رہبر انقلاب اسلامی آیت اللہ العظمیٰ خامنہ ای نے بدھ 25 ستمبر 2024 کی صبح مقدس دفاع اور استقامت کے شعبے میں سرگرم رہے ہزاروں افراد اور سینیئر فوجیوں سے ملاقات میں، مسلط کردہ جنگ کے آغاز کے اسباب کی تشریح کرتے ہوئے نئي بات اور کشش کو دنیا پر حاکم فاسد اور باطل نظام کے مقابلے میں اسلامی جمہوریہ کے دو اہم عناصر قرار دیا۔

رہبر انقلاب اسلامی آیت اللہ العظمیٰ سید علی خامنہ ای نے سابق نائب صدر ڈاکٹر محمد مخبر کو اپنا مشیر مقرر کیا ہے۔

رہبر انقلاب اسلامی نے پیغمبر اکرم حضرت محمد صلی اللہ علیہ و آلہ و سلم اور امام جعفر صادق علیہ السلام کے یوم ولادت با سعادت کے موقع پر سنیچر 21 ستمبر 2024 کی صبح ملک کے بعض اعلیٰ عہدیداران، تہران میں متعین اسلامی ممالک کے سفراء، وحدت اسلامی کانفرنس کے شرکاء اور بعض عوامی طبقات سے ملاقات کی۔

رہبر انقلاب اسلامی نے پیرس اولمپک اور پیرالمپک میں میڈل حاصل کرنے والے کھلاڑیوں اور ٹیم کے دیگر ارکان سے ملاقات کی۔

ماہ ربیع الاول کے آغاز کے ساتھ ہی ثامن الائمہ حضرت علی ابن موسی الرضا علیہ الصلاۃ و السلام کی ضریح اطہر کی صفائي کا روحانی عمل، جسے "غبار روبی" کہا جاتا ہے، رہبر انقلاب اسلامی آیت اللہ العظمیٰ خامنہ ای، بعض علماء، امام رضا کے آستانۂ اقدس "آستان قدس رضوی" کے متولی اور خدام کی شرکت سے انجام پایا۔ ولایت و امامت کی خوشبو سے معطر اور روحانیت سے معمور اس پروگرام میں زیارت جامعۂ کبیرہ اور زیارت امین اللہ پڑھی گئی اور امام حسن عسکری علیہ السلام کی شہادت کے ایام کی مناسبت سے کچھ ذاکرین و مداحان اہل بیت نے اہل بیت علیہم السلام کے فضائل و مصائب کا ذکر کیا اور امام رضا علیہ السلام سے توسل کر کے دعائيں مانگي گئيں۔ اس پروگرام کے ذیل میں رہبر انقلاب اسلامی آیت اللہ خامنہ ای نے شہید صدر حجت الاسلام و المسلمین رئیسی کی قبر پر پہنچ کر فاتحہ خوانی کی۔

