اربعین امام حسین علیہ السلام کے موقع پر ملک بھر کی یونیورسٹیوں کی طلبہ یونینوں کے ارکان تہران کے حسینیہ امام خمینی میں پہنچے اور عزاداری کے پروگرام میں شریک ہوئے۔ اس موقع پر رہبر انقلاب اسلامی نے طلبہ کی تقریروں اور نوحہ و مجلس کے بعد مختصر گفتگو کی اور صراط مستقیم پر ثابت قدم رہنے کی اہمیت پر روشنی ڈالی۔ 9 نومبر 2017 کی اس تقریر میں آیت اللہ العظمی خامنہ ای نے فرمایا کہ یہ سفر کافی دشوار ہے لیکن اس کا انجام بہت نیک ہے۔

رہبر انقلاب اسلامی آيت اللہ العظمی خامنہ ای نے امین پولیس اکیڈمی کی تقریب میں شرکت کی اور اس موقع پر اپنے خطاب میں پولیس فورس کی اہمیت اور خصوصیات پر روشنی ڈالی۔ 17 ستمبر 2017 کی اس تقریر میں رہبر انقلاب اسلامی نے ملکی و علاقائی مسائل کا جائزہ لیا۔ (۱)

حرم اہلبیت علیہم السلام کے دفاع میں اپنی جان کا نذرانہ پیش کرنے والے دلیر سپاہی محسن حججی شہید کے پاکیزہ جنازے کے قریب شہید کے اہل خانہ سے رہبر انقلاب اسلامی آیت اللہ العظمی خامنہ ای کی گفتگو؛

رہبر انقلاب اسلامی آیت اللہ العظمی خامنہ ای نے 18 جون 2017 کو حرم اہل بیت علیہم السلام کی حفاظت کرتے ہوئے درجہ شہادت پر فائز ہونے والے مجاہدین اور ایران کی سرحدوں کی حفاظت کے دوران جام شہادت نوش کرنے والے جوانوں کے اہل خانہ سے ملاقات میں شہادت کو اللہ اور بندے کے درمیان انجام پانے والا ایک تقدیر ساز سودا قرار دیا۔  (1)

ملک کے یونیورسٹی طلبہ نے 7 جون 2017 کو رہبر انقلاب اسلامی آیت اللہ العظمی خامنہ ای سے ملاقات کی۔ ماہ رمضان المبارک میں حسینیہ امام خمینی رحمۃ اللہ علیہ میں انجام پانے والی اس ملاقات میں طلبہ نے مختلف موضوعات پر اپنے نظریات بیان کئے جس کے بعد رہبر انقلاب اسلامی نے اپنی تفصیلی گفتگو میں طلبہ کے سوالوں کے جواب دئے اور گوناگوں موضوعات پر روشنی ڈالی۔  (1)

رہبر انقلاب اسلامی آيت اللہ العظمی خامنہ ای نے عید بعثت پیغمبر ختمی مرتبت صلی اللہ علیہ و آلہ و سلم کی مناسبت سے ملک کے اعلی عہدیداروں، تہران میں متعین اسلامی ممالک کے سفیروں اور عوامی طبقات سے خطاب میں مقصد بعثت پیغمبر پر روشنی ڈالی۔ 25 اپریل 2017 کے اس خطاب میں رہبر انقلاب اسلامی نے عالم اسلام کے معروضی حالات و مسائل کا ذکر کیا اور راہ حل کی نشاندہی کی۔  (1)

رہبر انقلاب اسلامی آیت اللہ العظمی خامنہ ای نے 30 اپریل 2017 کو فقہ کے درس خارج کے آغاز میں شکر نعمت اور کفران نعمت کے موضوع  پر امام جعفر صادق علیہ السلام سے منقول حدیث کی تشریح کی۔

نئے ہجری شمسی سال کے آغاز پر رہبر انقلاب اسلامی آیت اللہ العظمی خامنہ ای نے حسب معمول مشہد مقدس میں فرزند رسول حضرت امام علی رضا علیہ السلام کے روضہ اقدس میں عظیم الشان اجتماع سے خطاب میں اہم ترین قومی مسائل، سیاسی، سماجی، ثقافتی و اقتصادی امور پر روشنی ڈالی۔ یہ تقریر 1 فروردین 1396 مطابق 21 مارچ 2017 کو ہوئی۔  (1)

رہبر انقلاب اسلامی آیت اللہ العظمی خامنہ ای نے ملک کے حکام اور وحدت اسلامی کانفرنس کے غیر ملکی مندوبین سے خطاب میں مسلمانوں کے اتحاد پر تاکید کی(1)۔ رہبر انقلاب اسلامی نے فرمایا کہ مسلمانوں کو چاہئے کہ اپنے اشتراکات پر توجہ مرکوز کرتے ہوئے اختلافات سے چشم پوشی کریں۔ ہفتہ 17 دسمبر کو اپنے اسے خطاب میں فرمایا کہ اگر ڈیڑھ ارب مسلمان، بے پناہ وسائل کے مالک اتنے سارے اسلامی ممالک، یہ غیر معمولی افرادی قوت، اگر یہ عظیم مجموعہ متحد ہو جائے اور اتحاد کے ساتھ اسلامی اہداف کی جانب بڑھنے لگے تو دنیا کی طاقتیں رجز خوانی نہیں کر پائیں گی۔ امریکا دیگر ملکوں، حکومتوں اور قوموں پر اپنی مرضی مسلط نہیں کر پائے گا، خبیث صیہونی نیٹ ورک گوناگوں حکومتوں اور طاقتوں کو اپنے پنجہ اقتدار میں نہیں جکڑ پائے گا اور انھیں اپنے مقصد اور ہدف کے تحت استعمال نہیں کر پائے گا۔ اگر مسلمان متحد ہو جائیں تو یہ حالات ہوں گے۔ رہبر انقلاب اسلامی کے خطاب کا اردو ترجمہ پیش خدمت ہے؛

رہبر انقلاب اسلامی آیت اللہ العظمی خامنہ ای نے فقہ کے درس خارج سے قبل افغانستان کے حالات پر گفتگو کرتے ہوئے فرمایا کہ جن ہاتھوں نے داعش کی تشکیل کی وہی ہاتھ ان دہشت گردوں کو افغانستان پہنچا رہے ہیں۔ ان طاقتوں کا مقصد یہ ہے کہ علاقے میں امن و سلامتی نہ ہو تاکہ ان کی فوجی موجودگی کا جواز رہے۔