تہران کے دہشت گردانہ حملوں کے شہیدوں کو سپرد خاک کر دیا گیا، آل سعود، امریکہ اور صیہونیوں کے خلاف نعرے فضا میں گونجے، رہبر انقلاب اسلامی تعزیتی پیغام؛ ان جرائم کا حتمی نتیجہ امریکی حکومت اور علاقے میں سعودیوں جیسے ان کے آلہ کاروں کے خلاف نفرت میں اضافے کے علاوہ اور کچھ نہیں ہوگا۔

ملک کے یونیورسٹی طلبہ نے 7 جون 2017 کو رہبر انقلاب اسلامی آیت اللہ العظمی خامنہ ای سے ملاقات کی۔ ماہ رمضان المبارک میں حسینیہ امام خمینی رحمۃ اللہ علیہ میں انجام پانے والی اس ملاقات میں طلبہ نے مختلف موضوعات پر اپنے نظریات بیان کئے جس کے بعد رہبر انقلاب اسلامی نے اپنی تفصیلی گفتگو میں طلبہ کے سوالوں کے جواب دئے اور گوناگوں موضوعات پر روشنی ڈالی۔  (1)

رہبر انقلاب اسلامی آيت اللہ العظمی خامنہ ای نے عید بعثت پیغمبر ختمی مرتبت صلی اللہ علیہ و آلہ و سلم کی مناسبت سے ملک کے اعلی عہدیداروں، تہران میں متعین اسلامی ممالک کے سفیروں اور عوامی طبقات سے خطاب میں مقصد بعثت پیغمبر پر روشنی ڈالی۔ 25 اپریل 2017 کے اس خطاب میں رہبر انقلاب اسلامی نے عالم اسلام کے معروضی حالات و مسائل کا ذکر کیا اور راہ حل کی نشاندہی کی۔  (1)

بعض لوگوں نے بڑی اچھی جوانی گزاری مگر ان کا بڑھاپا الامان! بحق حضرت علی اکبر علیہ السلام خداوند عالم آپ نوجوانوں کو اسلام کی خدمت کے لئے محفوظ رکھے اور آپ کو ثابت قدم رکھے۔ نوجوانوں کو اس نکتے پر توجہ دینا چاہئے کہ وہ صراط مستقیم کو پہچان سکتے ہیں، اس سے قلبی وابستگی پیدا کر سکتے ہیں، خود کو صراط مستقیم کی شکل میں ڈھال سکتے ہیں، تاہم اس حالت کو قائم رکھنا بہت سخت ہے۔

رہبر انقلاب اسلامی آیت اللہ العظمی خامنہ ای نے 30 اپریل 2017 کو فقہ کے درس خارج کے آغاز میں شکر نعمت اور کفران نعمت کے موضوع  پر امام جعفر صادق علیہ السلام سے منقول حدیث کی تشریح کی۔

قرآن کریم کے بین الاقوامی مقابلوں میں شرکت کرنے والے دنیا کے مختلف ملکوں کے قرآن کے قاری و حافظ حظرات نے رہبر انقلاب اسلامی سے ملاقات کی۔ تہران کے حسینیہ امام خمینی میں انجام پانے والی اس ملاقات میں رہبر انقلاب اسلامی نے اسلامی معاشرے میں قرآن پر عمل آوری کی ضرورت، ایران میں انقلاب سے پہلے اور بعد میں قرآن کی تعلیم کی صورت حال پر روشنی ڈالی۔ یہ ملاقات 7 اردیبہشت 1396 ہجری شمسی مطابق 27 اپریل 2017 کو انجام پائی۔ (1)

نئے ہجری شمسی سال کے آغاز پر رہبر انقلاب اسلامی آیت اللہ العظمی خامنہ ای نے حسب معمول مشہد مقدس میں فرزند رسول حضرت امام علی رضا علیہ السلام کے روضہ اقدس میں عظیم الشان اجتماع سے خطاب میں اہم ترین قومی مسائل، سیاسی، سماجی، ثقافتی و اقتصادی امور پر روشنی ڈالی۔ یہ تقریر 1 فروردین 1396 مطابق 21 مارچ 2017 کو ہوئی۔  (1)

رہبر انقلاب اسلامی آیت اللہ العظمی خامنہ ای نے ملک کے حکام اور وحدت اسلامی کانفرنس کے غیر ملکی مندوبین سے خطاب میں مسلمانوں کے اتحاد پر تاکید کی(1)۔ رہبر انقلاب اسلامی نے فرمایا کہ مسلمانوں کو چاہئے کہ اپنے اشتراکات پر توجہ مرکوز کرتے ہوئے اختلافات سے چشم پوشی کریں۔ ہفتہ 17 دسمبر کو اپنے اسے خطاب میں فرمایا کہ اگر ڈیڑھ ارب مسلمان، بے پناہ وسائل کے مالک اتنے سارے اسلامی ممالک، یہ غیر معمولی افرادی قوت، اگر یہ عظیم مجموعہ متحد ہو جائے اور اتحاد کے ساتھ اسلامی اہداف کی جانب بڑھنے لگے تو دنیا کی طاقتیں رجز خوانی نہیں کر پائیں گی۔ امریکا دیگر ملکوں، حکومتوں اور قوموں پر اپنی مرضی مسلط نہیں کر پائے گا، خبیث صیہونی نیٹ ورک گوناگوں حکومتوں اور طاقتوں کو اپنے پنجہ اقتدار میں نہیں جکڑ پائے گا اور انھیں اپنے مقصد اور ہدف کے تحت استعمال نہیں کر پائے گا۔ اگر مسلمان متحد ہو جائیں تو یہ حالات ہوں گے۔ رہبر انقلاب اسلامی کے خطاب کا اردو ترجمہ پیش خدمت ہے؛

رہبر انقلاب اسلامی آیت اللہ العظمی خامنہ ای نے فقہ کے درس خارج سے قبل افغانستان کے حالات پر گفتگو کرتے ہوئے فرمایا کہ جن ہاتھوں نے داعش کی تشکیل کی وہی ہاتھ ان دہشت گردوں کو افغانستان پہنچا رہے ہیں۔ ان طاقتوں کا مقصد یہ ہے کہ علاقے میں امن و سلامتی نہ ہو تاکہ ان کی فوجی موجودگی کا جواز رہے۔

شہدا کے اہل خانہ نے رہبر انقلاب اسلامی آيت اللہ العظمی خامنہ ای سے ملاقات کی۔ 2 جنوری سنہ 2018 کو ہونے والی اس ملاقات میں رہبر انقلاب اسلامی نے شہدا اور ان کے اہل خانہ کی قربانیوں کا ذکر کیا اور ملک و قوم پر ان کے احسان کی نشاندہی کی۔