رہبر انقلاب اسلامی آیت اللہ العظمی خامنہ ای نے بدھ کی شام ترکمنستان کے اہم قومی رہنما اور پیپلز کونسل کے چیئرمین قربان علی بردی محمدوف اور ان کے ھمراہ آئے وفد سے ملاقات میں دونوں ملکوں کے باہمی تعلقات کے فروغ کو بڑی اہم ترجیح قرار دیا اور کہا کہ حالیہ برسوں میں ایران اور ترکمنستان کے تعلقات میں اچھی وسعت آئی ہے لیکن باہمی تعاون بڑھانے کی ابھی مزید گنجائش موجود ہے جسے بروئے کار لانا چاہئے۔  آیت اللہ خامنہ ای کا کہنا تھا کہ باہمی روابط کا فروغ دونوں ملکوں کے مفاد میں ہے اور ہم امید کرتے ہیں کہ ڈاکٹر مسعود پزشکیان کی تازہ دم حکومت دونوں ملکوں کے روابط کو فروغ دینے سے متعلق امور زیادہ پختگی کے ساتھ انجام دے گی۔  رہبر انقلاب اسلامی نے ترکمنستان کے ساتھ روابط بڑھانے میں صدر ایران کی خاص دلچسپی کا حوالہ دیتے ہوئے کہا کہ محترمہ فرزانہ صادق روڈ اینڈ اربن ڈیولپمنٹ منسٹر اور مشترکہ کمیشن کی سربراہ کی حیثیت سے دونوں ملکوں کے معاہدوں پر عملدرآمد پر نظر رکھیں گی تاکہ مطلوبہ نتائج حاصل ہوں۔  رہبر انقلاب اسلامی نے دونوں ملکوں کے مشترکہ پروجیکٹوں منجملہ ساؤتھ - نارتھ ہائی وے اور ترکمنستان گیس پائپ لائن پروجکٹ کے بارے میں ترکمنستان کی پیپلز کونسل کے چیئرمین کی گفتگو کا حوالہ دیتے ہوئے کہا کہ ان بڑے پروجیکٹوں کو ایرانی ماہرین کی مدد سے عملی جامہ پہنانے کی صورت میں دونوں ملکوں کے تعلقات پہلے سے زیادہ مستحکم ہوں اور دونوں ملکوں کی قربت بڑھے گی۔  اس ملاقات میں صدر مملکت ڈاکٹر پزشکیان بھی موجود تھے۔ اس موقع پر جناب قربان علی بردی محمدوف نے دونوں ملکوں کو ایک دوسرے کا رشتہ دار قرار دیا اور کہا کہ تہران میں جناب صدر محترم سے بہت اچھے مذاکرات ہوئے اور ہم امید کرتے ہیں کہ مفاہمتی یادداشتیں جن پر دستخط ہوئے، ان سے بہت اچھے نتائج حاصل ہوں گے۔ ترکمنستان کے قومی رہنما نے مرحوم صدر رئیسی کو یاد کیا اور دونوں ملکوں کے تعلقات کو فروغ دینے کے لئے ان کی کوششوں کی قدردانی کرتے  ہوئے کہا کہ ترکمنستان اور ایران کی طویل مشترکہ سرحدیں ہمیشہ دوستی و صلح کی سرحدیں رہی ہیں اور آئندہ بھی رہیں گی اور ہم ہر شعبے میں باہمی تعلقات بڑھانے کے لئے آمادہ ہیں۔

