امریکا ایسے ملک کو پسند کرتا ہے جو پوری طرح سے اس کا فرمانبردار ہو، جو صیہونیوں کے مفادات کی تکمیل کرے، جس میں کسی ڈکٹیٹر کی حکمرانی ہو ...

کوئي بھی امیر المومنین سے اپنا موازنہ نہیں کر سکتا لیکن سبھی اس چوٹی کی سمت آگے بڑھ سکتے ہیں۔ امیر المومنین، معیار ہیں۔ امام خامنہ ای 21 مارچ 2001

اگر نسلیں، اپنے ذہنی اور فکری نتائج بعد کی نسلوں تک منتقل کرنا چاہتی ہیں اور معاشرہ اپنے ماضی سے فائدہ اٹھانا چاہتا ہے تو یہ صرف گھر اور خاندان کے ساتھ ممکن ہے۔ گھر کے ماحول میں ہی سب سے پہلے ایک انسان کی پوری شخصیت اس معاشرے کی تہذیبی بنیادوں پر شکل اختیار کرتی ہے اور یہ ماں باپ ہی ہیں جو بالواسطہ طور پر کسی بھی قسم کے تصنع کے بغیر بالکل قدرتی انداز میں انسان کے ذہن وفکر و عمل پر اثر مرتب کرتے اور اپنی معلومات، عقائد اور مقدسات وغیرہ اپنے بعد کی نسلوں تک منتقل کرتے ہیں۔ امام خامنہ ای 4 جنوری 2001

امیر المومنین کا اسلام، وہ اسلام ہے جس میں ذکر، جذبہ، شادابی، تحرک، تعمیر نفس، جہاد، ایثار اور قربانی ہے۔ امام خامنہ ای 21 مارچ 2001

امیرالمومنین علیہ السلام کا سیاسی طرز عمل ان کے معنوی و اخلاقی طرز عمل سے الگ نہیں ہے۔ امیرالمومنین کی سیاست، روحانیت و اخلاقیات سے آمیختہ ہے بلکہ یہ (سیاست) علی کی معنویت و روحانیت اور ان کے اخلاق سے ہی ماخوذ ہے۔ امام خامنہ ای 11 ستمبر 2009

انقلاب سے پہلے امریکا کی پسند یہ تھی کہ ایران اس کا تابع فرمان رہے، امریکی اور صیہونی حکومت کے مفادات کی پاسبانی کرے۔ وہ ایران کے لیے یہ آرزو رکھتے تھے، آج بھی ان کی یہی تمنا ہے۔ کارٹر اسی امید کے ساتھ قبر میں پہنچ گئے اور یہ لوگ بھی اپنی یہ آرزو قبر میں لے کر جائیں گے۔

امام زمانہ عجل اللہ تعالی فرجہ الشریف کے ظہور کے زمانے سے انسان کی حقیقی حیات، اور اس عظیم انسانی خاندان کی حقیقی سعادت شروع ہوگي۔ اس کرۂ خاکی کی برکتوں، صلاحیتوں اور توانائیوں سے استفادہ، انسان کے لیے بغیر کسی ضرر کے، بغیر کسی نقصان کے، بغیر کسی تضییع کے اور بغیر کسی تباہی کے ممکن ہوگا۔ امام خامنہ ای 14/3/2001

امت اسلامیہ کے درد و رنج کے اسباب بہت ہیں۔ جب ہم تفرقے کا شکار ہوں، جب ایک دوسرے کے ہمدرد و نہ ہوں جب ہم حتیٰ ایک دوسرے کے بدخواہ بن گئے ہوں تو پھر اس کا نتیجہ یہی ہے۔ قرآن فرماتا ہے: "اور اللہ اور اس کے رسول کی اطاعت کرو اور آپس میں جھگڑا نہ کرو ورنہ کمزور پڑ جاؤگے اور تمھاری ہوا اکھڑ جائے گی۔" (سورۂ انفال، آيت 46) جب تم اختلاف کا شکار ہوئے تو فطری طور پر خاک میں مل جاؤگے، ذلیل ہو جاؤگے، اپنے اوپر غیروں کے تسلط کی راہ ہموار کر دوگے۔ تفرقے اور اختلاف  کا نتیجہ یہی ہے۔ امام خامنہ ای 14 اکتوبر 2022

پیغمبر اسلام کی بعثت کا ایک بہت ہی اہم خزانہ، جس کی طرف افسوس کہ زیادہ توجہ نہیں دی جاتی، اپنے بدخواہوں کے مقابل اٹل اور ناقابل رسوخ ہونا ہے۔ انسانی معاشروں کو جو چوٹیں پہنچی ہیں، ان میں سے ایک ان کے دشمنوں کا ان کے درمیان اثر و رسوخ پیدا کرلینا ہے جس کا ذکر اس آیت "اشداء على الكفار" میں موجود ہے، "اشداء" عمل میں سختی کے معنی میں نہیں ہے، اشداء یعنی سخت ہونا، مضبوط و مستحکم ہونا، ناقابل رسوخ ہونا، اشداء کا یہ مطلب ہے۔ "اشداء على الكفار" یعنی کفار کو اجازت نہ دینا کہ وہ معاشرے میں اثر و رسوخ پیدا کریں۔ امام خامنہ ای 18 فروری 2023

آج آمریکہ شام میں  چھاونیاں بنانے میں لگا ہوا ہے، لیکن یہ چھاونیاں یقینا شامی جوانوں کے پیروں تلے روند دی جائیں گی۔   امام خامنہ ای 1 جنوری 2025