک میں شہیدوں کی عزت اور شہدا کے اہل خانہ کی عزت میں روز بروز اضافہ کر۔ امام خامنہ ای

اے پالنے والے! تجھے محمد و آل محمد کے حق کا واسطہ! اپنا لطف و کرم اور رحمت اور آج ہمارے ان بھائيوں کو ان کی حاجات عطا کر دے۔ ان عزیزوں کو اور اس حقیر کو اس مبارک مہینے میں بالخصوص شبہائے قدر میں روز افزوں لطافت و پاکیزگی کی توفیق عطا کر۔ امام خامنہ ای

اے پروردگار! محمد و آل محمد کے صدقے میں ہمیں اسلامی انقلاب کا قدرداں بنا۔ اے پروردگار! محمد و آل محمد کے صدقے میں ہمیں اس نظام کی تقویت کے لیے بہنے والے شہیدوں کے خون کا قدرداں بنا۔ امام خامنہ ای

اے پروردگار! محمد و آل محمد کا واسطہ قرآن سے ہمارے رابطے، ہمارے قلبی رابطے اور روزمرہ کے رابطے میں روز بروز اضافہ کر۔ ہمیں قرآن کی برکتوں سے، قرآن کی نعمتوں سے اور قرآن کے رزق سے بہرہ مند کر۔

اے پروردگار! اپنے لطف، رحمت اور ہدایت کو ہمارے جوانوں کے شامل حال کر دے۔ حق کے سیدھے راستے پر ان کے قدموں کو جمائے رکھ۔ امام خامنہ ای 

اے پروردگار!  ہم تجھے مہدئ موعود کی اور اس ذات کی جس کی برکت سے مخلوقات کو روزی دی جاتی ہے اور جس کے وجود کی وجہ سے  زمین اور آسمان قائم ہیں، قسم دیتے ہیں کہ ملک کے تمام نوجوانوں کو، ایران کی پوری عظیم قوم کو اپنے لطف و کرم کے سائے میں محفوظ رکھ۔ امام خامنہ ای

اے پروردگار! ہم سب کا، ہماری زندگي کا اور ہماری عمر کا انجام نیک قرار دے۔ مجھ حقیر کی اور جو بھی متمنی ہے اس کی زندگي کا آخری زینہ، شہادت قرار دے۔