اسلامی تبلیغات کو آرڈینیٹنگ کونسل کے ارکان نے رہبر انقلاب اسلامی آیت اللہ العظمی خامنہ ای سے ملاقات کی۔ 27 دسمبر 2017 کو ہونے والی اس ملاقات میں رہبر انقلاب اسلامی نے اسلامی تبلیغ اور مغربی پروپیگنڈے کے فرق کو بیان کیا (1)۔ یہ ملاقات 2009 میں صدارتی انتخابات کے بعد ہونے والے آشوب کے خلاف عوام کی تاریخ ساز ملک گیر ریلیوں کی سالگرہ  کے موقع پر ہوئی۔

ایران کے مشہور کشتی گیر علی رضا کریمی نے 10 دسمبر 2017 کو رہبر انقلاب اسلامی  سے ملاقات کی۔ علی رضا کریمی  اسرائیلی کشتی گیر کے مقابلے سے بچنے کے لئے اس سے پہلے کی کشتی میں روسی پہلوان سے عمدا ہار گئے۔ اسرائیل کو ایران غیر قانونی حکومت مانتا ہے اس لئے ایران کے کھلاڑی کبھی بھی اسرائیل کا مقابلہ نہیں کرتے۔ اس ملاقات میں رہبر انقلاب اسلامی نے علی رضا کریمی کے جذبے کی تعریف کی۔

رہبر انقلاب اسلامی آیت اللہ العظمی خامنہ ای نے منگل کی صبح قم کے ہزاروں لوگوں سے خطاب کرتے ہوئے حالیہ دنوں ملک کے عوام کے عظیم، پرجوش، منظم اور بر وقت مظاہروں کی قدردانی کی اور عوام کے بجا مطالبات کو اپنے منحوس مقاصد کے لئے استعمال کرنے کی دشمنوں کی سازشوں کی تہوں سے پردہ اٹھایا۔ یہ ملاقات 19 دی 1356 ہجری شمسی مطابق 9 جنوری 1978 کو اہل قم کے تاریخی قیام کی مناسبت سے 9 جنوری 2018 کو انجام پائی۔ اس موقع پر اپنے خطاب میں رہبر انقلاب اسلامی نے فرمایا کہ ملت کے دشمنوں سے ملت کا پیکار، ایران کے دشمنوں سے ایران کا پیکار اور اسلام کے دشمنوں سے اسلام کا پیکار پچھلے چالیس سال سے جاری ہے، تاہم دشمن کی کینہ پروری اس بات کا سبب نہ بنے کہ عہدیداران عوام کی مشکلات سے غافل ہوں۔

ایران میں 'محبین اہلبیت علیہم السلام اور مسئلہ تکفیریت' بین الاقوامی کانفرنس ہوئی۔ اس کانفرنس کے مندوبین نے 23 نومبر 2017 کو رہبر انقلاب اسلامی آیت اللہ العظمی خامنہ ای سے ملاقات کی۔ اس موقع پر رہبر انقلاب اسلامی نے اپنے خطاب میں اتحاد بین المسلمین کی ضرورت پر زور دیا اور اہلبیت پیغمبر کے محور کو اللہ تعالی، پیغمبر اکرم اور قرآن کریم کی طرح اتحاد کا اچھا محور قرار دیا۔ (1)

رہبر انقلاب اسلامی آیت اللہ العظمی خامنہ ای نے داعش کے 'شجریہ خبیثہ' کے تسلط کے خاتمے کے بارے میں سپاہ پاسداران انقلاب اسلامی کی القدس فورس کے کمانڈر جنرل قاسم سلیمانی کے مکتوب کے جواب میں زور دیکر کہا کہ آپ نے داعش کی شکل میں مہلک سرطان کو نابود کرکے علاقے کے ممالک اور عالم اسلام ہی نہیں بلکہ تمام اقوام اور بشریت کی عظیم خدمت انجام دی ہے۔ جنرل قاسم سلیمانی کے خط کا جواب حسب ذیل ہے؛

رہبر انقلاب اسلامی آیت اللہ العظمی خامنہ ای نے معروف فقیہ اور فلسفی علامہ تقی جعفری کے فلسفیانہ نظریات کا جائزہ لینے کے لئے منعقد ہونے والے سیمیار کے منتظمین سے ملاقات میں علامہ تقی جعفری کی علمی شخصیت کے بڑے دلچسپ اور اہم پہلوؤں پر روشنی ڈالی۔ 13 نومبر 2017 کی اس ملاقات میں رہبر انقلاب اسلامی نے علامہ تقی جعفری پر سیمینار منعقد کئے جانے پر اظہار مسرت کیا۔ رہبر انقلاب اسلامی کا خطاب ملاحظہ ہو؛

رہبر انقلاب اسلامی آیت اللہ العظمی خامنہ ای نے 13 نومبر 2017 کو صوبہ قم اور صوبہ مشرقی آذربائیجان کے ثقافتی شعبے کے عہدیداران اور کارکنان سے گفتگو میں اربعین امام حسین علیہ السلام سے متعلق گفتگو کرتے ہوئے فرمایا کہ اربعین کے موقع پر زائرین اور عقیدتمندوں کا پیدل سفر بڑی عجیب شئے ہے۔ خطاب کے کچھ اقتباسات؛

رہبر انقلاب اسلامی آیت اللہ العظمی خامنہ ای نے 14 نومبر 2017 کو مجریہ، مقننہ اور عدلیہ کے سربراہوں سے اپنی ملاقات میں صوبہ کرمان شاہ کے زلزلے کا ذکر کیا اور متاثرین کے تعلق سے عہدیداران کے جذبات کی قدردانی کرتے ہوئے اس بات پر تاکید فرمائی کہ امداد رسانی اور باز آبادکاری کا کام تسلسل سے جاری رہنا چاہئے۔

رہبر انقلاب اسلامی آیت اللہ العظمی خامنہ ای نے زلزلے سے متاثرہ صوبے کرمان شاہ کا دورہ کیا۔ 20 نومبر 2017 کو زلزلے سے متاثرین کے درمیان رہبر انقلاب اسلامی نے اپنی گفتگو میں لوگوں کا غم بانٹنے کی کوشش کی۔

رہبر انقلاب اسلامی آیت اللہ العظمی خامنہ ای نے صوبہ کرمان شاہ کے زلزلے سے متاثرین کی مشکلات و مسائل کے جائزے کے لئے منعقدہ اجلاس سے خطاب کیا۔ 21 نومبر 2017 کے اپنے اس خطاب میں رہبر انقلاب اسلامی نے قدرتی آفات کے بعد ریسکیو آپریشن، امداد رسانی اور باز آبادکاری کے مراحل کے تعلق سے اپنے ذاتی تجربے کی روشنی میں کچھ اہم نکات بیان کئے۔