دعائے مکارم اخلاق میں ایک جملہ ہے جس میں ہم خداوند متعال سے التجا کرتے ہیں کہ "پروردگار! مجھے صالحین کے زیور سے مزین کر دے اور پرہیزگاروں کے لباس سے آراستہ کردے۔" تو یہ پرہیزگاروں کا لباس کیا ہے؟ اس وقت یہ دلچسپ شرح دیکھنے کو ملتی ہے: پرہیزگاروں کا لباس، عدل و انصاف قائم کرنا ہے، اور غصے کو پی جانا ہے، آپس میں آگ بھڑکانے، اِدھر کی اُدھر لگانے، اِن کو اُن کا دشمن بنانے اور اِن کے اُن کے راز برملا کرنے کے بجائے آپس میں اصلاح کریں، مومن بھائیوں کے درمیان، برادران اسلامی کے درمیان مصالحت اور اخوت پیدا کریں، یہ سب تقویٰ ہے۔ امام خامنہ ای 18 اگست 2010

آج ہماری مشکل تفرقہ آرائی ہے جبکہ قرآن نے تفرقہ آرائی سے منع کیا ہے، (اے صاحبان ایمان!) ان لوگوں کی طرح نہ ہو جانا جنھوں نے تفرقہ پھیلایا اور اختلاف کیا۔ (سورۂ آل عمران، آیت 105) اس کے باوجود، ملت اسلامیہ اور امت اسلامی تفرقہ کا شکار ہے، ٹھیک ہے مختلف عقائد پائے جاتے ہیں اور مختلف مذاہب کا وجود ہے، ذوق اور پسندیں مختلف ہیں، اچھا تو ہوا کریں ... یہ ذوق اور پسند کا اختلاف اس بات کا باعث نہ بنے کہ ہم امت اسلامیہ کے اتحاد کی عظیم نعمت سے محروم ہوجائیں۔ آج اگر امت اسلامیہ ، جس کی آبادی تقریبا دو ارب ہے، با ہم متحد و متفق ہوتی تو اسلامی ملکوں کو کہیں زیادہ خیر و فلاح کی نعمتیں ہاتھ آسکتی تھیں۔ امام خامنہ ای 22 اپریل 2023

ظلم و ستم، امتیازی سلوک اور توہین و تحقیر ہر حال میں غلط ہے، اگر آپ دنیا کے اعلیٰ ترین مرد ہوں اور آپ کی بیوی، بالفرض تعلیم اور معلومات کے لحاظ سے ایک کم علم خاتون ہوں یا ایک نچلے خاندان اور طبقے سے تعلق رکھتی ہوں تب بھی آپ کو اپنی بیوی پر معمولی ترین ظلم اور اس کی اہانت کا حق نہیں ہے۔ بیوی بھی اسی طرح ہے، بعض اوقات ایک پڑھی لکھی لڑکی جو اعلی تعلیم یافتہ طبقے سے تعلق رکھتی ہے اور مثال کے طور پر ایک ادنیٰ طبقے کے مزدور سے شادی کرلیتی ہے تو وہ بھی شوہر کی توہین کا حق نہیں رکھتی، شوہر بہرحال اس کے لیے سہارا ہے، اس کو اس پر تکیہ کرنا چاہیے۔ امام خامنہ ای 12 مارچ 2000

جس دن پتہ چل جائے گا کہ عالمی استکبار کی مادی قوتوں کے مقابل ایسی زمین فراہم ہے کہ افراد بشر اپنی حق بات پر ثابت قدم رہ سکتے ہیں، وہ وہی دن ہوگا جب عالم بشریت کو نجات دینے والا پروردگار کے فضل سے ظہور کرے گا اور اس کا پیغام تیار ہوگا اور اس دن ستمگر اور منہ زور قوتیں، حقیقت کو چھپانے کی جرات نہیں کرسکیں گی۔ امام خامنہ ای 24/11/1999