اربعین امام حسین علیہ السلام کے موقع پر تہران کے حسینیہ امام خمینی میں اسٹوڈنٹ انجمنوں نے عزاداری سید الشہدا کا پروگرام منعقد کیا جس میں رہبر انقلاب آیت اللہ خامنہ ای نے بھی شرکت کی۔  پروگرام میں زیارت اربعین پڑھی گئی جس کے بعد حجت الاسلام و المسلمین اصلانی نے مجلس پڑھی اور  'روضہ خوانوں' نے سید الشہدا کا نوحہ پڑھا۔  پروگرام کے اختتام پر آیت اللہ خامنہ ای کی امامت میں نماز ظہر و عصر ادا کی گئی۔ دونوں نمازوں کے درمیان رہبر انقلاب نے حاضرین سے خطاب کرتے ہوئے زیارت عاشورا کے جملوں کا حوالہ دیا اور کہا کہ حسینی محاذ اور یزیدی محاذ کے درمیان مقابلہ آرائی جاری ہے جو ختم ہونے والی نہیں ہے۔  رہبر انقلاب کا کہنا تھا کہ بے شک الگ الگ حالات میں اس جنگ کے انداز الگ الگ  ہوتے ہیں۔ انہوں نے کہا کہ اسلامی انقلاب نے نوجوانوں کے سامنے بہت وسیع میدان کھول دیا ہے اور اس موقع کا بھرپور فائدہ اٹھانا چاہئے اور صحیح منصوبہ بندی، فریضے کی صحیح شناخت کے ساتھ انقلاب کے اعلی اہداف کی سمت میں بر وقت لازمی اقدام انجام دینا چاہئے تاکہ پیشرفت اور کامیابی کا راستہ ہموار ہو۔  آیت اللہ خامنہ ای نے اپنے خطاب میں زور دیا کہ امام حسین علیہ  السلام کے قیام کا مقصد ظلم و جور کا مقابلہ کرنا تھا۔ آپ نے کہا کہ ظلم و جور سے حسینی محاذ  کے مقابلے کے طریقے حالات کے مطابق بدلتے رہتے ہیں، یہ مقابلہ نیزہ و شمشیر کے زمانے میں کسی انداز کا تھا تو ایٹمی دور اور آرٹیفیشیل انٹیلیجنس کے زمانے میں کسی اور انداز کا ہے، شعر و قصیدے اور حدیث و اقوال سے تبلیغ کے زمانے میں اس کا الگ انداز تھا اور انٹرنٹ اور کوانٹم کے زمانے میں اس کی روش الگ ہے۔  رہبر انقلاب اسلامی کے مطابق یہ فریضہ طالب علمی کے زمانے میں الگ انداز سے انجام دیا جاتا ہے اور عہدہ سنبھالنے کے بعد دوسرے انداز انجام دیا جاتا ہے۔ انہوں نے کہا کہ یزیدی محاذ سے حسینی محاذ کی جنگ ہمیشہ بندوق کے ذریعے نہیں ہوتی بلکہ صحیح فکر، صحیح گفتگو، صحیح شناخت کے ساتھ فریضے کی آگاہی حاصل کی جاتی ہے اور ٹھیک نشانے پر وار کرنا ہوتا ہے۔  رہبر انقلاب اسلامی نے زور دیکر کہا کہ اگر ہم اس راستے پر چلے تو ہماری زندگی با معنی و با ہدف ہوگی۔ انہوں نے کہا کہ نوجوان موجودہ دور کو جس میں اسلامی انقلاب کی برکت سے ان کے سامنے بہت وسیع میدان کھل گیا ہے، غنیمت جانیں اور منصوبہ بندی، مطالعے اور صحیح فکر کے ذریعے جو قرآن سے آشنائی حاصل کرنے کا لازمہ ہے، بر وقت اقدام کریں۔  آیت اللہ خامنہ ای نے کہا کہ یہ بر وقت اقدام کبھی یونیورسٹی کے اندر انجام دینا ہوتا ہے، کبھی سماجی فضا کے اندر، کبھی سیاسی ماحول میں انجام دینا ہوتا ہے اور کبھی یہ اقدام کربلا کی راہ میں، فلسطین کی راہ میں اور اعلی اہداف کی راہ میں انجام دیا جاتا ہے۔  رہبر انقلاب اسلامی کا کہنا تھا کہ اس تاریخی موقع سے صحیح استفادہ نوجوانوں کی کامیابی و کامرانی کی ضمانت ہے اور اگر یہ موقع ہاتھ سے چلا جائے اور فریضے پر عمل نہ کیا جائے تو یہ بہت بڑا خسارہ ہے۔

پیرس اولمپکس 2024 میں ایران کے اسپورٹس کارواں کے مقابلے مکمل ہو جانے پر رہبر انقلاب اسلامی آيت اللہ العظمیٰ خامنہ ای نے شکریے کا پیغام جاری کیا۔

حزب اللہ لبنان کے ڈپٹی سیکریٹری جنرل حجۃ الاسلام و المسلمین نعیم قاسم نے منگل کی شام رہبر انقلاب اسلامی آيت اللہ العظمیٰ سید علی خامنہ ای سے ملاقات کی۔ اس موقع پر رہبر انقلاب اسلامی نے طوفان الاقصیٰ آپریشن کے آغاز سے حزب اللہ کے موقف کو پوری طرح سے مدبرانہ، عاقلانہ اور مصلحت کے مطابق بتایا اور کہا کہ آگے کا راستہ بھی اسی تناظر میں طے کیا جانا چاہیے۔ انھوں نے لبنان کے مختلف دھڑوں اور جماعتوں کے درمیان پائی جانے والی ہماہنگي اور ان کی جانب سے مزاحمت کے موقف اور فیصلوں کی حمایت کو اس ملک کی سیاست میں حزب اللہ کی کامیابی کی نشانی بتایا۔ رہبر انقلاب اسلامی نے جناب نعیم قاسم سے کہا کہ جناب سید حسن نصر اللہ کو میرا سلام کہیے گا اور کہیے گا کہ میں ہمیشہ ان کے لیے اور لبنانی مزاحمت کے تمام کمانڈروں اور سپاہیوں کے لیے دعا کرتا ہوں۔ اس ملاقات میں حزب اللہ لبنان کے ڈپٹی سیکریٹری جنرل حجۃ الاسلام و المسلمین نعیم قاسم نے لبنان کی تازہ صورتحال اور مقبوضہ فلسطین کے شمالی محاذ پر جنگ کے بارے میں ایک رپورٹ پیش کی۔

