نئے ہجری شمسی سال کے آغاز پر رہبر انقلاب اسلامی آیت اللہ العظمی خامنہ ای نے حسب معمول مشہد مقدس میں فرزند رسول حضرت امام علی رضا علیہ السلام کے روضہ اقدس میں عظیم الشان اجتماع سے خطاب میں اہم ترین قومی مسائل، سیاسی، سماجی، ثقافتی و اقتصادی امور پر روشنی ڈالی۔ یہ تقریر 1 فروردین 1396 مطابق 21 مارچ 2017 کو ہوئی۔  (1)

رہبر انقلاب اسلامی آیت اللہ العظمی خامنہ ای نے ملک کے حکام اور وحدت اسلامی کانفرنس کے غیر ملکی مندوبین سے خطاب میں مسلمانوں کے اتحاد پر تاکید کی(1)۔ رہبر انقلاب اسلامی نے فرمایا کہ مسلمانوں کو چاہئے کہ اپنے اشتراکات پر توجہ مرکوز کرتے ہوئے اختلافات سے چشم پوشی کریں۔ ہفتہ 17 دسمبر کو اپنے اسے خطاب میں فرمایا کہ اگر ڈیڑھ ارب مسلمان، بے پناہ وسائل کے مالک اتنے سارے اسلامی ممالک، یہ غیر معمولی افرادی قوت، اگر یہ عظیم مجموعہ متحد ہو جائے اور اتحاد کے ساتھ اسلامی اہداف کی جانب بڑھنے لگے تو دنیا کی طاقتیں رجز خوانی نہیں کر پائیں گی۔ امریکا دیگر ملکوں، حکومتوں اور قوموں پر اپنی مرضی مسلط نہیں کر پائے گا، خبیث صیہونی نیٹ ورک گوناگوں حکومتوں اور طاقتوں کو اپنے پنجہ اقتدار میں نہیں جکڑ پائے گا اور انھیں اپنے مقصد اور ہدف کے تحت استعمال نہیں کر پائے گا۔ اگر مسلمان متحد ہو جائیں تو یہ حالات ہوں گے۔ رہبر انقلاب اسلامی کے خطاب کا اردو ترجمہ پیش خدمت ہے؛

رہبر انقلاب اسلامی آیت اللہ العظمی خامنہ ای نے فقہ کے درس خارج سے قبل افغانستان کے حالات پر گفتگو کرتے ہوئے فرمایا کہ جن ہاتھوں نے داعش کی تشکیل کی وہی ہاتھ ان دہشت گردوں کو افغانستان پہنچا رہے ہیں۔ ان طاقتوں کا مقصد یہ ہے کہ علاقے میں امن و سلامتی نہ ہو تاکہ ان کی فوجی موجودگی کا جواز رہے۔

شہدا کے اہل خانہ نے رہبر انقلاب اسلامی آيت اللہ العظمی خامنہ ای سے ملاقات کی۔ 2 جنوری سنہ 2018 کو ہونے والی اس ملاقات میں رہبر انقلاب اسلامی نے شہدا اور ان کے اہل خانہ کی قربانیوں کا ذکر کیا اور ملک و قوم پر ان کے احسان کی نشاندہی کی۔

رہبر انقلاب اسلامی آیت اللہ العظمی خامنہ ای نے 9 جنوری 2019 کو مقدس شہر قم کے ہزاروں لوگوں کے اجتماع سے خطاب میں اسلامی جمہوریہ ایران سے امریکہ اور استکبار کی دشمنی کی بنیادی وجہ کو نظر انداز کرنے اور اس سلسلے میں تساہلی سے اجتناب کی ضرورت پر زور دیا۔ 9 جنوری 1978 کے اہل قم کے تاریخی قیام کی مناسبت سے تہران کے حسینیہ امام خمینی میں قم کے ہزاروں لوگوں کے اجتماع سے خطاب کرتے ہوئے رہبر انقلاب اسلامی نے فرمایا کہ انقلاب کی ماہیت و حقیقت اور انقلاب کے اصولوں اور اہداف سے ملت ایران کی وفاداری اور عوام کی شجاعت اس عمیق اور دائمی دشمنی کی اصلی وجہ ہے۔ رہبر انقلاب اسلامی نے معروضی حالات میں حکام اور عوام کے بنیادی فرائض پر روشنی ڈالتے ہوئے فرمایا کہ عوام بالخصوص کمزور طبقات کی معیشتی مشکلات پر توجہ مرکوز کرنا اس وقت حکام کی سب سے اہم ذمہ داری ہے اور عوام اور حکام کو چاہئے کہ مل کر اپنی ہوشیاری سے امریکہ کی پابندیوں کو مقدس دفاع کے دور کی طرح ایک بار پھر شیطان اکبر کی بے مثال شکست میں تبدیل کر دیں۔ رہبر انقلاب اسلامی کے خطاب کا اردو ترجمہ پیش خدمت ہے:

