حسینیۂ امام خمینی میں بدھ کو آٹھ محرم کی شب کی مجلس عزا منعقد ہوئی۔ مجلس عزا میں رہبر انقلاب اسلامی آیت اللہ العظمی سید علی خامنہ ای اور عزاداروں نے شرکت کی۔
حسینیۂ امام خمینی میں منگل کو ساتویں محرم کی شب کی مجلس عزا منعقد ہوئی۔ مجالس کا یہ سلسلہ پیر کی شب سے شروع ہوا ہے اور آج دوسری مجلس عزا ہوئی جس میں رہبر انقلاب اسلامی آیت اللہ العظمی سید علی خامنہ ای نے شرکت کی۔
رہبر انقلاب اسلامی آيت اللہ العظمی سید علی خامنہ ای نے بدھ کے روز دینی تعلیم حاصل کرنے والے طلبہ اور مبلغین سے ملاقات میں، دین اور دینی مقاصد کی تبلیغ کو، دینی مدارس کی سب سے اہم ذمہ داری قرار دیا۔
رہبر انقلاب اسلامی آیت اللہ العظمی سید علی خامنہ ای نے آج منگل کی صبح عدلیہ کے سربراہ، عہدیداروں اور بعض کارکنوں سے ملاقات میں عوام کی قانونی آزادیوں کی فراہمی کو اہم بتایا اور کہا کہ آئین کے صریحی الفاظ کے مطابق عوام کو وہ تمام آزادیاں فراہم کی جانی چاہیے جن کی شرع نے اجازت دی ہے، البتہ اقتدار کے حلقے عام طور پر ان آزادیوں میں رکاوٹ ڈالتے ہیں اور عدلیہ کو اس سلسلے میں اپنی ذمہ داریوں پر عمل کرنا چاہیے۔
رہبر انقلاب اسلامی آيت اللہ العظمی سید علی خامنہ ای نے آج اتوار کی صبح تہران میں شہداء کے سیکڑوں والدین اور بیویوں سے ملاقات میں، شہیدوں کو ملک کی تاریخ کے برتر ہیرو قرار دیا اور مختلف قرآنی، جہادی، انسانی اور سماجی پہلوؤں سے شہیدوں کے اہل خانہ کے اعلی مقام کی تشریح کی۔ انھوں نے فن و ہنر کے شعبے سے وابستہ افراد اور میڈیا سے شہیدوں کی یاد کو زندہ رکھنے اور نوجوان نسل کے لیے آئیڈیل تیار کرنے کے لیے زیادہ سے زیادہ کوشش کرنے کی اپیل کی۔
فلسطین کی اسلامی مزاحمتی تحریک حماس کے سیاسی شعبے کے سربراہ اسماعیل ہنیہ نے اپنے ساتھ آئے ہوئے وفد کے ہمراہ بدھ 21 جون کی شام رہبر انقلاب اسلامی آيت اللہ العظمی سید علی خامنہ ای سے ملاقات کی۔
شام کے علاقے خان طومان میں تقریبا آٹھ سال پہلے شہید ہونے والے پاسبان حرم مجید قربان خانی کی بہن کا عقد رہبر انقلاب اسلامی آيت اللہ العظمی خامنہ ای نے پڑھا۔
رہبر انقلاب اسلامی نے اتوار کی شام ازبکستان کے صدر شوکت میر ضیایف اور انکے ہمراہ وفد سے ملاقات میں ایران اور ازبکستان کے مابین بے نظیر تاریخی، ثقافتی اور علمی قربت کی جانب اشارہ کرتے ہوئے کہا کہ ان اشتراکات سے مختلف شعبوں میں تعلقات کو فروغ دینے کے لئے فائدہ اٹھایا جانا چاہئے۔
انہوں نے دونوں ملکوں کے درمیان لمبے وقفے کے بعد تعلقات کو ملنے والی حیات نو پر خوشی کا اظہار کرتے ہوئے کہا کہ افسوس کی بات ہے کہ ایران اور ازبکستان کے درمیان مسلسل کئی برسوں تک تعلقات بہت محدود سطح پر رہے اور مجھے امید ہے کہ یہ دورہ اور تہران میں ہونے والی گفتگو، دونوں ملکوں کے مابین نئے مستقبل کا سر آغاز ثابت ہوگی۔
