حالیہ بارہ روزہ جنگ کے شہیدوں کے بعض اہل خانہ، بعض جہادی کارکنوں، بعض مزاحمتی شخصیات اور ایران ہمدل کیمپین میں شرکت کرنے والے بعض افراد نے اس پروگرام میں شرکت کی۔
اس پروگرام میں رہبر انقلاب اسلامی کے دفتر کے انچارج حجت الاسلام و المسلمین محمدی گلپایگانی نے ایرانی قوم کے جذبۂ ایثار و ہمدلی کو سراہتے ہوئے، مظلوموں کی حمایت میں آيت اللہ العظمیٰ خامنہ ای کے مرکزی کردار کی طرف اشارہ کیا۔
اسی طرح حزب اللہ لبنان کے سیکریٹری جنرل شیخ نعیم قاسم نے اس پروگرام کے نام ایک ویڈیو پیغام میں رہبر انقلاب، ایرانی قوم اور حکومت کی جانب سے مزاحمت کی حمایت کا شکریہ ادا کیا۔