قرآن و بشریات (humanities) کے موضوع پر پہلا بین الاقوامی سیمینار ایران میں منعقد ہوا۔ سیمینار کی منتظمہ کمیٹی نے رہبر انقلاب اسلامی سے ملاقات کی اور آپ سے تجاویز و ہدایات کی درخواست کی۔ رہبر انقلاب اسلامی نے 22  مئی 2017 کو ہونے والی اس ملاقات میں اس موضوع پر سیمینار کے انعقاد کی تعریف کی اور اہم تجاویز دیں۔ (۱(

رہبر انقلاب اسلامی نے مغربی ملکوں کے نوجوانوں کے نام تحریر کردہ اپنے خطوط میں کلیدی سیاسی و سماجی نکات  اور دہشت گردی کے علل و اسباب اور راہ حل پر روشنی ڈالی  تھی۔ ان خطوط کے اہم نکات اور پہلوؤں کی پیشکش کرنے والی تشہیراتی سرگرمیاں انجام دی گئیں۔ یہ کام اسلامی انقلاب تحقیقاتی-ثقافتی ادارے نے انجام دیا۔ حسینیہ امام خمینی میں اس ادارے نے نشر و اشاعت اور تشہیرات کے شعبے میں انجام دئے گئے کاموں کی نمائش کا اہتمام کیا جس کا معائنہ رہبر انقلاب اسلامی نے بھی کیا۔ 23 اگست 2016 کو ادارے کے ذمہ داران سے گفتگو کرتے ہوئے رہبر انقلاب اسلامی نے ادارے کی کاوشوں کی قدردانی کی۔  (۱)

رہبر انقلاب اسلامی آیت اللہ العظمی خامنہ ای نے میلاد النبی اور یوم ولادت با سعادت حضرت امام جعفر صادق علیہ السلام کے موقع پر اسلامی نظام کے عہدیداران، وحدت اسلامی کانفرنس کے مندوبین، اسلامی ملکوں کے سفیروں اور عوامی طبقات سے ملاقات میں نبی اکرم  کے پرفیض وجود ومبارک، عالم اسلام کے حالات، اتحاد کی ضرورت اور مسئلہ فلسطین کے تعلق سے رہنما گفتکو کی۔ یہ ملاقات 6 دسمبر 2017  کو انجام پائی (۱)

اسلامی جمہوریہ ایران میں اتوار چودہ خرداد مطابق 4 جون 2017 کو بانی انقلاب اسلامی اور اسلامی جمہوری نظام کے معمار امام خمینی رحمۃ اللہ علیہ کی برسی عقیدت و احترام سے منائی گئی۔ اس مناسبت سے مرکزی پروگرام دار الحکومت تہران کے جنوب میں واقع امام خمینی رحمۃ اللہ علیہ کے مزار پر منعقد ہوا جس میں عقیدت مندوں کے جم غفیر، رہبر انقلاب اسلامی آیت اللہ العظمی خامنہ ای، اسلامی نظام کے اعلی حکام اور غیر ملکی مہمانوں نے شرکت کی۔ اس موقع پر اپنے خطاب میں رہبر انقلاب اسلامی نے امام خمینی رحمۃ اللہ علیہ کی ش‍خصیت پر روشنی ڈالی اور ملکی و علاقائی و عالمی حالات کا جائزہ لیا۔

ماہ رمضان المبارک شروع ہوا تو حسینہ امام خمینی رحمۃ اللہ علیہ میں محفل 'انس با قرآن' کا انعقاد ہوا جس میں ملک کے قاریان کرام نے شرکت کی۔ 27 مئی 2017 کی اس تقریب میں رہبر انقلاب اسلامی آیت اللہ العظمی خامنہ ای بھی شریک ہوئے اور آپ نے اس موقع پر اپنے خطاب میں اسلامی انقلاب سے قبل اور انقلاب کے بعد قرآن کی جانب عوام کے رجحان اور قرآنی مفاہیم کے ادراک کی کیفیت پر روشنی ڈالی۔  (1)