بعض گھرانوں میں عورتوں کے حقوق کا پاس و لحاظ نہیں ہوتا۔ بعض گھرانوں میں جوانوں کے حقوق کا خیال نہیں رکھا جاتا اور بعض گھروں میں خاص طور پر بچوں کے حقوق کا خیال نہیں رکھا جاتا، ان سب باتوں کی طرف اُن کو متوجہ کرنا اور انھیں بتانا چاہیے کہ بچوں کے حقوق کی پامالی صرف یہ نہیں ہے کہ انسان اُن کے ساتھ محبت نہ کرے، جی نہیں! غلط تربیت اور ان کے لیے مناسب اہتمام و انتظام سے کام نہ لینا، ان کی ضرورتوں کا خیال نہ رکھنا، لطف و محبت میں کمی اور اسی قسم کے دوسرے امور بھی ان پر ظلم کے دائرے میں آتے ہیں۔ امام خامنہ ای 15 دسمبر 2000

اسلام دشمنوں کی ہمیشہ یہی خواہش رہی ہے کہ مسلمانوں کے دلوں کو مضطرب کریں۔ اسلام کی طویل تاریخ میں ایسے واقعات بہت پیش آئے ہیں۔ اسلام سے پہلے بھی خدا کے عظیم انبیاء کے جہادی اقدامات کے دوران جو مومنین راہ ایمان پر خود کو محکم واستوار رکھ سکے، انھوں نے روحانی سکون حاصل کرلیا۔ یہ روحانی سکون ہی ان کو پورے اختیار کے ساتھ راہ ایمانی میں قائم و استوار رکھ سکا۔ وہ انسان جس کو روحانی سکون میسر ہو اس کی فکر صحیح رہتی ہے، وہ صحیح فیصلے کرتا ہے اور صحیح اقدام کرتا ہے۔ خدا کا ذکر اور اس کی یاد ہمارے دلوں کو، ہماری دنیا اور زندگی کے طوفانوں میں محفوظ رکھتی ہے، لہذا خدا کی یاد کو غنیمت جائیے ۔ امام خامنہ ای 19 جون 2009

فلسطین اور لبنان کے مردوں کی مجاہدت نے صیہونی حکومت کو 70 سال پیچھے دھکیل دیا۔ گزشتہ سال نماز جمعۂ نصر میں رہبر انقلاب کے خطبے کا ایک جملہ (4 اکتوبر 2024)

قرآن حکیم نے ہم کو معیار دے دیا ہے: قرآن نے کہا ہے: محمد (ص) اللہ کے رسول ہیں اور جو لوگ ان کے ساتھ ہیں وہ کافروں پر سخت ہیں۔ (سورۂ فتح، آيت 19) کیا ہم پیغمبر کے ساتھ ہیں؟ اگر آپ دیکھیں کہ یہ راہ، جس پر آپ چل رہے ہیں، کفار کی خوشی کا باعث ہے تو جان لیجیے کہ آپ پیغمبر کے ہمراہ نہیں ہیں (لیکن) اگر آپ نے دیکھا کہ نہیں یہ راہ کہ جس پر آپ چل رہے ہیں، یہ سامراج کو، دین کی دشمن، اسلام مخالف حکومتوں کو ناراض اور غیظ و غضب میں مبتلا کر رہی ہے تو ٹھیک اور صحیح ہے۔ یہ علامت اور معیار ہے۔ ہم متوجہ رہیں، ہمیں معلوم ہو کہ ہم کیا کررہے ہیں ؟ کیا کہہ رہے ہیں؟! ہم جو بات بھی کہہ رہے ہیں وہ ہمارے دشمن کی سازش میں معاون نہ ہو، دشمن کے منصوبے کو پورا نہ کرے۔ امام خامنہ ای 12 ستمبر 2023