آیت اللہ العظمی خامنہ ای نے کہا کہ اسلامی جمہوریہ ایران ازبکستان کو ترکمنستان اور افغانستان کے راستے سے بڑی آسانی سے بین الاقوامی پانیوں سے جوڑ سکتا ہے۔ آپ نے کہا کہ تجارت اور نقل و حمل سے ہٹ کر بھی باہمی تعاون کے وسیع تر میدان موجود ہیں اور نئے طریقوں پر غور کرکے سائنس و ٹکنالوجی سمیت مختلف میدانوں میں آپسی تعاون کو فروغ دیا جا سکتا ہے۔
آیت خامنہ ای نے مزید کہا کہ ایران و ازبکستان کے مابین تعلقات میں فروغ کی مخالفت کرنے والے بھی ہیں، لیکن ان مخالفتوں کو درکنار کرتے ہوئے دونوں ملکوں کو قومی مفادات کی بنیاد پر فیصلہ کرنا اور آپسی تعاون کو جہاں تک ممکن ہو فروغ دینا چاہیئے۔
اس ملاقات میں صدر مملکت حجت الاسلام سید ابراھیم رئیسی بھی موجود تھے۔
ازبکستان کے صدر شوکت میر ضیایف نے رہبر انقلاب سے اپنی ملاقات کو تاریخی لمحہ قرار دیتے ہوئے کہا کہ مجھے بھی دونوں ملکوں کے مابین تعلقات میں وقفے اور تعاون کی سطح کے کم رہنے پر افسوس تھا تاہم مجھے امید ہے کہ تہران میں ہوئی گفتگو تجارت، نقل و حمل، سائنس و ٹکنالوجی اور سیاحت کے شعبے میں باہمی تعاون کو مطلوبہ سطح تک لے جانے کی بنیاد بنے گی۔
ازبکستان کے صدر نے پابندیوں کے مقابلے میں ایرانی قوم کی ثابت قدمی کی تعریف کرتے ہوئے کہا کہ ایرانی قوم کی کامیابیاں خاص طور پر سائنس وٹکنالوجی کے میدان میں جس کی جھلک نمائش میں ہم نے دیکھی، یہ بتاتی ہیں کہ کس طرح ایک قوم اپنے رہبر کی دانشمندانہ قیادت میں اور اتحاد کے زیر سایہ، دباؤں کے باوجود بڑے بڑے اہداف حاصل کر سکتی ہے۔
فلسطین کی مزاحمتی تنظیم تحریک جہاد اسلامی کے سکریٹری جنرل زیاد النخالہ اور ان کے ہمراہ وفد نے بدھ کی شام رہبر انقلاب اسلامی آیت اللہ العظمی خامنہ ای سے ملاقات کی۔
اس ملاقات میں رہبر انقلاب اسلامی نے غزہ کی حالیہ لڑائي میں جہاد اسلامی کی فتح پر مبارکباد پیش کرتے ہوئے، صیہونی حکومت کے اس وقت کے حالات کو، ستر سال پہلے کے حالات کے مقابلے میں بہت الگ بتایا اور کہا کہ صیہونی دشمن آج پسپائي اور ردعمل کی پوزیشن میں ہے اور ان حالات سے پتہ چلتا ہے کہ فلسطین کے استقامتی گروہ اور جہاد اسلامی نے راستے کو صحیح طریقے سے پہچان لیا ہے اور وہ پوری ہوشیاری کے ساتھ اس راستے پر آگے بڑھ رہے ہیں۔
انھوں نے اس بات پر زور دیتے ہوئے کہ بڑے اہداف اور کاموں کے لیے جب تک جان جوکھم میں نہ ڈالی جائے، تب تک ان اہداف تک رسائي ممکن نہیں ہوگي، کہا کہ آج خداوند عالم کے لطف و کرم سے فلسطین کے مزاحمتی گروہوں اور جہاد اسلامی کی طاقت اور حیثیت روز بروز بڑھتی جا رہی ہے اور حالیہ پانچ روزہ جنگ میں صیہونی حکومت کی شکست اس پر مہر تصدیق ثبت کرتی ہے۔
رہبر انقلاب اسلامی نے کہا کہ فلسطین کی جہاد اسلامی تحریک نے غزہ کی حالیہ لڑائي میں بہت اچھی کارکردگي دکھائي اور اس وقت صیہونی حکومت کے لیے حالات، ستر سال پہلے کے حالات کی بہ نسبت بدل چکے ہیں اور صیہونی حکام اگر اس حکومت کے اسّی سال پورے نہ کر پانے کے سلسلے میں تشویش میں مبتلا ہیں، تو انھیں اس کا حق ہے۔
