رہبر انقلاب اسلامی نے 8 جنوری 2021 کے اپنے خطاب میں جہاں مختلف موضوعات کا احاطہ کیا وہیں یہ بھی بتایا کہ کس طرح امریکی انٹیلیجنس ایجنسی سی آئی اے عالمی صحافتی اداروں کے اندر دراندازی کرتی ہے اور مصنفین و ذرائع ابلاغ کی زبان و قلم سے اپنی مرضی کے موضوعات کی تشہیر کرواتی ہے۔

قائد انقلاب اسلامی آیت اللہ العظمی سید علی خامنہ ای نے بدھ 3/12/1390 ہجری شمسی مطابق 22 فروری سنہ 2012 عیسوی کی صبح ایران کے ایٹمی توانائی کے ادارے کے سربراہ، اعلی عہدیداروں اور ایٹمی سائنسدانوں سے ملاقات میں فرمایا کہ ایٹمی سائنس و ٹکنالوجی کے میدان میں نوجوان سائنسدانوں کی سب سے بڑی اور عظیم کامیابی ملک میں قومی وقار کے احیاء، دباؤ کے سامنے ثابت قدمی کے لئے ایک قوم کی توانائی اور استکباری طاقتوں کی علم و دانش کے شعبے پر اجارہ داری کے سد باب کے لئے دنیا و علاقے کی اقوام کے سامنے کامیاب نمونے کی پیشکش ہے۔

بارہ اسفند سنہ 1390 ہجری شمسی کو ایران کے قومی نشریاتی ادارے آئی آر آئی بی کے نامہ نگاروں نے قائد انقلاب اسلامی سے اس وقت گفتگو کی جب آپ اپنا ووٹ کاسٹ کر رہے تھے۔

قائد انقلاب اسلامي آيت اللہ العظمي سيد علي خامنہ اي نے صبر اور بصيرت کو اسلامي جمہوريہ ايران کي پيشرفت و ترقي اور اس کے دوام کے دو بنيادي عامل قرار ديا ہے- قائد انقلاب اسلامي آيت اللہ العظمي سيد علي خامنہ اي نے پير 19 دی سنہ 1390 ہجری شمسی مطابق 9 جنوری سنہ 2012 عیسوی کو تہران ميں قم کے افاضل اور عوام کے ايک اجتماع سے خطاب ميں اسلامي نظام کي مسلسل کاميابيوں ميں صبر و بصيرت کے بنيادي کردار کا حوالہ ديتے ہوئے دشمنوں کي سازشوں کي ناکامي کي وجوہات پر روشني ڈالي ـ

قائد انقلاب اسلامی آيت اللہ العظمی سید علی خامنہ ای نے 10 بہمن سنہ 1390 ہجری شمسی مطابق 30 جنوری سنہ 2012 عیسوی کو ملاقات کے لئے آنے والے نوجوان نسل اور اسلامی بیداری کے زیر عنوان تہران میں منعقدہ بین الاقوامی کانفرنس کے شرکاء سے اپنے خطاب میں آمریت کے خلاف خطے کی اقوام کی تحریک کو صیہونیوں کی عالمی ڈکٹیٹر شپ کے خلاف جدوجہد کا مقدمہ قرار دیا۔

قائد انقلاب اسلامی آیت اللہ العظمی سید علی خامنہ ای نے 18/12/1390ہجری شمسی مطابق 8 مارچ سنہ 2012 عیسوی کو ماہرین کی کونسل (مجلس خبرگان) کے سربراہ اور ارکان سے ملاقات میں دو مارچ سنہ 2012 کے پارلیمانی انتخابات میں بھرپور شرکت کے ملک کے عوام کے بروقت، دانشمندانہ اور بصیرت آمیز اقدام کی قدردانی کی اور اس عظیم الشان شرکت کے نتائج اور اثرات کا جائزہ لیا۔

پیغمبر ختمی مرتبت حضرت محمد مصطفی صلی اللہ علیہ و آلہ و سلم اور فرزند رسول حضرت امام جعفر صادق علیہ السلام کے یوم ولادت با سعادت سترہ ربیع الاول کی مناسبت سے ملک کے اعلی حکام، مختلف عوامی طبقات، پچیسویں وحدت اسلامی کانفرنس کے مندوبین اور تہران میں متعین اسلامی ممالک کے سفراء نے قائد انقلاب اسلامی سے ملاقات کی۔

قائد انقلاب اسلامی آیت اللہ العظمی سید علی خامنہ ای نے چھبیس بہمن سنہ 1390 ہجری شمسی مطابق 15 فروری سنہ 2012 عیسوی کو اپنے خطاب میں گیارہ فروری کو اسلامی انقلاب کی سالگرہ کی ریلیوں میں ایرانی عوام کی کروڑوں کی تعداد میں پرجوش شرکت کا حوالہ دیتے ہوئے ملت ایران کی بصیرت اور بے مثال موقعہ شناسی کو قوم کے اس عظیم اور حیرت انگیز عمل کی وجہ قرار دیا۔

قائد انقلاب اسلامی آیت اللہ العظمی سید علی خامنہ ای نے آج 10/12/1390ہجری شمسی مطابق 29 فروری سنہ 2012 عیسوی بدھ کی صبح معاشرے کے مختلف طبقات، شہداء کے خاندانوں اور وطن عزیز اور اسلامی انقلاب کا دلیرانہ انداز سے دفاع کرنے والے مجاہدین سے ملاقات میں بارہ اسفند مطابق دو مارچ کو منعقد ہونے والے پارلیمانی انتخابات کی اہمیت پر روشنی ڈالی۔

قائد انقلاب اسلامی آيت اللہ العظمی سید علی خامنہ نے 13 اکتوبر سنہ 2011 مطابق 21 مہر سنہ 1390 ہجری شمسی کو صوبہ کرمانشاہ میں ایک فوجی چھاونی میں مسلح فورسز کی مشترکہ تقریب سے خطاب کیا۔