لبنان اور فلسطین کے ثابت قدم عوام! شجاع مجاہدین اور صابر و قدر شناس عوام! یہ شہادتیں، یہ زمین پر بہنے والا خون آپ کی تحریک کو کمزور نہیں مستحکم تر بنائے گا۔ آج علاقے میں مزاحمت ان شہادوں کی وجہ سے پسپا نہیں ہوگی، مزاحمت فتحیاب ہوگی۔ غزہ میں مزاحمت نے دنیا کی آنکھوں کو خیرہ کر دیا، اسلام کو عزت دی۔ امام خامنہ ای 4 اکتوبر 2024

سید حسن نصر اللہ چلے گئے لیکن جو سرمایہ انھوں نے پیدا کیا تھا وہ باقی ہے۔ حزب اللہ لبنان کی داستان ایک زندہ داستان ہے ... یہ لبنان اور غیر لبنان سب کے لیے ایک قیمتی سرمایہ ہے۔ امام خامنہ ای 23 ستمبر 2025

اسلام نے گھر کے اندر عورت کے کردار کو جو اس قدر اہمیت دی ہے اس کا سبب یہی ہے کہ عورت اگر گھرانے سے وابستہ ہو، بچوں کی تربیت کو اہمیت دے، اپنی آغوش میں انھیں پروان چڑھائے، ان کے لیے قصوں، شرعی احکام، قرآنی حکایتوں اور تعلیمی واقعات کی مانند معاشرتی اور تہذیبی غذائیں فراہم کرے اور جہاں کہیں بھی موقع ملے جسمانی غذاؤں کی طرح روحانی غذائیں چکھاتی رہے تو معاشرے کی نسلیں عاقل و ذہین بن کر پروان چڑھیں گی۔ یہ عورت کا ہنر ہے اور یہ کام عورت کے تعلیم حاصل کرنے، تعلیم دینے، کام کرنے اور سیاست یا اس طرح کے دوسرے کام انجام دینے کے منافی بھی نہیں ہے۔ امام خامنہ ای 10 مارچ 1997

ہم دعا کو معمولی نہ سمجھیں، خداوند متعال سے کچھ طلب کرنے کو معمولی بات نہ سمجھیں۔ آپ سے جہاں تک ممکن ہو دعا کو پروردگار کی بارگاہ میں ایک ایسے ماحول میں پیش کیجیے جس میں آپ کی بہترین حالت ہو، رونے اور گڑگڑانے کا ماحول ہو۔ اگر آپ خداوند متعال کے سامنے گڑگڑا سکے اور فریاد  کرسکے تو آپ دنیا کی کھوکھلی قوت، نام نہاد طاقت، کسی بھی جھوٹی اور دکھاوے کی بڑی طاقت کے سامنے اپنا سر بلند رکھ سکیں گے۔ قرآن میں بھی ہماری ہدایت کی گئی ہے اور ہم کو حکم دیا گیا ہے کہ ہم خدا سے دعا کیا کریں۔ امام خامنہ ای 08 اپریل 2018

صبر ہاتھ پر ہاتھ دھرے بیٹھ کر نتائج کا انتظار کرنے اور حادثوں کو برداشت کرتے رہنے کے معنی میں نہیں ہے، صبر کا مطلب ہے ثابت قدم رہنا، استقامت دکھانا اور اپنے صحیح اندازوں کو دشمنوں کے فریب اور دھوکا دھڑی کے ساتھ تبدیل نہ کرنا۔ چنانچہ اگر یہ ثابت قدمی اور استقامت، عقل و تدبیر اور باہمی مشورے کے ساتھ ہو، جیسا کہ قرآن میں آیا ہے:  اور ان کے (تمام) کام باہمی مشورے سے طے ہوتے ہیں۔ (سورۂ شوری، آیت نمبر 38) تو قطعی طور پر فتح و کامیابی نصیب ہوگی۔ امام خامنہ ای 22 مارچ 2020

سید حسن نصر اللہ عالم اسلام کے لیے ایک عظیم سرمایہ تھے، نہ صرف تشیع کے لیے، نہ صرف لبنان کے لیے، البتہ یہ ثروت ضائع نہیں ہوئی، یہ ثروت باقی ہے۔ امام خامنہ ای 23 ستمبر 2025