انھوں نے اس بات پر زور دیتے ہوئے کہ جہاد اسلامی اور فلسطین کی دیگر مزاحمتی تنظیموں کو صیہونی حکومت سے مقابلے کی اصل کنجی حاصل ہو گئي ہے، کہا کہ غرب اردن میں استقامتی گروہوں کی روز بروز بڑھتی طاقت، صیہونی دشمن کو دھول چٹانے کی اصل کنجی ہے اور اس راہ پر آگے بڑھتے رہنا چاہیے۔
آیت اللہ العظمی خامنہ ای نے سیاسی و جد و جہد کے میدانوں میں وحدت عمل کے لیے فلسطین کے مزاحمتی گروہوں کے اقدام کو سراہتے ہوئے اسے بہت اہم بتایا اور اسلامی جمہوریہ ایران کی جانب سے فلسطین کے عوام اور مزاحمتی گروہوں کی مدد اور حمایت جاری رہنے پر زور دیا۔
اس ملاقات میں فلسطین کی مزاحمتی تنظیم تحریک جہاد اسلامی کے سکریٹری جنرل زیاد النخالہ نے اسلامی جمہوریہ کی جانب سے فلسطین کے عوام اور ان کی جدوجہد کی مستقل حمایت کا شکریہ ادا کرتے ہوئے، مقبوضہ فلسطین کے تازہ حالات خاص طور پر غزہ کی پانچ روزہ جنگ میں صیہونی حکومت کی شکست کے بعد کے حالات، غرب اردن کی صورتحال اور اس علاقے میں مزاحمتی گروہوں کی برتر پوزیشن کے بارے میں ایک رپورٹ پیش کی اور کہا کہ جہاد اسلامی تنظیم، غزہ کی جنگ میں سربلند رہی اور ہمیں امید ہے کہ عنقریب ہی ہم حتمی فتح اور قدس شریف کی آزادی کا مشاہدہ کریں گے۔
رہبر انقلاب اسلامی نے اتوار کی صبح زراعت، میڈیکل، صنعت، ماحولیات، پانی اور بجلی گھر کی تعمیر کے شعبوں میں ایٹمی ایجادات و مصنوعات کی نمائش کا ڈیڑھ گھنٹے تک معائنہ کرنے کے بعد ملک کی ایٹمی صنعت کے کچھ افتخار آفریں سائنسدانوں، ماہرین اور عہدیداران سے ملاقات میں اس صنعت کو مختلف شعبوں میں ایران کی پیشرفت کی کنجی قرار دیا۔
رہبر انقلاب اسلامی نے سنیچر کی صبح امام خمینی رحمت اللہ علیہ کی چونتیسویں برسی کے موقع پر ایران کے قدر شناس اور وفادار عوام کے ایک پرشکوہ، عظیم اور زبردست اجتماع سے خطاب کرتے ہوئے امام خمینی کو ایران کی تاريخ کی سب سے سربرآوردہ شخصیات میں سے ایک قرار دیا۔ انھوں نے امام خمینی کے ذریعے ملک، امت مسلمہ اور دنیا کی سطح پر پیدا کی جانے والی تین بڑی عظیم تبدیلیوں کی تشریح کرتے ہوئے کہا کہ ان کا ایمان اور امید، یہ عظیم تاريخی تبدیلیاں پیدا کرنے والا سافٹ پاور تھا اور جو بھی ایران، قومی مفادات، معاشی حالات کی بہتری، ملک کی ترقی اور قومی اقتدار کا خواہاں ہے، اسے عوام اور معاشرے کے ایمان اور امید کی تقویت کی ہر ممکن کوشش کرنی چاہیے۔
رہبر انقلاب اسلامی آیت اللہ العظمی خامنہ ای کی طرف سے امام خمینی رحمت اللہ علیہ کی برسی کا پروگرام حضرت معصومہ قم کے روضے میں منعقد ہو رہا ہے۔