دشمنان اسلام نے ہمیشہ چاہا ہے کہ وہ مسلمانوں کے دل کو بے چین و مضطرب کر دیں۔ تاریخ اسلام کے طویل دور میں ایسے بہت سے مواقع پیش آئے ہیں۔ اسلام سے پہلے بھی انبیا کے عظیم جہادی اقدامات کے وقت ہمارے نبی اکرم (ص) سےقبل، وہ مومنین جو اپنے ایمان پر ثابت قدم رہنے میں کامیاب رہے۔ انھوں نے روحانی سکون پالیا۔ اس روحانی سکون نے ان میں تشویش پیدا نہیں ہونے دی، بے چینی نہیں آئی، وہ راستے سے منحرف نہیں ہوئے، کیونکہ تشویش اور اضطراب کے عالم میں بدحواسی کے سبب صحیح راہ پر چلنا مشکل ہو جاتا ہے۔ خدا کی یاد ہے جو دنیا کے طوفانی حادثوں میں زندگی کی حفاظت کرتی ہے، خدا کی یاد کو غنیمت سمجھیے۔ امام خامنہ ای 19 جون 2009

کوئی دن ایسا نہیں گزرے کہ آپ قرآن نہ کھولیں اور قرآن کی تلاوت (یا سماعت) نہ فرمائیں، قرآن کا سننا اول تو ایمان کے سبب ایک فریضہ ہے، دوسرے یہ کہ رحمت الہی کی راہ ہموار کرتا ہے۔ قرآن مجید میں ارشاد ہوتا ہے: اور (اے مسلمانو!) جب قرآن پڑھا جائے تو کان لگا کر (توجہ سے) سنو اور خاموش ہو جاؤ تاکہ تم پر رحمت کی جائے۔ (سورۂ اعراف، آیت 204) یعنی قرآن کا سننا رحمت پروردگار کے دروازے کھول دیتا ہے۔ امام خامنہ ای 23 مارچ 2023

مسلم اقوام اس بات کی اجازت نہ دیں کہ فلسطین کو بھلا دیا جائے۔ امام خامنہ ای 10 مئی 2025

میاں بیوی جس وقت گھر میں آتے ہیں تو ان کا دل چاہتا ہے کہ گھر ان کو آرام و سکون، امن و امان اور راحت و آسودگی کا احساس عطا کرے، دونوں ایک دوسرے سے توقع رکھتے ہیں کہ کاش ماحول کو شاد و شاداب، زندگی کے لائق اور تھکن دور کردینے کے قابل بنادیں، یہ توقع بالکل بجا ہے، بےجا نہیں ہے کہ دونوں ایک دوسرے سے اس طرح کی توقع رکھیں۔ میاں بیوی کو ایک دوسرے کے لیے آرام و سکون کا ذریعہ ہونا چاہیے، آپ دونوں افراد کے لیے گھر امن و امان اور راحت و سکون کا مقام ہونا چاہیے۔ امام خامنہ ای 09 جون 2004

بارگاہ قدس الہی میں ناپاک دلوں کو راہ نہیں ملتی، طہارت لازم ہے۔ اگر دل نے خود کو خدا کی یاد سے، معرفت سے معطر و مزین کر لیا بلاشبہ الہی استجابت اس کو میسر ہو جائے گی۔ مجھ سے دعا مانگو، میں مستجاب کروں گا۔ (سورۂ غافر، آيت 60) کوئی بھی دعا نہیں جو مستجاب نہ ہو، قبولیت کا یہ مطلب نہیں ہے کہ انسان کی خواہش پوری ہی ہو جائے گی، ممکن ہے پوری ہوجائے یا ممکن ہے کسی سبب، مصلحت یا موجبات کے تحت پوری نہ ہو لیکن الہی استجابت یقینی ہے، الہی استجابت وہی خدا کا جواب، توجہ اور التفات ہے۔ امام خامنہ ای 9 جولائی 2000

وہ قوانین جو آنکھوں کے سامنے ہیں، سب کی سمجھ میں آتے ہیں لیکن ایسے بھی قوانین ہیں کہ سب ان کو سمجھنے کی توانائی نہیں رکھتے۔ حقیقت یہ ہے کہ پورے کا پورا قرآن ان قوانین کے بیان سے بھرا پڑا ہے۔ یقیناً اللہ پرہیزگاروں کے ساتھ ہے۔ (سورۂ بقرہ، آیت 194) اور جو کوئی جہاد کرتا ہے تو وہ اپنے ہی لیے جہاد کرتا ہے۔ (سورہ عنکبوت، آیت 6) اور اسی طرح کی دوسری آیات۔ یہ سب بھی قانون ہیں۔ اور اللہ سے بڑھ کر کون بات کا سچا ہے؟ (سورۂ نساء، آیت 122) کون ہے جو سب زیادہ سچا ہے؟ خدا کہتا ہے یہ قانون ہے۔ امام خامنہ ای 28 جون 2022