قرآن و بشریات (humanities) کے موضوع پر پہلا بین الاقوامی سیمینار ایران میں منعقد ہوا۔ سیمینار کی منتظمہ کمیٹی نے رہبر انقلاب اسلامی سے ملاقات کی اور آپ سے تجاویز و ہدایات کی درخواست کی۔ رہبر انقلاب اسلامی نے 22  مئی 2017 کو ہونے والی اس ملاقات میں اس موضوع پر سیمینار کے انعقاد کی تعریف کی اور اہم تجاویز دیں۔ (۱(

رہبر انقلاب اسلامی نے مغربی ملکوں کے نوجوانوں کے نام تحریر کردہ اپنے خطوط میں کلیدی سیاسی و سماجی نکات  اور دہشت گردی کے علل و اسباب اور راہ حل پر روشنی ڈالی  تھی۔ ان خطوط کے اہم نکات اور پہلوؤں کی پیشکش کرنے والی تشہیراتی سرگرمیاں انجام دی گئیں۔ یہ کام اسلامی انقلاب تحقیقاتی-ثقافتی ادارے نے انجام دیا۔ حسینیہ امام خمینی میں اس ادارے نے نشر و اشاعت اور تشہیرات کے شعبے میں انجام دئے گئے کاموں کی نمائش کا اہتمام کیا جس کا معائنہ رہبر انقلاب اسلامی نے بھی کیا۔ 23 اگست 2016 کو ادارے کے ذمہ داران سے گفتگو کرتے ہوئے رہبر انقلاب اسلامی نے ادارے کی کاوشوں کی قدردانی کی۔  (۱)

رہبر انقلاب اسلامی آیت اللہ العظمی خامنہ ای نے میلاد النبی اور یوم ولادت با سعادت حضرت امام جعفر صادق علیہ السلام کے موقع پر اسلامی نظام کے عہدیداران، وحدت اسلامی کانفرنس کے مندوبین، اسلامی ملکوں کے سفیروں اور عوامی طبقات سے ملاقات میں نبی اکرم  کے پرفیض وجود ومبارک، عالم اسلام کے حالات، اتحاد کی ضرورت اور مسئلہ فلسطین کے تعلق سے رہنما گفتکو کی۔ یہ ملاقات 6 دسمبر 2017  کو انجام پائی (۱)

اسلامی جمہوریہ ایران میں اتوار چودہ خرداد مطابق 4 جون 2017 کو بانی انقلاب اسلامی اور اسلامی جمہوری نظام کے معمار امام خمینی رحمۃ اللہ علیہ کی برسی عقیدت و احترام سے منائی گئی۔ اس مناسبت سے مرکزی پروگرام دار الحکومت تہران کے جنوب میں واقع امام خمینی رحمۃ اللہ علیہ کے مزار پر منعقد ہوا جس میں عقیدت مندوں کے جم غفیر، رہبر انقلاب اسلامی آیت اللہ العظمی خامنہ ای، اسلامی نظام کے اعلی حکام اور غیر ملکی مہمانوں نے شرکت کی۔ اس موقع پر اپنے خطاب میں رہبر انقلاب اسلامی نے امام خمینی رحمۃ اللہ علیہ کی ش‍خصیت پر روشنی ڈالی اور ملکی و علاقائی و عالمی حالات کا جائزہ لیا۔

ماہ رمضان المبارک شروع ہوا تو حسینہ امام خمینی رحمۃ اللہ علیہ میں محفل 'انس با قرآن' کا انعقاد ہوا جس میں ملک کے قاریان کرام نے شرکت کی۔ 27 مئی 2017 کی اس تقریب میں رہبر انقلاب اسلامی آیت اللہ العظمی خامنہ ای بھی شریک ہوئے اور آپ نے اس موقع پر اپنے خطاب میں اسلامی انقلاب سے قبل اور انقلاب کے بعد قرآن کی جانب عوام کے رجحان اور قرآنی مفاہیم کے ادراک کی کیفیت پر روشنی ڈالی۔  (1)

18 فروری 1978 کی تاریخ اسلامی انقلاب کے سلسلے میں خاص اہمیت کی حامل ہے۔ اس سے چالیس دن قبل 8 جنوری 1978 کو مقدس شہر قم کے عوام نے تاریخی قیام کیا۔ عوام پر شاہی حکومت نے وحشیانہ انداز میں حملے کئے جن میں متعدد افراد شہید ہو گئے۔ اس سانحے کے چالیس دن بعد مشرقی آذربائیجان میں واقع شہر تبریز کے عوام نے شہدا کا چہلم منانے کے لئے قیام کیا۔ تبریز کے عوام کے اس اقدام نے انقلابی تحریک کو مہمیز کیا اور انقلاب تیزی سے آگے بڑھا۔ اس تاریخی قیام کی مناسبت سے اس سال بھی 18 فروری 2018 کو صوبہ مشرقی آذربائیجان اور شہر تبریز کے عوام نے رہبر انقلاب اسلامی آیت اللہ العظمی خامنہ ای سے ملاقات کی۔ اس موقع پر رہبر انقلاب اسلامی کے خطاب کا اردو ترجمہ پیش خدمت ہے؛

رہبر انقلاب اسلامی آيت اللہ العظمی خامنہ ای نے خرم شہر کی آزادی کی سالگرہ کی مناسبت سے منعقدہ تقریب 'مقدس دفاع کی یادوں کی رات' سے خطاب میں جنگ کے ایام کے حالات پر روشنی ڈالی۔ 24 مئی 2017 کو منعقدہ تقریب میں رہبر انقلاب اسلامی کے خطاب سے قبل کچھ مقررین نے جنگ کے ایام کے اپنے تجربات بیان کئے۔

رہبر انقلاب اسلامی آیت اللہ العظمی خامنہ ای نے صدارتی انتخابات اور شہری و دیہی کونسلوں کے انتخابات سے قبل اپنے ایک اہم خطاب میں الیکشن کے تعلق سے کلیدی نکات پر روشنی ڈالی۔ 17 مئی 2017 کے اپنے اس خطاب میں رہبر انقلاب اسلامی نے انتخابات سے وابستہ حکام، امیدواروں اور رائے دہندگان کو اہم ہدایات دیں۔

رہبر انقلاب اسلامی آيت اللہ العظمی خامنہ ای نے امام حسین علیہ السلام کیڈٹ یونیورسٹی کی تقریب سے خطاب میں ماہ شعبان اور ولادت حضرت ولی عصر عجل اللہ تعالی فرجہ الشریف کے ذیل میں کلیدی نکات بیان کئے۔ 10 مئی 2017 کے اس خطاب میں رہبر انقلاب اسلامی نے امام حسین علیہ السلام کیڈٹ یونیورسٹی کی خدمات کی قدردانی کی۔

رہبر انقلاب اسلامی آيت اللہ العظمی خامنہ ای نے ہفتہ استاد کی مناسبت سے اساتذہ اور علمی شخصیات سے اپنی ملاقات میں کلیدی مسائل پر گفتگو کی۔ رہبر انقلاب اسلامی نے آئندہ نسل کی  تربیت میں استاد کے کردار اور ذمہ داری کی کلیدی حیثیت اور اس کے ثمرات و نتائج پر روشنی ڈالی۔ یہ ملاقات 7 مئی 2017 کو انجام پائی۔ (1)