اسلامی جمہوریہ اور اسلامی انقلاب کے بانی امام خمینی رحمت اللہ علیہ کی برسی اور15 خرداد (برابر 5 جون سنہ 1963) کی زندہ جاوید تحریک کی یاد نیز اس تحریک کے گرانقدر شہیدوں کو خراج عقیدت پیش کرنے کا پروگرام، رہبر انقلاب آیت اللہ العظمی خامنہ ای کی طرف سے بروز سنیچر قم میں حضرت معصومہ کے روضے کے امام خمینی شبستان میں نماز مغربین کے بعد منعقد ہوگا۔
تہران میں یہ پرشکوہ پروگرام اتوار کو صبح 8 بجے امام خمینی کے روضے میں منعقد ہوگا جس میں ہمیشہ کی طرح اس سال بھی مؤمن و انقلابی عوام کی بھرپور موجودگی متوقع ہے اور اس پروگرام میں رہبر انقلاب آیت اللہ العظمی خامنہ ای تقریر کریں گے۔
رہبر انقلاب اسلامی آیت اللہ العظمی خامنہ ای نے بدھ کی شام ترکمانستان کی پیپلز کونسل کے چیئرمین قربان قلی بردی محمد اف سے ملاقات میں ایران اور ترکمانستان کو بہت زیادہ ثقافتی اشتراکات والے ہمسایہ ممالک قرار دیا اور زور دیتے ہوئے کہا کہ ثقافتی اشتراکات گوناگوں شعبوں بالخصوص انرجی اور ٹرانسپورٹ کے میدانوں میں پہلے سے زیادہ تعاون کے فروغ کی اہم بنیاد قرار پا سکتے ہیں۔
رہبر انقلاب اسلامی آیت اللہ العظمی خامنہ ای نے پیر کی صبح عمان کے سلطان جناب ہیثم بن طارق آل سعید اور ان کے وفد سے ملاقات میں ایران اور عمان کے تعلقات کو دیرینہ اور مضبوط بنیادوں پر استوار اچھے تعلقات سے تعبیر کرتے ہوئے کہا کہ ہمارا یہ نظریہ ہے کہ تمام شعبوں میں دونوں ملکوں کے روابط کا فروغ دونوں فریقوں کے لئے سودمند ہے۔
رہبر انقلاب اسلامی نے ایران اور عمان کے عہدیداروں کے ما بین ہونے والے مذاکرات کا حوالہ دیتے ہوئے فرمایا کہ بڑا اہم نکتہ یہ ہے کہ واضح نتائج تک پہنچنے سے قبل تک پوری سنجیدگی سے مذاکرات جاری رہیں اور باہمی روابط کو وسعت دی جائے۔
رہبر انقلاب اسلامی نے علاقے میں صیہونی حکومت کے ناپاک وجود کے خطرات کا حوالہ دیتے ہوئے کہا کہ صیہونی حکومت اور اس کے حامیوں کی پالیسی علاقے میں اختلافات کو ہوا دینا اور امن و چین کو خراب کرنا ہے، لہذا علاقے کے تمام ملکوں کو چاہئے کہ اس موضوع پر توجہ رکھیں۔
آیت اللہ خامنہ ای نے کہا کہ عمان اور ایران کے مابین تعاون کا فروغ بہت اہم ہے کیونکہ دونوں ممالک ہرمز اسٹریٹ جیسی انتہائی اہم آبی گذرگاہ میں متعدد اشتراکات کے مالک ہیں۔
رہبر انقلاب اسلامی نے اسلامی جمہوریہ ایران سے تعلقات بحال کرنے میں #مصر کی دلچسپی کے بارے میں عمان کے سلطان کی گفتگو کے سلسلے میں کہا کہ ہم اس موقف کا خیر مقدم کرتے ہیں اور اس سلسلے میں ہماری طرف سے کوئی مشکل نہیں ہے۔
رہبر انقلاب اسلامی آیت اللہ خامنہ ای نے ایران اور #سعودی عرب کے مابین تعلقات کی بحالی پر عمان کے سلطان کے اظہار مسرت کے تعلق سے کہا کہ یہ سب ہمسایہ اور علاقائی ممالک کے ساتھ روابط کو فروغ اور تقویت بخشنے کی جناب صدر رئیسی کی حکومت کی اچھی پالیسیوں کا نتیجہ ہے۔