رہبر انقلاب اسلامی آيت اللہ العظمیٰ سید علی خامنہ ای نے منگل 30 جولائي 2024 کو حماس کے پولیت بیورو کے سربراہ جناب اسماعیل ہنیہ اور جہاد اسلامی تحریک کے سیکریٹری جنرل جناب زیاد النخالہ سے ملاقات میں غزہ کے مظلوم عوام کی بے نظیر استقامت و مزاحمت کو سراہتے ہوئے کہا کہ آج اسلام کا سب سے بلند پرچم، فلسطینی قوم اور غزہ کے لوگوں کے ہاتھ میں ہے اور اس مزاحمت کی برکت سے اسلام کی پہلے سے زیادہ ترویج کی راہ ہموار ہو گئی ہے۔

رہبر انقلاب اسلامی آيت اللہ العظمیٰ خامنہ ای نے منگل کی صبح تاجکستان کے صدر امام علی رحمان اور ان کے ہمراہ آئے وفد سے ملاقات میں اسلامی جمہوریہ ایران کی کلیدی پالیسی اور ترجیح علاقائي ممالک خاص طور پر ہم زبان اور مشترکہ زبان، تاریخ اور دین رکھنے والے ملکوں سے تعلقات کو فروغ دینا قرار دیا اور زور دے کر  کہا کہ اسلامی جمہوریہ ایران ماضی کی طرح مختلف میدانوں میں تاجکستان کے ساتھ پرخلوص تعاون کے لیے تیار ہے۔

چودھویں انتظامیہ ایک تقریب میں رہبر انقلاب اسلامی کی جانب سے منتخب صدر کے حکمنامے کی تنفیذ (انتخابات میں ملے عوامی مینڈیٹ کی توثیق) اور انھیں حکمنامہ دیے جانے کے بعد اتوار 28 جولائی 2024 سے باضابطہ طور پر اپنا کام شروع کرے گی۔

رہبر انقلاب اسلامی نے اتوار 21 جولائي 2024 کی صبح پارلیمنٹ کے اسپیکر اور اراکین سے ملاقات کی۔

حسینیۂ امام خمینی میں بدھ کے روز رہبر انقلاب اسلامی کی موجودگي میں گیارہویں محرم کی مجلس منعقد ہوئي۔

حسینیۂ امام خمینی میں پیر کو شب ‏‏عاشور کی مجلس منعقد ہوئی جس میں رہبر انقلاب اسلامی آیت اللہ العظمی سید علی خامنہ ای اور عزاداروں نے شرکت کی۔

حسینیۂ امام خمینی میں دوسری شب کی مجلس عزا منعقد ہوئی جس میں رہبر انقلاب اسلامی آیت اللہ العظمی سید علی خامنہ ای اور عزاداروں نے شرکت کی۔

رہبر انقلاب اسلامی آيت اللہ العظمیٰ سید علی خامنہ ای نے ایک حکمنامے کے تحت حجت الاسلام الحاج شیخ احمد مطہری اصل کو صوبۂ مشرقی آذربائيجان میں ولی فقیہ کے نئے نمائندے اور تبریز کے امام جمعہ کے طور پر منصوب کیا ہے۔

منتخب صدر ڈاکٹر مسعود پزشکیان نے ہفتہ 6 جولائی 2024 کو رہبر انقلاب اسلامی آیت اللہ خامنہ ای سے ملاقات کی۔

رہبر انقلاب اسلامی آيت اللہ العظمیٰ سید علی خامنہ ای نے بدھ 3 جولائي 2024 کی صبح مدرسۂ عالی شہید مطہری کے عہدیداروں اور اساتذہ سے ملاقات میں، الیکشن کے سیکنڈ راؤنڈ کے بارے میں ایک مختصر بیان میں زور دے کر کہا کہ یہ الیکشن بہت اہم ہے اور جو بھی اسلام، اسلامی جمہوریہ، ملک کی پیشرفت، ملک کے حالات کی بہتری اور کمیوں کے خاتمے کو پسند کرتا ہے وہ جمعے کے دن الیکشن میں حصہ لے کر اپنی اس چاہت کا مظاہرہ کرے۔