رہبر انقلاب اسلامی آیت اللہ العظمی خامنہ ای نے ایران کی فوج کی فضائیہ کے کمانڈروں اور جوانوں سے ملاقات میں آٹھ فروری 1979 کو اسلامی انقلاب کی فتح کے وقت پیش آنے والے واقعے کو اللہ کے وعدوں پر امام خمینی رضوان اللہ تعالی علیہ اور مجاہدین کے مکمل اعتماد کا نتیجہ قرار دیا۔

رہبر انقلاب اسلامی آیت اللہ العظمی خامنہ ای نے مختلف عوامی طبقات سے تعلق رکھنے والے ہزاروں افراد کے اجتماع سے خطاب میں آئندہ 11 فروری کو اسلامی انقلاب کی سالگرہ اور اسی طرح مجوزہ پارلیمانی انتخابات کو عظیم الشان ملت ایران کے دو اہم امتحانات سے تعبیر کیا۔ آپ نے پارلیمنٹ کی رکنیت کی لیاقت رکھنے والے امیدواروں کی خصوصیات بیان کرتے ہوئے 21 فروری کو ہونے والے پارلیمانی انتخابات کو داخلی و بین الاقوامی مسائل کے تصفئے میں موثر قرار دیا۔    

رہبر انقلاب اسلامی آیت اللہ العظمیٰ سید علی خامنہ ای نے حضرت زینب سلام اللہ علیہا کے یوم ولادت کی مناسبت پر ہزاروں نرسوں سے خطاب کیا۔ ایران میں حضرت زینب سلام اللہ علیہا کا یوم ولادت نرس ڈے کے طور پر منایا جاتا ہے۔    

تہران کی مرکزی نمازجمعہ اس ہفتے رہبرانقلاب اسلامی کی امامت میں ادا کی گئی جس میں دسیوں لاکھ نمازیوں نے  ایک یادگار شرکت تاریخ میں رقم کی۔ نمازیوں کے تاریخی اور عظیم الشان اجتماع کو خطاب کرتے ہوئے رہبر انقلاب اسلامی نے فرمایا کہ پچھلے دو ہفتے جو گزرے ہیں ان میں اہم واقعات رونما ہوئے جو ایرانی عوام کے لئے تلخ اور شیریں ہونے کے ساتھ ساتھ سبق آموز بھی تھے۔  

رہبر انقلاب اسلامی نے یوکرین کے مسافربردار  طیارے کے سانحے کی تحقیقات کے نتائج سامنے آ جانے کے بعد متاثرہ خاندانوں سے ایک بار پھر اظہار ہمدردی کیا اور مسلح فورسز کے جنرل اسٹاف کو ممکنہ غلطیوں اور کوتاہیوں کے بارے میں تحقیقات کرنے پر مامور کیا اور ساتھ ہی اس قسم کے واقعات کی روک تھام کو یقینی بنانے کی ہدایت بھی دی۔

رہبر انقلاب اسلامی آیت اللہ العظمیٰ سید علی خامنہ ای نے سپاہ پاسداران انقلاب اسلامی کی قدس فورس کے کمانڈر جنرل قاسم سلیمانی کی شہادت پر ایک اہم پیغام جاری کیا ہے۔

اسلامی جمہوریہ ایران کے مایۂ ناز اور شہرۂ آفاق کمانڈر جنرل قاسم سلیمانی کی شہادت کے بعد، رہبر انقلاب اسلامی اور مسلح فورسز کے سپریم کمانڈر آیت اللہ العظمیٰ سید علی خامنہ ای نے سپاہ پاسداران اور قدس فورس کے سینیئر کمانڈر جنرل اسماعیل قاآنی کو قدس فورس کا سربراہ منصوب کیا ہے۔

رہبر انقلاب اسلامی آیت اللہ العظمی خامنہ ای نے اتوار 18 نومبر 2019 کو فقہ کے درس خارج سے قبل نہایت اہم خطاب میں ملک میں ایندھن کا استعمال کنٹرول کرنے کے منصوبے کے نفاذ کے بعد پیش آنے والے مسائل کا جائزہ لیا اور اپنا نظریہ بیان کیا۔ رہبر انقلاب اسلامی کے خطاب کا اردو ترجمہ حسب ذیل ہے؛

رہبر انقلاب اسلامی آیت اللہ العظمی خامنہ ای نے جمعہ 17 ربیع الاول کو میلاد پیغمبر اور یوم ولادت فرزند رسول حضرت امام جعفر صادق علیہ السلام  کی مناسبت سے ایران کے اعلی حکام، وحدت اسلامی کانفرنس کے شرکاء، تہران میں متعین اسلامی ممالک کے سفیروں اور مختلف عوامی طبقات سے ملاقات میں فرمایا کہ دنیائے اسلام کی موجودہ مصیبتوں اور خاص طور پر فلسطین کے افسوسناک حالات کی وجہ اتحاد بین المسلمین کا کمزور ہونا ہے۔

بزرگ مرجع تقلید آیت اللہ مکارم شیرازی کی طبیعت ناساز ہونے کے بعد انھیں اسپتال میں داخل کرایا گیا، جہاں رہبر انقلاب اسلامی آیت اللہ العظمی خامنہ ای نے جاکر ان کی عیادت کی۔