رہبر انقلاب اسلامی کا کہنا تھا کہ اس بات کی امید ہے کہ حکومتوں کے روابط بڑھنے کے نتیجے میں مسلم امہ کو اس کی عظمت و شوکت دوبارہ حاصل ہوگی اور اسلامی ممالک کے وسائل اور گنجائشوں کا ایک ساتھ جمع ہونا تمام مسلم اقوام اور اسلامی ملکوں اور حکومتوں کے مفاد میں ہوگا۔
اس ملاقات میں صدر ایران حجت الاسلام و المسلمین رئیسی بھی موجود تھے۔
اس موقع پر عمان کے سلطان ہیثم بن طارق آل سعید نے رہبر انقلاب اسلامی سے اپنی ملاقات پر اظہار مسرت کیا اور کہا کہ عمان کی پالیسی ہمسایہ ممالک بالخصوص اسلامی جمہوریہ ایران سے تعلقات کو فروغ دینا ہے۔
انہوں نے کہا کہ تہران میں ہونے والے مذاکرات میں تعاون کے مختلف میدانوں کے بارے میں تبادلہ خیال کیا گیا اور ہم امید کرتے ہیں کہ مذاکرات کا یہ سلسلہ جاری رہے گا اور دونوں ملکوں کے تعلقات کو پہلے سے زیادہ فروغ حاصل ہوگا اور اس کے عملی نتائج دونوں فریق واضح طور پر محسوس کریں گے۔
رہبر انقلاب اسلامی آيت اللہ العظمی خامنہ ای نے گیارہویں پارلیمنٹ کے اسپیکر اور دیگر ارکان سے ملاقات میں گیارہویں پارلیمنٹ کو مجموعی طور پر ایک انقلابی، جوان، محنتی پارلیمنٹ قرار دیا جس نے ملکی مسائل کے حل کے سلسلے میں بڑی اچھی قانون سازی کی ہے۔
رہبر انقلاب اسلامی آیت اللہ العظمی خامنہ ای نے وزیر خارجہ، وزارت خارجہ کے مینیجروں اور عہدیداروں نیز سفیروں اور نمائندہ دفاتر کے سربراہوں سے ملاقات میں کامیاب خارجہ پالیسی کے ضوابط اور پیمانے بیان کئے۔
رہبر انقلاب اسلامی آيت اللہ العظمی خامنہ ای نے ادارہ حج کے عہدیداروں، کارگزاروں اور کچھ حجاج کرام سے ملاقات میں حج کے بارے میں درست نقطہ نگاہ اور اس اہم فریضے کے درست ادراک پر تاکید کرتے ہوئے کہا کہ حج ایک عالمی و تمدنی موضوع ہے اور اس کا ہدف مسلم امہ کا ارتقاء، مسلمانوں کے دلوں کو آپس میں قریب کرنا اور کفر، ظلم، استکبار اور انسانی و غیر انسانی بتوں کے مقابل امت اسلامیہ کا اتحاد ہے۔
رہبر انقلاب اسلامی آیت اللہ العظمی خامنہ ایا نے اتوار کی صبح 34 ویں تہران انٹرنیشنل بک فیئر کا معائنہ کیا۔ آپ نے تین گھنٹے مصلائے امام خمینی میں لگے کتب میلے میں گزارے۔
رہبر انقلاب اسلامی آیت اللہ العظمی سید علی خامنہ ای نے آج ملک بھر سے کثیر تعداد میں آئے اساتذہ اور ٹیچروں سے ملاقات میں، اساتذہ کو، "بچوں اور جوان نسل" جیسے قیمتی ہیروں کو تراشنے والے، ملک کے مستقبل کے معمار اور ملک کے سب سے اچھے اور معزز طبقوں میں سے ایک بتایا اور تعلیم و تربیت کے اہم سسٹم کے لیے ضروری اور قابل اجتناب چیزوں کی تشریح کرتے ہوئے کہا کہ حکمراں طبقے کو ٹیچروں سے اپنی توقعات کے ساتھ ساتھ ان کے مختلف مسائل کے سلسلے میں اپنی ذمہ داری کا احساس بھی کرنا چاہیے۔
افراط زر پر کنٹرول اور پیداوار میں پیشرفت کے نام سے موسوم سال کے دوسرے مہینے میں یوم محنت کشاں کی مناسبت سے ملک بھر کے محنت کش طبقے کے افراد، مزدور یونینوں کے بعض اراکین اور کو آپریٹیوز، لیبر اور سوشل ویلفیئر کی وزارت کے عہدیداروں نے سنیچر کی صبح حسینیۂ امام خمینی میں رہبر انقلاب اسلامی آيت اللہ العظمی سید علی خامنہ ای سے ملاقات کی۔
عید سعید فطر کے موقع پر رہبر انقلاب اسلامی آیت اللہ العظمی خامنہ ای نے الگ الگ عدالتوں سے سزا پانے والے سیکڑوں قیدیوں کی سزائیں معاف یا ان میں تخفیف کرنے کی تجویز کی منظوری دی۔
ان قیدیوں کی تعداد 1760 ہے جن کی سزائیں معاف کرنے یا ان میں تخفیف کی تجویز آئین کے آرٹیکل 110 کی شق نمبر 11 کے تحت عدلیہ کی سربراہ نے دی تھی۔
پورے ملک کے اسٹوڈینٹس اور یونیورسٹیوں میں اسٹوڈینٹ یونینز کے نمائندوں کی ایک تعداد منگل 18 اپریل 2023 مطابق 27 رمضان المبارک کو رہبر انقلاب اسلامی آيت اللہ العظمی خامنہ ای سے ملاقات کرے گی۔
یہ ملاقات منگل کی شام کو، امام خمینی امام بارگاہ میں ہوگي اور پروگرام کے آغاز میں یونیورسٹیوں میں اسٹوڈینٹ یونینز کے کچھ نمائندے اپنے خیالات اور نظریات بیان کریں گے، جس کے بعد رہبر انقلاب اسلامی کی تقریر ہوگی۔
رہبر انقلاب اسلامی اور مسلح فورسز کے سپریم کمانڈر آیت اللہ العظمی سید علی خامنہ ای نے اتوار کی دوپہر کو مسلح فورسز کے کچھ کمانڈروں اور سینیئر عہدیداروں سے ملاقات میں، ان فورسز کو امیر المومنین علیہ السلام کے حوالے سے ملک و قوم کی مضبوط دیواریں قرار دیا اور کہا کہ یہ عظیم پوزیشن، بھاری ذمہ داریاں بھی عائد کرتی ہے اور بحمد اللہ مسلح فورسز اس پرافتخار پوزیشن کی قدر سمجھتے ہوئے، اپنی ذمہ داریوں پر عمل کر رہی ہیں۔
کریم اہلبیت، نواسۂ رسول حضرت امام حسن مجتبی علیہ السلام کی شب ولادت با سعادت پر فارسی شعر و ادب کی اہم شخصیات اور شعراء نے رہبر انقلاب اسلامی آيت اللہ العظمی سید علی خامنہ ای سے ملاقات کی۔
نواسہ رسول امام حسن علیہ السلام کے یوم ولادت با سعادت کے موقع پر شعرا اور فارسی شعر و ادب کے اساتذہ نے رہبر انقلاب اسلامی سے ملاقات کی۔ اس موقع پر رہبر انقلاب اسلامی نے شعر و ادب کے شعبے سے متعلق اہم نکات پر روشنی ڈالی ساتھ ہی مغربی ملکوں کے انسانی حقوق کے جھوٹے دعوؤں پر بھی تنقید کی۔ رہبر انقلاب اسلامی کے خطاب کے چند نکات:
مغربی ممالک کا اگر بس چلے تو اسلامی جمہوریہ ایران جیسے ملک کو جو خود مختاری و استقامت کی راہ پر گامزن ہے، ضروری غذائی اشیاء تک سے محروم کر دیں، چنانچہ انہوں نے لازمی دوائیں اس کے لئے ممنوع کر رکھی ہیں۔ 2019 میں جب ہمیں ویکسین کی ضرورت پڑی تو پیسے لے لئے لیکن ویکسین ہمیں نہیں دی۔
مغرب انسانی حقوق کا طرفدار نہیں بلکہ انسانیت کا دشمن ہے! داعش، صدام اور دہشت گرد تنظیم ایم کے او کی حمایت کی شکل میں ہم ان کے انسانی حقوق دیکھ چکے ہیں اور فلسطین کے خلاف صیہونی حکومت کے جرائم کی بھرپور حمایت کی شکل میں آج دیکھ رہے ہیں۔
مغرب کے انسانی حقوق ہم تہران کی سڑکوں پر نوجوانوں کے قتل عام اور ٹارگٹ کلنگ کی شکل میں دیکھ چکے ہیں، دنگائیوں نے ہمارے پاکیزہ ترین نوجوانوں جیسے آرمان علی وردی اور روح اللہ عجمیان کو ایذائیں دیکر قتل کیا، مغربی ملکوں کے کان پر جوں تک نہ رینگی، بلکہ اور بھی اکسایا، ٹریننگ تک دی۔
مغرب کو ایرانی خواتین سے قطعی ہمدردی نہیں بلکہ وہ کینہ رکھتے ہیں۔ کیونکہ اگر خواتین کا تعاون نہ ہوتا تو اسلامی انقلاب ہرگز کامیاب نہ ہو پاتا۔
واقعی مغرب کو عورتوں کے حقوق کی طرفداری کا دعوی زیب نہیں دیتا۔ آج بھی مغربی ملکوں میں عورتیں بڑی اہم مشکلات سے گزر رہی ہیں۔
اس خطاب کی تفصیلی خبر کچھ دیر میں۔۔۔۔
کریم اہلبیت حضرت امام حسن مجتبی علیہ السلام کی شب ولادت با سعادت کی مناسبت سے فارسی زبان و ادب کے اساتذہ اور شعراء رہبر انقلاب اسلامی آيت اللہ العظمی سید علی خامنہ ای سے ملاقات کر رہے ہیں۔
رہبر انقلاب اسلامی آيت اللہ العظمی خامنہ ای نے منگل کی شام کو ملک کے حکام اور اعلی عہدیداروں سے ملاقات کی۔ اس ملاقات میں انھوں نے دنیا کی سیاسی تبدیلیوں کو بہت تیز رفتار اور ساتھ ہی اسلامی جمہوریہ کے دشمنوں کے محاذ کو کمزور کرنے والا بتایا اور کہا کہ اس موقع سے فائدہ اٹھانے کے لیے ہمیں اپنی خارجہ پالیسی کو زیادہ متحرک کرنا چاہیے اور اپنی جدت عمل اور کوششوں کو بڑھا دینا چاہیے۔
ماہ مبارک رمضان کے تیرہویں دن انتظامیہ، مقننہ اور عدلیہ کے سربراہان، حکومتی نظام کے اہم عہدیداران، مختلف اداروں کے سربراہان، مجلس شورائے اسلامی (پارلیمنٹ کے اراکین) سابق سینیر عہدیدان اور سماجی و ثقافتی میدان کے کارکن منگل چار اپریل کی شام کو حسینیۂ امام خمینی میں رہبر انقلاب اسلامی آيت اللہ العظمی سید علی خامنہ ای سے ملاقات کریں گے۔
4 اپریل 2023
رہبر انقلاب اسلامی آيت اللہ العظمی سید علی خامنہ ای نے جمعرات کی شام ماہ مبارک رمضان کے پہلے دن اور قرآن مجید سے انس کی نورانی محفل میں جو ملک کے کچھ ممتاز قاریوں، قرآن کے اساتذہ اور قرآن کے سلسلے میں کام کرنے والے افراد کی شرکت سے منعقد ہوئي، قرآنی مفاہیم و مضامین کو سامعین تک منتقل کرنے اور ان پر اثر ڈالنے کے لیے قرآن کی تلاوت کی محفلوں میں آيتوں کے ترجمے اور تفسیر کو پیش کیے جانے پر زور دیا اور قرآن کے ماہرین اور قرآن کے سلسلے میں کام کرنے والوں کو اس اہم مسئلے کی مختلف راہیں تلاش کرنے کے لیے کوشش کرنے کی سفارش کی۔
سالہائے گزشتہ کی طرح اس سال بھی ماہ مبارک رمضان کے پہلے دن رہبر انقلاب اسلامی کی موجودگي میں قرآن مجید سے انس کی محفل منعقد ہوگي۔
یہ پروگرام، جو 23 مارچ کو ایران کے وقت کے مطابق ساڑھے تین بجے شام کو ملک کے بعض ممتاز قاریوں اور قرآن کے سلسلے میں کام کرنے والے افراد کی شرکت سے ہوگا۔
پروگرام امام خمینی امام بارگاہ میں منعقد ہوگا جسے ویب سائٹ KHAMENEI.IR اور اسلامی جمہوریہ ایران کے ریڈیو اور ٹی وی کے چینلوں سے براہ راست نشر کیا جائے گا۔